marimekko83的个人专页

灣仔真係開咗好多特式又chill既cafe 走到月街 試吓純白簡約設計既Apt. coffee 全白色外牆 搭配淺木色 白色的桌椅 簡單以植物裝飾 舒適樸實 店名Apt指A Personal Tailor 由咖啡到open toast 客人可按個人喜好去選擇配搭。咖啡可以自選成份 比例 例如豆種 奶量 奶泡厚度 配搭多變食物方面最受歡迎係自選open toast由麵包種類 醬料到配料全自選麵包分酸種包 核桃包 醬料可選紅菜頭醬或檸檬忌廉芝士醬 基本配料有雞蛋 蘑菇 蕃茄火腿 兩款定價$65 三款定價$80 四款係$138 而煙三文魚 牛油果 雞胸 蟹肉等食材需加錢 組合出屬於自己的配搭👍🏻我地分別叫咗酸種包配紅菜頭醬 toppings有smoked salmon/poached egg/crab meat/avocado 另一款叫咗酸種包配檸檬忌廉芝士醬 toppings有Parma ham/mushroom/avocado/poached eggOpen toast即點即製 賣相色彩鮮豔 好收引 胃口大增😋…查看更多

最近知道牛頭角開咗間新cafe叫樂感 係桔梗既姊妹品牌 難得三五知己 慕名而來試吓新嘢一入餐廳 超大空間 坐得好舒服 好chill落地大玻璃好開掦 文青裝修 無限時任坐 店內仲自設炒豆房食物方面 我地叫咗鮭魚牛油果香草三文治牛肉培根烤肉醬三文治 台北燉牛肉意粉 同埋炸魚薯條燉牛肉肉質軟嫩juicy 醬汁用免治牛肉同花椒油煮 所以香濃帶肉碎有少少麻 配上意大利粉煮法幾特別 味道濃郁惹味 推介👍🏻鮭魚牛油果香草三文治 賣相吸引 三文治烘得香脆 配料豐富 清新富有口感 牛油果creamy 鮭魚同三文魚子仲有流心蛋黃 非常好配搭 好味超正今次食得太飽 下次一定要試吓甜點窩夫🧇…查看更多

做法正宗既傳統意大利拿坡利pizza 高質而且性價比又高。如果好想食pizza又咁岩係銅鑼灣，推介一定要黎Mother of Pizzas呢到既pizza 種類選擇都好多，而且最重要係可以兩個口味各半 仲可以加錢額外加配料尺寸亦有13吋和18吋兩種可選，價錢由$168 - $469都有margherita pizza 呢款最classic 我哋每次都係必食 即叫即整 上台熱烘烘 最簡單既材料mozzarella 芝士蕃茄同羅勒 外面酥脆內裡濕潤 真係好好食另外我哋仲叫左meatball bolognese 肉丸嫩多汁 意粉係偏硬身 食落有口感 蕃茄醬汁好新鮮香濃郁惹味 配合恰到好處 好味道值得推介…查看更多

星期日同朋友出旺角行街行到又攰又肚餓 經過兆萬見到神戶屋放題個價錢幾吸引 午市及晚市指定時段 任食任飲 3小時$179起 共有200款食飯選擇 一於試試佢果然食物既選擇種類超多 落單紙由A排到J 刺身 沙律 前菜 炸物 串燒 一品料理 火鍋 壽司等等 應有盡有 仲有期間限定menu 食物方面 主打既剌身船賣相擺盤好吸引我哋叫咗三文魚 希靈魚 泰式生蝦 同天使蝦剌身 剌身味道唔錯亦新鮮 點既數量都上足另外都order 咗個日本和牛壽喜燒 雖然細細鍋但裡面食材好足料尤其和牛份量都多塊 有啲喜出望外 仲有order咗各類壽司炸物同一品料理 味道都好食同好快上台 而且服務員會跟足單 會問有冇漏左order未到 挺細心的飲品同雪條種類選擇都幾多 有兒時最愛既大腳板雪條…查看更多

一直都好想試，難得見到唔使排隊等位，walk-in 一試梔子啦。餐廳裝修非常吸睛，好靚呀。走文青路線，絶對適合打卡。整體感覺坐得好舒適，好岩同三五知己，同閨蜜約會食野傾計既地方，值得推介。食物方面，我地叫咗午套餐分別係黑醋雜菌意大利粉$88同牛油果蛋比高三文治$88。黑醋雜菌意大利粉$88有驚喜！初頭會以為係西式煮法既意粉，但原來係炒意粉既煮法，食得出有鑊氣似中式，不過食落又唔會覺得好油膩，所以味道香濃。黑醋味唔太強烈，意粉口感彈牙偏有咬口，配有大量雜菌同菜一齊去炒。午餐黎講，份量都算適中，整體來講好滿意。套餐包熱咖啡或者茶，如果想要凍的話，就加$5。如果想輕食同健康嘅話，我會推介朋友點個款牛油果蛋比高三文治。因為食得太飽，下次想試吓佢地既甜品餐單既開心果蛋糕…查看更多

輕輕鬆鬆星期日既晏就，黎到銅鑼灣fahionwalk入面有間隱世cafe，嘆返個brunch relax吓，仲有當然要潮聖啦因為餐廳係潮人Kevin Poon主理，店內既傢俬都係用原木，加上有KAWS既藝術掛畫同村上隆既滑板做裝飾，環境氣氛都好chill!食物方面，我哋叫咗Avocado Toast $95同EG Burger$110。Avocado Toast 上面鋪滿切到薄片牛油果，牛油果加埋流心蛋蛋汁一齊食，好夾好味。大量沙律菜同dressing 伴碟，酸酸甜甜幾開胃。至於EG Burger,不過不失。份量不算太大，牛肉算厚身同有肉汁，不會太乾，最特別係用咗太陽蛋。食物味道還算可以，不過享受餐廳環境氣氛遠過食物。另外餐廳仲有最出名既gelato，不過今日食得太飽，下次一定要再黎試吓!…查看更多

又黎到星期日，想搵間cafe好悠閑咁享受一下。之前上網見到上環既oldish已經好想黎試吓。呢度既裝修係英式復古風，好有特色既小店，放左唔少懷舊既擺設，好有格調，可以慢慢嘆吓咖啡，呢到不失為一個打卡呃like既好去處。Four cheese waygu beef burger$158賣相特別已經相當吸引！巴馬臣芝士炸到一大片，好吸睛，食落去薄脆又充滿咸香。塊和牛扒厚身又唔會整得過熟，保留到肉汁好嫩好juicy，牛肉上面仲有半溶既車打芝士同水牛芝士，口感相當豐富。推介喜歡芝士既朋友一定不能錯過。佢用咗提子包做漢堡包，呢個係好特別，食落更有咬感同帶甜甜的。另外仲有薯條同沙津菜做伴菜，配搭一流！我會推介呢個four cheese waygu beef burger，相當有驚喜。Oldish All day breakfast $158舊式英倫cafe又點少得叫返個傳統既all day breakfast，呢到既英式早餐份量真係多又豐富。材料有炒蛋，煙肉，腸仔，煙三文魚，茄汁豆，薯餅，蘑菇。所以材料都係熱烘烘，每一樣都好好食。特別炒蛋整到好滑流，蘑菇亦有牛油香咬落帶汁，我至愛既薯餅竟然有兩塊而且仲好香脆乾身，好滿足呀！…查看更多

上次一個人去荳子食午餐，就已經念念不忘食物同環境氣氛。今次帶好朋友一齊，再去荳子，仲可以點多幾道菜式，嘗試其他美食。我地叫咗芝士薯條，黃金蟹肉意大利粉，千島醬蟹棒蟹子帆立貝薄餅。所有食物賣相都好吸引，相當精緻。當然又係打卡影相既時候啦。至於味道方面，芝士薯條係濃濃既車打芝士鋪面，薯條岩岩炸好，又熱又香脆，令到芝士半溶拉絲狀態，食到停唔到口。黃金蟹肉意大利粉，顧名思義黃金即係鹹蛋黃，濃濃既咸香再加埋蟹肉香菇配料，蟹肉味濃郁，最緊要意粉汁量夠，所有配搭都好match，好好味，賣相更加贏哂，原隻蟹蓋上碟，值得推介。最後千島醬蟹棒蟹子帆立貝薄餅，千島醬配海鮮絕對一流，用料果然十足豐富，大量海鮮配料，有明太子，蘑菇，洋蔥，蟹柳同帶子，加埋千島醬同芝士，好味道。薄餅即叫即製，餅邊微脆，餅底又唔會太厚。荳子果然無令人失望。…查看更多

同好朋友食返個brunch太耐冇見了，所以一定要搵返個地方係坐得舒服又自在既環境。平日又撞正午膳時段，都要等15分鐘左右先有位。我地一齊㨂左All day menu 1+2 $98 有餐湯或沙律同主菜連埋飲料。整體黎講其實都幾抵食，值得推介👍🏻限定冰茶有淡淡既芒果味，幾清新。是日餐湯係蘑菇湯配法包，餐湯端上台仲係熱既，有濃濃既蘑菇香，點埋法包一齊食好滋味。主餐分別叫咗蘑菇忌廉汁闊條麵香草燒雞胸燒野菌同埋車打芝士煙肉牛肉漢堡。意粉整體味道唔錯，意粉既口感都彈牙不會過硬質感，雞肉同蘑菇既配料算多，雞肉嫩滑，不過忌廉汁略嫌過少。另外漢堡既份量尚算大份，兩個女仔share 食都已經好足夠。漢堡牛肉不會過熟，仲係呈粉嫩紅色，所以口感都juicy。…查看更多

松記我敢講自己真係由細食到大 讀書既時候成日放學同一大班同學仔去食 大個左之後都仲keep住成日去食除左因為佢真係好好食之外 加上價錢經濟實惠 糖水款式選擇又多 最重要因為食開有感情今次叫左鮮雜果鴛鴦涼粉同埋擂沙湯丸 一如以往既味道 一如以往既美味 水果一如以往咁新鮮咁足料大份除左鮮雜果鴛鴦涼粉同埋擂沙湯丸之外 如果拿唔定主意諗唔到食乜的話 我非常推介佢地既幻彩明珠同埋Summer 呢兩款甜品都係我由細食到大的P.S. 好欣賞佢唔似有d食店咁因為出左名/開多左分店而變得冇咁好食 同埋價錢都依舊咁合理 有乜理由唔再繼續支持wo!…查看更多

係尖沙咀同朋友行街行到攰又熱，好想搵個地方坐低歇下腳，飲下野傾計。翰林茶館不失為一個好地方，好推介。翰林茶館主打台式料理，咁當然一定要叫既台式飲料就係珍珠奶茶啦。呢到有個好特別台式飲料叫咗熊貓珍珠奶茶（少甜），原來即係黑白珍珠，黑珍珠係正常size而白珍珠係比較細細粒，咬落煙煙韌韌，一次過有兩種size珍珠好有咬感，不過茶味唔算太重，但份量都算大杯。另外我地仲叫咗小食填下肚，分別係台式炸雞塊（4件)同埋滷味豆腐。炸雞塊既炸粉唔算厚，熱辣辣香脆可口，不會滿口油膩感，食得出有濃味既醃料，幾惹味。伴碟既沙律菜係有芝麻醬係上面，唔係用嚟普通伴碟咁簡單。另外滷味豆腐係原舊豆腐上碟，都幾特別。微熱既豆腐，滑嫩加埋滷味汁同香蔥，都唔錯。…查看更多

星期日難得早起身，食返個豐富既brunch好好享受一下，突然間好想食日本既班戟呀，見幸福班戟唔使排隊又少人，可以坐得舒舒服服。由於一大早未食野，所以揀咗鹹班戟，下次先試佢地既甜班㦸啦。我地叫咗全麥班戟配芝士蘑菇奄列$98同三文魚牛油果芝士慕絲班㦸$108所有班戟都係即叫即整，保證熱烘烘同新鮮。所以等候都要預返15分鐘左右啦。賣相好精緻，急不及待要即刻食。鹹班㦸係加左麥去整，食得出有麥味，味道唔錯呀，幾特別。奄列裏面既芝士仲係溶絲既狀況，仲有大量既蘑菇非常滿意。班㦸既質感唔算屬空氣感，但口感都係軟綿帶少少實淨。所以食完之後帶點飽肚感，另外沙律菜份量多而且新鮮爽口加埋個沙律醬亦清新唔會油膩，很好既配搭。…查看更多

回想返當年去巴黎旅行公幹，最令人難以忘懷既美食，一定係松露同鵝肝。一知道香港開咗首間artisan de la truffe就急不及待黎回憶。話眀係松露餐廳，所有菜式都會有松露做配料。首先前菜我地叫香煎鴨肝配紅酒蘋果野莓醬松露（Foie Gars poele ）一端上枱已經聞到好香既松露同鴨肝，鴨肝肥美入口即溶。好簡單煎香鴨肝兩面，鴨肝底下墊左塊香脆既多士，配埋一齊食非常一絕，鴨肝既油分滲落多士，減低鴨肝既油膩感，加埋松露既香氣，好好味。爽甜既紅酒蘋果同野莓既甜酸，可以清一清味蕾。主菜方面，分別係澳洲M6和牛西冷配松露（Steak de boeuf wagyu）同埋意大利飯配蘑菇松露（Morel mushroom risotto）和牛熟成度剛剛好，牛肉表面佈滿格紋烤得好靚好吸引呀，和牛保留到肉汁同嫩口感，份量亦適中。和牛既肉味加埋松露，做到畫龍點精既效果，另外伴碟同賣相好精緻，係法國菜既一大特色。另外松露意大利飯亦好出色，好creamy，鋪滿大量松露片，飯粒軟硬度適中，食落有咬感。加埋蘑菇既菇香，整體好ok。最後緊係甜品啦，就叫咗法式焦糖燉蛋配松露雪糕（creme brûlée)，焦糖面微微金黃色而且脆口，香滑既燉蛋亦有濃郁既雲妮嗱味道，做得好出色。最估唔到嘅係松露片可以配雪糕，好特別而且好味，打破以往既傳統。…查看更多

今次難得好朋友帶我去食好嘢，發掘下香港小店支持下，搵到間係灣仔汕頭街既The Cupping Room，餐廳門口同店內裝修以黑白為主，簡約得黎又有格調，俾我既印象非常良好。我地叫咗lunch set 分別係 Spaghetti & Mushroom with Spinach Creamy Sauce 同埋 Spaghetti & Pan-fried Chicken Breast with Garlic Creamy Sauce。餐飲方面我地就叫咗cuppuccino 同flat white。原來The Cupping Room既咖啡係好出名，因為呢到既老闆曾經兩度奪得《香港咖啡大師賽》冠軍，果然係名不虛傳，咖啡絶對係高水準，對佢哋既咖啡念念不忘。Spaghetti & Pan-fried Chicken Breast with Garlic Creamy Sauce （香煎雞胸配蒜味巴馬臣芝士意粉）意粉醬汁超濃稠，食到淡淡蒜茸香，口感非常creamy，但食落又唔會覺得好膩。每條粉麵都掛滿醬汁，意粉咬感彈牙偏向硬身，有嚼勁，每一㗳都好滿足，鷄胸肉口感紥實唔會柴。好推介呢款意粉，真係好好味！令我難以忘懷。至於好朋友個款菠菜意粉，顏色非常搶眼既翠綠色，係健康人士首選。估唔到The Cupping Room除咗咖啡高質之外，食物亦有意外驚喜，真係唔錯！…查看更多

有同事介紹過大埔陳漢記話好好食，今次我地山長水遠走入大埔，專程入嚟一嚐老字號既味道。叫咗三樣必食既熱門菜：炸兩，坑腩河同鮮蝦腸粉。陳漢記既腸粉好馳名，即叫即整既布拉腸，腸粉皮做到好薄又滑，皮薄餡靚，包住鮮蝦仍然晶瑩剔透，鮮蝦大隻爽口，推介大家一定要試佢地既腸粉。過然名不虛傳絕對有驚喜！牛坑腩好入味，肉好香滑軟腍，湯頭清甜。炸兩既腸粉皮依舊薄滑，裏面既油炸鬼仲係好脆口。咁遠走入大埔黎搵食，絶對值得！…查看更多