陳漢記 (已結業)

有同事介紹過大埔陳漢記話好好食，今次我地山長水遠走入大埔，專程入嚟一嚐老字號既味道。叫咗三樣必食既熱門菜：炸兩，坑腩河同鮮蝦腸粉。陳漢記既腸粉好馳名，即叫即整既布拉腸，腸粉皮做到好薄又滑，皮薄餡靚，包住鮮蝦仍然晶瑩剔透，鮮蝦大隻爽口，推介大家一定要試佢地既腸粉。過然名不虛傳絕對有驚喜！
牛坑腩好入味，肉好香滑軟腍，湯頭清甜。炸兩既腸粉皮依舊薄滑，裏面既油炸鬼仲係好脆口。
咁遠走入大埔黎搵食，絶對值得！