翰林茶館主打台式料理，咁當然一定要叫既台式飲料就係珍珠奶茶啦。呢到有個好特別台式飲料叫咗熊貓珍珠奶茶（少甜），原來即係黑白珍珠，黑珍珠係正常size而白珍珠係比較細細粒，咬落煙煙韌韌，一次過有兩種size珍珠好有咬感，不過茶味唔算太重，但份量都算大杯。
另外我地仲叫咗小食填下肚，分別係台式炸雞塊（4件)同埋滷味豆腐。炸雞塊既炸粉唔算厚，熱辣辣香脆可口，不會滿口油膩感，食得出有濃味既醃料，幾惹味。伴碟既沙律菜係有芝麻醬係上面，唔係用嚟普通伴碟咁簡單。另外滷味豆腐係原舊豆腐上碟，都幾特別。微熱既豆腐，滑嫩加埋滷味汁同香蔥，都唔錯。
