Fanny C的個人專頁

日本菜真喺食極都唔會厭，賣相精緻，新鮮，又好味😋今日嚟食 lunch set, 先食蟹肉南瓜豆腐，跟著喺沙律，再食蒸蛋，南瓜豆腐好特別👍🏻三個 lunch set 分別 order 咗雜錦天婦羅，鐵板燒日本和牛西冷，壽司拼盤！天婦羅 set 有兩隻蝦，有魚，不同嘅日本蔬菜配白飯，唔油，味道唔錯！朋友 order 嘅壽司拼盤，夠新鮮，個海膽三文魚子飯超正，原來 TA-KE 用咗赤醋整壽司飯，唔怪得d飯已經夠味，唔點豉油都 OK!我超喜歡食牛，所以一定選日本和牛，🤭好味，真喺入口即溶，唔油腻，配白飯🍚食超正。最後嘅甜品喺紅桑莓布甸，唔太甜，😊😊😊完美嘅一餐。…查看更多

噚日食咗餐好正嘅 lunch, Tempura Omakase，我地睇住師傅逐樣逐樣炸，每道菜都細心解釋，邊個菜加咗調味，可以唔點汁，天婦羅粟米入面夾咗南瓜，天婦羅蛋切開會流心。最喜歡個炸蠔，我平時都唔特別鐘意食蠔，不過喱個炸完，仲好好味，我地足足食咗兩個鐘頭，好滿足呀😋另外，因為朋友食素，餐廳特別準備一份素食嘅天婦羅，將蝦，蠔，帶子，鰻魚都換上松茸，舞茸，牛油果，青瓜花等，一樣都喺咁吸引，原來食素都可以有咁多嘢食。食完要兩個鐘頭，慢慢食，慢慢嘆😬前菜有胡麻豆腐，海膽鮑魚同蕃茄。櫻花蝦沙律。主角天婦羅，有蝦，露荀，紅蘿蔔，好特別嘅粟米夾住南瓜魚肉。繼續有天婦羅魚，鰻魚，墨魚同好甜嘅蕃薯。除咗天婦羅，仲有鮮甜嘅刺身。再嚟天婦羅炸蠔同帶子 😍原來蛋黃都可以做天婦羅，流心蛋木魚汁釜飯，雖然已經好飽，但真喺好好味🤭最後嘅甜品好有驚喜，西柚啫喱同熱情果芝士蛋糕，酸酸甜甜，有粒粒果肉，完滿嘅一餐 👍🏻。…查看更多

一個人食個 quick lunch, 叫左碗黑蒜熟成濃湯拉麵, 同埋豆腐野菜沙律. 以為一碟$48既沙律會係細細碟啱一個人食啦, 點知黎到原來好鬼大碟架, 幾個人 share 都夠, 豆腐好滑好濃豆香, 生菜好新鮮,睇得出唔係切定放左好耐果種, 因為菜邊無變色, 而且充滿水份, 入口爽脆, 車厘茄超甜, 再多幾粒更好, 上面有D 脆脆的東西, 令呢個好普通的沙律變得不普通, 層次感豐富, 有驚喜. 至於主角黑蒜熟成濃湯拉麵就啱晒我呢D重口味既人, 個湯底真係夠晒濃郁, 仲有我最愛的半熟蛋, 叉燒唔會薄EE, 好足料,麵質亦合我胃口, 我比較喜歡粗麵條, 有嚼勁, $72一碗加埋個沙律已經好飽好滿足.…查看更多

最近，太古城開咗好多新餐廳，見到間日本丼飯店，門口有玻璃 kitchen ，而且海產每日由北海道直送，好似好吸引喎！先嚟前菜，呑拿魚腩黃蘿蔔漬，味道有少少淡。醬油漬吞拿魚伴牛油果，魚生配牛油果，味道出奇地夾，可能因為我好喜歡牛油果啦。白身魚薄切，配上三文魚子，好新鮮，好鮮甜。再嚟個大蝦天婦羅，香脆，唔油。特上火炙魚生丼，可以一次過食四、五款魚生，啱晒貪心想試多幾款嘅人，味道唔錯，火炙魚生都好滑。最愛的蒲燒鰻魚及汁煮海鰻丼，除咗又鮮又滑嘅海鰻，鰻魚汁撈飯都好好味。👍🏻👍🏻赤身呑拿魚伴火炙呑拿魚腩，不虧由北海道直送，勁鮮甜，其實配菜嘅魚仔都好好味。呑拿魚腩丼，雖然有少少貴，不過都喺值得，魚腩油脂分佈極佳，入口即溶。👍🏻👍🏻👍🏻值得一提，每當有人點三文魚子丼，廚師會搖玲，然後大喊 Oisa ，將三文魚子舖滿滿一碗壽司飯，氣氛非常熱鬧，即刻成為全店嘅焦點😊。下次我都要試試。😋…查看更多

之前幫襯咗小洋蔥幾次，食過嘅 all day breakfast, 炸魚薯條，同三文魚沙律都唔錯。但今日食嘅迷你焗豬扒飯，好似有d失水準，個樣好似好得，但d飯比較硬，嗰四嚿豬扒仲好乾 tim!難得東涌有間唔錯嘅餐廳，希望佢地可以 keep 到好嘅水準喇。…查看更多

啱啱收到信用卡優惠，前菜買一送一，食蟹仲有半價，所以趁星期五嚟食餐豪d嘅！😋之前都食過 Mango Tree, 不過無食過蟹，今晚就試一試佢地嘅招牌菜喇。Mango Tango。用咗新鮮芒果汁同橙汁，再加 Soda water, 好香芒果味，芒果控必選。Lychee Smash。除咗有荔枝仲有薄荷。好 fresh!燒豬頸肉。好淋，唔乾，喱個真喺幾好味。素菜春卷。香脆唔太油。柚子大蝦沙律。因為我唔食得太辣，喱個啱啱好。主角出場！咖喱炒蟹。唔錯，咖喱汁好味👍🏻，名不虛傳，原價要$498，而家半價，真喺好低。芒果雪糕同荔枝雪糕。荔枝比較特別d. 其實兩個我都喜歡。😁…查看更多

上個月舊同事聚會，介紹一個素食私房菜，第一次食已經好驚喜，真喺好好味。所以今日再帶屋企人嚟食。我地平時大魚大肉，偶而食餐全素，感覺好清新。私房菜嘅特色就喺無餐牌，而且每日都可能會唔同，但服務員每上一道菜，都會介紹，不過，十道菜的菜名，我已經忘記喇。😅 素湯真喺無得彈，好濃，好鮮甜，原來素湯都可以咁好飲👍🏻。香煎茄子喺我嘅至愛，夠香口，中間仲有粒素肉 tim。今日有個冬陰公湯餃子，上次無的，酸酸辣辣，都唔錯。餐廳會早一日 what apps confirm 人數，我覺得都幾好，因為每道菜，只會預每人一份，如果有人去唔到，要減人數，都可以提早同餐廳講，無謂預多咗食物浪費吖嘛。…查看更多