竹 (已結業)

噚日食咗餐好正嘅 lunch, Tempura Omakase，我地睇住師傅逐樣逐樣炸，每道菜都細心解釋，邊個菜加咗調味，可以唔點汁，天婦羅粟米入面夾咗南瓜，天婦羅蛋切開會流心。最喜歡個炸蠔，我平時都唔特別鐘意食蠔，不過喱個炸完，仲好好味，我地足足食咗兩個鐘頭，好滿足呀😋另外，因為朋友食素，餐廳特別準備一份素食嘅天婦羅，將蝦，蠔，帶子，鰻魚都換上松茸，舞茸，牛油果，青瓜花等，一樣都喺咁吸引，原來食素都可以有咁多嘢食。食完要兩個鐘頭，慢慢食，慢慢嘆😬前菜有胡麻豆腐，海膽鮑魚同蕃茄。櫻花蝦沙律。主角天婦羅，有蝦，露荀，紅蘿蔔，好特別嘅粟米夾住南瓜魚肉。繼續有天婦羅魚，鰻魚，墨魚同好甜嘅蕃薯。除咗天婦羅，仲有鮮甜嘅刺身。再嚟天婦羅炸蠔同帶子 😍原來蛋黃都可以做天婦羅，流心蛋木魚汁釜飯，雖然已經好飽，但真喺好好味🤭最後嘅甜品好有驚喜，西柚啫喱同熱情果芝士蛋糕，酸酸甜甜，有粒粒果肉，完滿嘅一餐 👍🏻。