manziyung的个人专页

平日下午茶時段，鋪頭一個客人都冇。環境佈置有心思，充滿美式格調，而且乾淨整潔。Big Bite Burger $56 + extra mushroom $12入面有生菜洋蔥蕃茄，漢堡扒超過半吋厚，肉質鮮嬾多汁，煎得好香但又唔會過火，配菜非常新鮮。面包大大個，但質感味道較普通。額外加12蚊加左磨菇，份量非常非常多，而且係新鮮磨菇，配上特制醬汁，滋味湧上心頭！跟歺Taters N Cream Fries $41跟歺既話除左薯條，仲有好多選擇，而薯條囗味亦有好多款。我簡左Tater & Cream 薯條，非常非常有驚喜！薯條炸得剛剛好，表皮香脆可口，裏面熱哄哄。有香濃薯仔味，而且一D油膩感都冇。上面既sour cream 同煙肉脆份量非常多。Sour cream既口感軟滑，唔會太酸。是香港難得一食既好薯條！總括，雖然價錢不算便宜，但份量非常非常多又捨得用料，食物質素有驚喜。另外有多款啤酒供應，環境有feel, 絕對是Happy Hour好地方！…查看更多

這間Fusion 泰國菜酒吧環境舒適，而且能夠欣賞對岸風景，絕對係把酒談心、朋友聚餐好地方。雖然價錢有點貴，但食物同野飲質素相當不錯。燒八爪魚伴旦黃香茅汁八爪魚一片片切片, 大小平均,厚薄適中, 做法非常特別。質感非常淋滑,毫不費力咀嚼,味道鮮甜。八爪魚片與特製的旦黃香茅醬汁非常匹配。醬汁有香濃的旦香及棷香，略帶甜味。味道又不會太濃烈而遮蓋八爪魚本身的鮮甜味。另外伴碟的九菜亦非常新鮮。牛肉沙律絕對推界！牛肉片半生熟，口感淋得泥不失牛肉𡁻口，充滿濃郁牛肉味。沙律菜好新鮮，另外亦加左好多洋蔥，紅蔥頭，乾蒜粒，新鮮蒜粒，辣椒粒，令味道有所提升。醬汁非常惹味，酸辣味好特出，十分開胃。茄子仔配白飯材料非常新鮮，但味道不算特出，可以不試。材料有泰國小茄子，紅蘿蔔,青瓜,粟米仔,本菇。調味醬汁味道普通，整體感覺似中式炒雜菜。炒貴刁賣相不錯。…查看更多

平日的甜姨姨一樣人山人海。甜品種類選擇很多，應有盡有，對於有選擇困難症的人來説絕對是一個大難題。芒果大合奏所謂芒果大合奏，入面有芒果乾，芒果沙冰，芒果布甸同芒果汁。一開始非常好奇，到底如何將芒果乾配合於甜品中，原來是將芒果乾切成幼條，口感煙煙仞仞，非常獨突。芒果汁非常濃郁，沙冰清甜可口，而芒果布甸亦落足料，十分香滑。所有材料加起來非常之夾，雖然全部都是芒果，但一點都不會'漏'，仲非常醒胃添！芒果棷汁紫糯米愛吃紫米露的人都可能發覺到現時香港有賣紫米露的中式甜品鋪已經所剩冇幾，至於一般西式甜品鋪的紫糯米多數亦用料不足，味道欠佳。甜姨姨的棷汁紫糯米卻非常有驚喜。紫米煲得很夠淋，入口軟綿綿，紫米味道濃郁，而且加了很多香濃嘅棷汁，非常足料。朱高力花生湯圓湯圓皮不算特別煙仞，入面是朱高力餡料配上一粒原粒花生。味道普通，不算特出。可以不試。…查看更多

雞煲成巷成市，周圍都有得吃，但稱得上美味的並不多。這次特意去到堅尼地城尋找隱世美味雞煲，果真沒有令人失望。這間雞煲有分乾雞煲及濕雞煲兩種。乾的其實就是平時食開食完加湯水打邊爐那種。先說其香味。我從未食過一個雞煲是能夠如此香氣四溢。即使未上枱，在遠處就已經聞到濃郁的香氣。是麻香再混合花椒八角炒過的香味。上枱時用力嗅了一下卻是非常的嗆鼻，但是真的很香，絕對難以忘懷那種惹味香氣。再説雞。雖然只點了半隻，但份量很多而且雞肉大大嚿。雖然大大嚿，但卻非常入味而且肉質嬾滑。至於味道亦非常出色。雖說是麻辣，卻不像一般四川麻辣的味道。裏面充滿花椒八角香，麻辣汁同時混合了適量沙嗲的味道，非常惹味香口。最後打邊爐方面，以大排檔水準來說算是不錯。肥牛正常，有牛肉味，肉質頗鬆軟。烏東是靚讚其烏東，非常煙仞。最後絕對推介炙燒芝士丸。丸的其中一面是預先燒到金黃，這樣能夠將丸的味道升級到另一層次，而且裏面的芝士味道濃郁質感creamy, 是我吃過最好吃的芝士丸。環境方面，位於西環街市熟食中心內，算是乾淨清潔。服務當然不能期望太多，正常大排檔服務質素。平日晚上去不用排隊。總括，"雞煲"既雞煲絕對值得更多like!!!…查看更多

餐廳走簡約英倫風，佈置簡潔，深色牆身，有部分是沙發位。環境頗寫意，是朋友聚腳閒談的好地方。Mocha 與Caramel Latte味道不錯，奶與咖啡比例剛好，口感醇滑。可惜溫度不夠熱，上枱的時候已經涼了點，只能說是暖。Mix Grill相信好多人都食過一啲落油多到嚇死人嘅full breakfast（尤其是英國傳統那些），非常肥膩唔健康，但佢呢個一啲油膩感都冇，絕對冇多餘既油份，很值得一讚。賣相頗吸引。一般吃的full breakfast都是圖碟上，但這裏是用一隻長方形碟上，很是特別。炒旦非常嬾滑幼細，相信是混合了牛奶去炒。雞胸肉片及煙肉片的肉質很鬆軟。另外還有一些炒洋蔥和煎蕃茄，感覺較為健康。最令人驚喜的是炸薯餅，外層香脆可口，裏面熱辣辣非常鬆軟，咬落囗一點油份都沒有，絕對佩服！Egg Benedict可以選擇配parma ham, sausage, mushroom, 我則選擇了parma ham。蛋很幼滑，與parma ham味道很匹配。整體味道較清淡，感覺頗清新。但最能吸引我的還是位於碟側的薯餅。…查看更多

車仔面店現在隨處可見，但稱得上美味出眾嘅5隻手指絕對數得哂！而榮記絕對是當中的表表姐！4四餸一麪$42，一點也不便宜。但質素高且水準穩定，份量又多，每樣餸都令人留下深刻印象。以下是本人最喜歡的一些餸。白蘿蔔非常佩服佢嘅白蘿蔔，無論春夏秋冬去食，蘿蔔都可以一樣咁甜咁新鮮。咬落口一啲都唔硬，淋得泥又帶點爽口，絕對必吃！魷魚鬚永遠都是大大條，味道鮮甜，口感嬾滑而且一啲都唔硬。豬紅呢種充滿懷舊氣息嘅豬紅係香港已經好難食到。現時大部分係街食到嘅豬紅都是正正方方,質感好似啫喱咁硬, 總是有種怪味。但這裏的豬紅是大大嚿一塊塊的，質感"滑劣劣"，非常幼滑，而且味道非常純正。豬頸肉絕對是上等豬頸肉。肉質非常鬆化，脂肪分佈十分平均，而且脂肪與肉的比例很好，豬肉味濃郁。冬菇又厚又大粒，軟硬度剛好，香濃冬菇味。牛根可能是香港最出色的牛根。望落去晶瑩通透，大大嚿非常鮮明，質感非常淋滑，而且入口溶化，基本上不用花任何氣力去咬佢。腩汁湯底非常濃郁惹味。蔥花及冬菜亦成功將湯底味道推往另一個層次。更特別既係麪入面會有一些非常新鮮嘅西洋菜。榮記完美地展示了如何將一碗普通的車仔面昇華到叧一個增次。如此人間美味絕對值得親身體會，細心品嚐。…查看更多

陳根記在沙田屹立多年，深得街坊喜愛。雖然人流仍然很旺，但味道及鑊氣經已不及以前，整體上只能説中規中矩。豉椒炒蜆中規中矩。跟嬸嬸再三確認說要加辣，可是也都完全不辣。蜆嘅份量不算少，蜆肉大小亦正常。蜆肉欠缺鮮甜味。有少量蜆肉味道不新鮮，而且有點沙。鑊氣和豉汁還可以，但未算特出。西檸雞普通通通。外層炸皮很厚，不夠鬆脆。看上去雖然頗大碟，但其實雞肉不多而且較薄，大部分都是炸皮。雞肉質感普通，西檸汁亦沒任何驚喜。魚香茄子煲水準很高，可是茄子很多，肉碎非常小。非常夠熱，熱到辣口，能夠食到咁熱辣辣既小菜感覺非常幸福。茄子驟眼望落以為會較硬，但咬落去非常柔軟，淋度剛好。而且一啲都唔油，一吃上癮。醬汁亦非常惹味，味道剛好，就咁食都唔會覺得咸。在現時物價高昂的情況下，要找到質素高的大排檔，絕對不是容易的事情。雖然味道不及以前，但大排檔情懷不變，依舊是親朋聚腳暢飲的好地方。…查看更多

現時很多專吃魚旦粉的連鎖店根本不外如是，味道質素再也普通不過。要尋找美味與驚喜，則必須從小店入手。樂德的店面很細，平民化的小店，驟眼望去，絕對意想不到會是出產隱世美味的地方。她完美地展示了如何將一碗普通粉麵的味道昇華到叧一個增次。下午茶時段，人流非常之旺，除了是因為質素高外，亦因為這樣的價錢早已絕種。$18一碗牛腩粉，加杯熱飲亦只不過是$26，而且份量一點也不少！。如此人間美味配以這個價錢，絕對難以令人相信。無論是河粉、牛腩、湯底、甚至是蔥花，每様都是高質素。河粉晶瑩通透，咬落爽口煙仞，而且又薄又滑。牛腩是崩沙腩，十分淋滑，肉質幼嫩，牛味香濃。湯㡳亦非常好喝，清香鮮甜，吃河粉時配上一口湯，絕對是味蕾一大享受。蔥花的貢獻亦不能忽視，蔥花切得較一般細，蔥香味能夠更加浸入湯裏，將整碗牛腩河的味道推往更高層次。平凡中的不平凡，絕對值得親身體會。…查看更多

一直也很想試試奇樂雞煲，聞名已久它的麻辣雞煲及椰子雞煲。終於這次一行十人，能同時點兩款煲，結果卻有小許失望，只能說中規中矩。餐廳裝橫頗具風格，是簡約西洋風，與一般雞煲或火鍋店非常不同。先講酒，西餐配紅白酒；火鍋配啤酒，係好多人心中既固有定律。其實飮酒乃個人喜好，冇對錯之分，個人則認為白酒配雞煲火鍋亦有一種特別的爽快感。餐廳在餐酒方面頗具心思，有專人介紹不同的餐酒，而且頗仔細。最後選擇了德國白酒，非常有驚喜！口感與味道介乎於一般白酒與甜酒之間，沒有白酒的草澀味，又不會像甜酒那麼甜。充滿果香，質感醇厚，非常容易入口，女仕必喝之選。相比之下，餐廳卻沒花太多心機在食物上。麻辣雞煲：雞肉算頗入味，但肉質有點"鞋"，不夠鮮嬾，而且切得太細嚿。麻辣汁味道沒太大驚喜，與一般雞煲相近。蔥和洋蔥不算特別新鮮，鮮甜爽脆度不足，而且切得太細小，量又多，以致吃火鍋時非常阻礙，需要將它們全部撈起。棷子雞煲：沒有濃郁棷子味，亦沒有濃郁雞味，味道絕對不夠香濃，只是像昇華版的豬骨湯。作為一個火鍋湯底，沒有特色亦不夠出色。同樣，雞肉較'鞋'。火鍋材料：賣相很吸引，擺放很整齊，每碟都有花朵及蔬菜作裝飾。質素當然比酒樓火鍋要高，但以這個價錢來説，我會期望更高。除了牛肉、烏東，其他火鍋材料也是普通平凡不過。肥牛：$200一碟，與期望相約。肉質淋滑幼嬾，牛味濃郁，厚薄剛好，有入口融化的感覺。烏東：口感煙仞彈牙，是上等讚岐手打烏東。丸類：外表鮮明大大粒，味道與口感沒太大驚喜。帶子：切得非常求其，有些非常厚，有些非常薄，而且冇切斷。薄果啲放咗入火鍋後仲會自己散開。鮮甜味不足。珊瑚蚌：非常爽，爽到有點硬。而且大細參差，有啲好大嚿好厚，又有啲好細嚿。雖然珊瑚蚌本身味道不特出，但它的味道仍然比一般要淡。豬潤：在一些上等火鍋店，通常會有入口鬆軟的黃沙豬潤。這裏的卻只是普通豬潤，口感味道再也普通不過。其他火鍋食材都沒任何特別，不算差亦不算好好。總而言之，在食物方面絕對有很大的進步空間！…查看更多

正常意粉屋水準，沒太大驚喜。餐廳較適合朋友大夥兒聚餐，格調大眾化。情人節當天很多情侶，人來人往，沒有足夠的氣氛及情調。點了情人歺套餐，菜式的名稱高貴有心思，但在其他方面卻欠缺誠意。前菜及主菜很相似，另外1人1份的前菜卻分開上，主菜情況亦一樣，最不能接受的是甜品居然只得一小份要2人去share。雖然2人分享1碟甜品比較温馨，但這不是節省成本的藉口吧。龍蝦湯好味！我一向很怕龍蝦湯那種濃烈的味道，但這個龍蝦湯卻出乎意料地好喝。龍蝦味香純，不會過份濃烈，而且非常creamy,口感細滑。入面更有不同的海鮮令囗感倍增。上面有一小片心型酥皮裝飾，可惜已漏氣，相信已放了好一段時間。南瓜薯溶伴帶子賣相不錯，味道還可以。帶子煎得太短時間不夠香，本身既鮮甜度亦不足，不過算很大粒。南瓜薯溶有濃郁南瓜味，味道清新不會膩。上面的沙律菜頗新鮮，配上日式芝麻醬相當不錯。同樣，裝飾的心型酥皮是漏氣的。芝士焗龍蝦帶子花邊意粉龍蝦肉質太淋不夠爽，味道偏淡，基本上吃不出芝士或焗該有的香味，感覺似在吃大蝦多於龍蝦。花邊意粉與黑松露忌廉汁卻頗有驚喜。扁意粉其中一邊係花邊，口感非常特別，軟硬度適中，大大條放入口感覺好滿足。黑松露忌廉汁味道香濃，很creamy但又不會太膩。帶子與前菜的帶子無異。香草煎龍蝦配波菜薯溶香草煎龍蝦與芝士焗龍蝦的味道基本上無異。波菜薯溶味道不錯，但前菜已吃過南瓜薯溶，重複不是好菜單該有的情況。有大量蔬菜伴碟，洋蔥、意大利青瓜、車厘茄、菌類，感覺頗健康，味道卻只是平凡普通。甜品：黑白甜蜜戀人班戟名字改得非常好聽，卻只是普通的雲呢嗱雪糕配pancake加點朱高力醬而已。只得一碟要自己分，而且賣相一點都不吸引，非常求其。另外，酒方面根本沒有選擇，只有house red 或house white。總括：如想給另一半驚喜，可找點更有特色的小餐廳。…查看更多

餐廳正正方方細細間，佈置簡約配合柔和燈光帶出一種溫馨。餐廳有一邊係落地玻璃，但唔建議坐window seat因為風景一啲都唔靚，只係對住對面酒店停車場門口，條街又有小小烏糟，而且條街好窄，同途人好近，有種莫名的尷尬。點了一支波爾多dessert wine，味道不錯。果香宜人，甜得泥不失酒香，酸度甜度適中。點了個二人餐，有點失望，用料、質素、味道亦略為普通平凡，而且份量不夠。不過這個價錢又不能期望太多，加上openrice有8折coupon,所以尚可接受吧。火腿沙律沙律菜頗新鮮，火腿味道不錯，份量亦適中，合格！菠菜薯仔湯比較像快餐店水準，温度不夠熱，只是暖暖地，誠意欠俸。而且個碗只得半滿。味道再也普通不過，只是打到溶曬嘅薯仔加打到溶曬嘅菠菜。蝦墨魚汁飯味道略淡，調味放得太少，蝦及墨汁味道不夠鮮明。蝦是用雪藏的，囗感正常。墨汁飯無論味道或質感亦非常"港式"，完全造不出墨汁飯那種獨有的"歐洲色彩"。牛扒配薯溶再也普通不過。牛扒的牛味不夠濃郁，亦沒有太多肉汁。口感不夠鬆軟，而且有不少的"根"。薯溶軟滑，味道可以但欠缺牛油香。甜品：士多睥梨布甸比較像是在超市買的水準。布甸質感不夠軟滑，士多睥梨的味道不夠"新鮮"，只是"士多睥梨味"的布甸，並沒有用新鮮士多睥梨肉去弄。食完2人餐後覺得不太飽，沒太大滿足感，於是點了一個Wing's to go雞翼。是餐廳的招牌菜，卻又是普通不過的水準而已。首先$98只得6隻，非常之貴。炸得太耐，表層深啡色，有點過"燶"。炸皮不夠鬆脆，裏面的肉亦不夠嫩滑，味道十分普通。總括來說，雖然味道質素未至於差，但這個價錢絕對有其他更好的選擇。…查看更多

食鐵板燒除左係味覺嘅享受外，亦係視覺上嘅享受。一邊享受日式美食，一邊欣賞師傅的廚藝，每道菜之間更有足夠時間讓你與友人小嚼幾杯，頓時變得悠閒起來，是人生一大樂事。點了一個2人餐，$798，抱著不少期望，結果絕對沒令我失望，更充滿驚喜！叫了2杯cocktails, 佢落好重酒，酒味非常濃。若不喜太多酒味可要求減少酒之份量。墨魚子鵝肝蒸蛋造型有心思，味道非常濃郁。食落口非常之熱，質感軟滑。雖然入面只得一小塊鵝肝，但鵝肝既油香浸滿成個蒸蛋，而且一啲都唔酥，蛋嘅香味同鵝肝非常之夾。銀雪魚煎得好香, 兩面金黃。肉質好鮮嫩，咬入口滑嘟嘟，香味四溢。銀雪魚獨有既味道有別於一般嘅魚類，就算係唔歡喜食魚既人亦會對佢產生鍾愛，絕對必試。大蝦蝦肉大大舊而且美味多汁，絕對令人想慢慢品嘗，細細咀嚼。蝦肉爽口嫩滑，非常新鮮。只係略嫌放得太多油，令到放入口時有啲油淋淋。帶子帶子好大粒，師傅將佢一開四，上碟嘅時候用好多汁同油浸住。相比起前兩款海鮮，帶子則有點兒失色，鮮甜度較為不足。重點推介！牛柳粒配蒜片！佢嘅牛柳絕對有資格稱得上best of the best。要揾好味嘅嘢食唔難，但好味到會產生一種幸福嘅感覺絕對係可遇不可求。肉質淋得泥又能夠有適當嘅咬口，非常鮮嫩多汁。當牛柳既香味係囗內飄逸，實在令人有種說不出的感動。到底有幾好味有幾幸福，絕對值得大家親身去體會。炒飯其實味道不錯，但較為平凡，而且唔係用肥嘟嘟嘅日本米，相比起之前嘅菜式則顯得有點失色。甜品：牛奶木糠布丁''結撻撻''嘅質感形成一種好特別既口感。牛奶味非常濃郁，配合面層嘅木糠絕對係味蕾一大享受。值得一提嘅係佢嘅醬汁亦非常美味，尤其欣賞白色果款，係mayonaise加咗好多野菜入去，非常醒胃。…查看更多

餐廳環境非常舒適，係正海邊，好有情調同氣氛。但係枱同櫈卻犯咗一個好多餐廳都會犯嘅問題：就係櫈太矮枱太高。唔知係咪愉景灣太多外國人，所以枱櫈要刻意遷就外國人身形，但亞洲人坐落去就真係唔太啱比例。除左枱櫈唔啱比例，食物嘅份量更加唔啱比例，2個人叫左1個前菜及2個主菜，1半都食唔完要打包，不過味道同質素都唔錯。其實份量咁大係咪好事就真係見人見智，個人則傾向認為若然菜式份量愈多，精緻程度卻會相反地減少。Salt and Pepper Calamari  $135完全估唔到會咁大碟，8-10個人share都絕對可以。魷魚好滑嘟嘟好爽口，咬落口一啲都唔會仞，味道好鮮甜。出面層炸粉好夠薄，炸得剛剛好，非常鬆脆可口, 一啲都唔油膩。Surf and Turf  $295牛柳非常非常之大件而且好好好厚。表層煎得幾香，有小小焦，剛好小小脆囗，牛柳味道幾濃郁。咬落口非常淋滑，好鬆軟，不過鬆軟嘅程度過份得有點唔似係天然。配牛柳嘅蘑菇汁則比較一般，味道較為普通。大蝦亦好大隻，肉質爽口，味道鮮甜，好新鮮，有炭香味。但伴碟嘅大蘑菇則又乾，味道又怪。Wild Mushroom Linguine  $125份量真係不得了，多得誇張，3-4人share都得。醬汁非常creamy，充滿奶油香，不過有點"流"。有好多唔同種類嘅菇，全部都好新鮮。意粉好粗身，煮得剛好，唔會太硬或太軟，大大啖放入口感覺好滿足。但放係意粉上面嘅裝飾則令我有點摸不著頭腦，外形怪怪的，又綠色又紅色，完全估唔到係乜。食落口原來係酥皮，但已經漏左氣。總括泥講，呢個價錢咁既份量真係好低食，味道不俗，但精緻程欠奉。…查看更多

超平鐵板燒, $88一個一人歺！$88一人歺既歺牌侍應係唔會主動比你的，一定要主動問佢攞。另外有一個$198一人歺，但食嘅嘢基本上同$88果個差不多。除左呢個一人歺，佢嘅menu其實一啲都唔平！歺廳環境一般，感覺有少少殘舊。白桃梳打：甜到完全飲唔到，糖漿味道亦有點假。三文魚：味道尚算鮮甜，但肉質太過爽。薄燒肥牛：肥牛嘅肉還肉，肥膏還肥膏，而且顏色好深，相信擺咗喺雪格有一段好長久嘅日子。而且散收收唔係完整一大片，好佩服師傅嘅功力，咁樣質素嘅肥牛包啲蔥花係入面都仍然可以包到整整齊齊，燒完都唔會散，利害。味道就正常吧。肥牛、帆立貝、雜菜全部放哂落同一隻碟上，基本上冇賣相可言。蛋炒飯：好味。蛋同蔥花味香濃，飯粒分明，炒得好均勻，亦好夠乾身，每粒飯都有旦香。只係略嫌煙肉嘅煙薰味過重。另外叫左一碟燒牛舌：味道好濃郁，剛剛燒到有小小燶好香口，初初食咗幾嚿肉質都好鬆軟，但之後發覺有部分好仞咬唔開。呢個價錢食鐵板燒其實真係冇得期望啲乜，整體泥講水準不過不失，可以接受。…查看更多

餐廳環境唔錯，越式平民格調中帶點童真。生牛肉湯河讚。湯底濃郁香甜，而且好夠熱。牛肉幾新鮮，肉味香濃，厚薄剛好，唔會太厚難咬亦唔會太薄冇口感。河粉軟硬度亦啱啱好，口感煙仞。配料洋蔥非常新鮮，清新爽口，為牛河錦上添花。蓮藕餅有驚喜。雖然蓮藕餅係炸嘅，但一啲都唔油膩。味道一流，非常香口。兩片蓮藕中間夾住一層肉餅，相信入面應該加咗啲蔬菜，令到食起上泥冇咁漏。而且蓮藕同肉餅之間痴得好實，咬落去都唔會散，口感好特別。不過得三小嚿好唔夠喉。西瓜柚子特飲幾特別。西瓜糖漿味道有啲假，似食西瓜硬糖果種味道，但配上柚子之後味道卻出奇地夾，仲幾好飲，而且甜度剛剛好。…查看更多