The Big Bite (已結業)

平日下午茶時段，鋪頭一個客人都冇。環境佈置有心思，充滿美式格調，而且乾淨整潔。Big Bite Burger $56 + extra mushroom $12入面有生菜洋蔥蕃茄，漢堡扒超過半吋厚，肉質鮮嬾多汁，煎得好香但又唔會過火，配菜非常新鮮。面包大大個，但質感味道較普通。額外加12蚊加左磨菇，份量非常非常多，而且係新鮮磨菇，配上特制醬汁，滋味湧上心頭！跟歺Taters N Cream Fries $41跟歺既話除左薯條，仲有好多選擇，而薯條囗味亦有好多款。我簡左Tater & Cream 薯條，非常非常有驚喜！薯條炸得剛剛好，表皮香脆可口，裏面熱哄哄。有香濃薯仔味，而且一D油膩感都冇。上面既sour cream 同煙肉脆份量非常多。Sour cream既口感軟滑，唔會太酸。是香港難得一食既好薯條！總括，雖然價錢不算便宜，但份量非常非常多又捨得用料，食物質素有驚喜。另外有多款啤酒供應，環境有feel, 絕對是Happy Hour好地方！