Happy_meal123的个人专页

咁耐以來都未食過點心自助餐，見未食過就試下。自助點心每人一定會有鮑魚酥和花膠灌湯餃鮑魚酥都算係第一次，幾有新鮮感，個鮑魚都算大隻，味道唔錯，酥皮也一流花膠灌湯餃都幾惹味，餃又大粒，如果花膠更林就更好食點心就唔少得食腸粉，牛肉腸鮮腸就唔少得。但見點心紙仲有珍珠帶子腸，咁特別就試下（最近鏡頭），都唔錯。之後再黎一碟木魚茄子，又係一個唔錯既選擇，呢個配搭又係少有，味道都幾夾再黎就整多幾籠平時食開既點心，特別想講個懷舊大包真係舊份量，好飽再食下炸物，熱辣辣，係個炸蝦餃個皮靭左少少仲有蒜香雞翼，好香口惹味，唔錯最後食點心仲可以點埋甜品，紅豆雪糕脆麻花，好滿足第一次食點心自助餐幾有新鮮感，可以食平時食開既點心又可以食到特色點心，唔錯唔錯…查看更多

去開依頭做野。lunch同同事食過依到嘅中菜。大件夾抵食。印象唔錯。今次朋友OT鼠出黎晚餐。諗唔到食咩。就食埋依到嘅非中餐食物。環境靚裝。懷舊味濃。亦坐得好舒服。中環的晚上。餐廳一啲都唔擠擁。可以舒適傾計。蒜蓉炒芥蘭最先送到。好翠綠又爽口。中菜掂呀。今次揀食秘製無骨豬手拼海南雞飯。個油飯好香又熱辣辣。豬手同海南雞配依三隻汁好夾。如果豬手多啲肉腍啲。會更岩我餵口。依到嘅豬手似熏蹄嘅口感。朋友揀左大蝦拼牛柳鐵板。賣相唔錯。不過份量比想像中少。男仔唔夠食。由於唔夠飽。口痕地叫左個小食。茶記梗係食雞翼沙律啦。好好味。沙律薯仔大大粒。好有咬口。雞翼唔乾又香口。飲埋兩杯特飲。好滿足。分別係海鹽柚子樂同懷舊雪兔。杯雪兔其實係fruit punch 黎架。又好飲顏色又靚。人都開心啲。…查看更多

朋友喜歡食意大利餐廳，揀左呢間性價比唔錯既黎食，食落真係唔錯餐廳少有用掃QR code落單的首先黎個小食，有5款可選，可以揀哂5款，但我地只揀三款就夠，五款怕太多第一個珍寶菇釀帶子，睇圖唔駛點解釋，愛菇既朋友一定喜歡食，啖啖肉第二小食係海蝦牛油果多士，呢款我覺得最好食，當中係有小小wasabi,但出奇地味道好夾好好食蜜糖雞翼，呢個公平講好難話好好食/好難食主菜就黎個意粉先，平時綠色醬既意粉就唔叫，但今次見佢寫推介就試下特別d,點知真係有驚喜，味道真係幾好，我地仲加左$10有1.5倍份量另一道主菜就係明太子海鮮pizza,個pizza味道係幾好，但略嫌明天子醬太小，叫左佢再額外另上多小小，佢地都有再另上。不過個人口味唔太喜歡咁薄既批，所以對我黎講就減左小小分最後唔小得飲品，呢款士多啤梨桃沙冰，我叫左小甜小冰，真係唔太甜幾啱我口味，正唯一缺點係$58貴左d提外話，見餐牌寫有日本小麥意粉較彈牙，但因我地好肚餓，見呢個冇得加底，所以就唯有下次食 （但最終我地勁飽，早知就試呢個）…查看更多

同友人慶祝節日，本來係食其他既自助餐，但因自己一時大意搞錯左某d野變左臨急臨忙食呢間中式自助餐。但又錯有錯著，呢間又幾驚喜自助餐每位一定包花膠雞湯+鮑魚花菇和蟹一隻花膠都算多，幾好口感，湯又好味鮑魚比想像中大隻，而且又夠林蟹都算多膏，可能呢類蟹有點細，變相要花功夫食，我呢d懶人就麻麻地，但本身係幾好味另外，出面出面皮鴨係任拎黎食既，唔駛落單叫，個味道係唔錯，不過個人覺得反而放耐左凍左就爭少少其他既食物都係要落單寫紙，上菜速度尚可，而咁耐只係催左一次漏單，我覺得可接受叫左少少燒味，不過不失牛肚同鳳爪都幾惹味炸蝦餃都幾特別幾個炸物都夠熱，中間既百花球我覺得最好食咕嚕肉同雲吞都不俗我本身就好少食中式自助餐。整體而言其實唔駛$300一位有以上既食物我又覺得性價比都算幾好，其實仲有甜品但可惜太飽冇食。個人覺得唯一係飲品少d,冇乜得揀…查看更多

好少去柴灣呢頭，同朋友咁啱做完野後諗住是但揾間食，點知咁啱食到呢間唔錯茶記，相信都係做街坊生意家鄉鹽焗雞，份量夠，味道咬口都好，夠惹味炒竹笙菇菜（唔記得個名），雖友人話略嫌咸左少少，但我個人覺得呢個菜出奇地好味，個人覺得4道菜中最好味XO醬蝦球西蘭花，蝦球大，份量多，係略嫌唔夠XO醬味蜜桃牛柳，幾特別，個醬都唔錯特飲爆珠蜂蜜綠茶，個味其實好飲，但我覺得太甜，可以淡少少就好價錢同其他連鎖茶記差不多，但個人覺得呢間堅好味，如果我樓下有呢間應該會成日幫襯…查看更多

今日同fd想relax過一個下午。去左依間充滿少女味嘅餐廳。用色好soft好舒服。仲有多花花。我同朋友都表示相當滿意。自己不停影來影去。食物方面都唔錯。正常水準。假日都有lunch set。非常抵食。由$58起。仲有餐湯。不過份量唔會太多。夠女仔食。仲可以留肚食甜品。我地叫左兩個set lunch and 一件cake。輕輕鬆鬆嘅一個下午。好岩女仔相聚。…查看更多

行街經過。下午茶時間唔使排隊。即刻衝入去回憶泰國嘅味道。一個人唔肚餓。都對得哂成個海南雞飯。轉左雞肶同加雞雜。油飯夠熱好香好夠味。雞肉嫩滑雞皮又薄。配埋個醬汁少少辣。好好味。依家諗起都留口水😆相比之下。雞雜就不是我杯茶。值得一再回味。而且價錢合理。可惜因爲太飽嘅關係。下次一定要飲埋杯泰式奶茶先得。…查看更多

台灣拌麵手信就收得多。今次唔使自己煮。堂食又係感覺如何呢。揀左葱油嫩雞拌麵。依款規定要係幼麵。上菜時店員會好細心咁提你醬料係麵下面。要拌混先好味。一路拌。啲乾葱同醬味真係好香。口水都湧現。食落非常夠味。麵質當然比自己煮嘅更乾身及有口感。台式野點少得川味紅燒半筋半肉牛肉麵。其實只係微辣。麵底係刀削麵。有咬口之餘。仲好吸湯。我個人好鐘意個牛筋。入味又有彈性。同朋友share杯台式飲品。黑糖珍珠鮮奶。正常水準。由於我地比較大食。再叫埋小食share。分別係花枝丸同滷水雞翼。花枝丸比較出色。香口得黎好台灣口味。滿足的一餐…查看更多

星期二嘅晚上。唔使排隊就有位。招呼我地嘅係一位好nice又有禮貌嘅Oppa。好溫柔呀。難得約到好姊妹。一於飲番兩杯。回味下之前嘅韓國之旅。依隻桃味燒酒非常易入口。用小杯飲好有風味。看似平平無奇嘅傳統金飯盒。其實好有特色。懷念係南夷島食過嘅懷舊韓式飯盒。食嘅方法係將整盒飯搖混。雖然用料無咩特別。但食嘅係一種風味。懷念韓國路邊撒熱辣辣嘅魚糕串同炒年糕。就點左一人牛肉火鍋。加配魚糕同年糕。落雨天的晚上。吃著gas爐滾滾熱嘅小火鍋。好滿足。仲有懷念係民宿自煮拉麵。依到嘅牛肉拉麵係用小鐵鍋上枱。更地道。除左牛肉。仲有好多蔬菜配料。味道好濃好好味。送燒酒一流。蒸餃係睇食評大家都讚好。果然大隻多料。熱辣辣。幾好味。推介。回憶完畢。聽日都係努力反工啦。…查看更多

今日在銅鑼灣行完冇特別安排晚餐，去左間不太旺既地段，見門口有點格調又冇乜人就決定入去試新野，比我發現新大陸入到去有播音樂聽，人又唔多，幾舒服。見有個stage同樂器，一問先知星期三至日有live band,但我用膳當日係星期二，所以就冇。入黎前主要真係比個環境吸引左入黎，真係冇乜詳細睇個Menu，所以order都諗左一陣子最後就決定叫左個burger 同一個主菜Burger係墨魚餅煙肉菠蘿伴薯條，個墨魚餅勁厚，好有口感，煙肉番茄菠蘿配既汁都唔錯，整體個漢堡真係幾好食。而本人都好喜歡食粗薯條，好啱我口味個主菜就鱈魚配青口，鱈魚又係厚身，淡淡肉，青口就不太特別，反而個湯算有驚喜，唔錯，整體係可以，不過個人覺得價錢略貴，性價比唔算太高。有格調既地方又點可以唔叫飲品叫左個一杯cocktail 一杯mocktail（兩個都唔記得咩名）Cocktail 係好似中國茶咁，個賣相幾特別，味道就還可以Mocktail 就係主要菠蘿味，上面直頭有一條條既菠蘿，幾好飲，菠蘿又甜另外仲發現上面既菠蘿同薯條好似樣，哈哈總括而言，呢餐都幾滿意閒日黎呢度食都係唔錯既選擇…查看更多

今日行完Megabox 就諗住是但揀一間食，見到呢間平平地試下睇餐牌呢度幾多款式，不過冇影到餐牌，哈哈一黎試下個小食蠔餅，味道可以，算香口之後黎個海南雞飯，個雞都算多肉，係個醬反而冇左薑葱，雖則我可以唔食，但總覺得有齊三隻醬才夠完美最後重頭戲就黎個海鮮喇沙，真係好大碗，料又夠，兩個人份量，當然價唔算平，但性價比係ok。料幾多張圖都睇到唔多講，個湯都幾濃但又唔算太辣，啱我另外有樣野抵讚就係佢個湯另裝，碗野咁大都唔怕d麵林哂。整體性價比我覺得算幾好，食物味道算不錯，價錢又唔算貴，可再試…查看更多

外國朋友反左黎。想帶佢食啲特別啲嘅中菜。記起上次食八色小籠包幾得意。今次就黎銅鑼灣分店。入到去。個場勁大勁有中國風。正合我心意。同旺角個分店感覺係不同嘅。每次黎都必點嘅豆漿同蟹肉賽螃蟹。一樣保持到水準。又滑又足料。送飯一流。鐘意食蟹嘅關係。叫左蟹皇炒飯。不過上枱時同自己想像中有啲出入。以為會係黃色濃濃嘅蟹膏。。好彩都係有一粒粒嘅蟹膏。叫左過下口癮。但就無滿口油黃蟹膏嗰種濃濃的滿足感。之後彩色嘅主角到啦。共有八款口味。朋友覺得好funny。第一見有咁多口味。而且重點係。佢覺得全部口味都好好味。佢鐘意就好啦。我都覺得全部口味都不錯👍🏻上海炒年糕就當然唔小得啦。水準正常。好多配料我喜歡！最後仲點左沙拉骨。外國朋友覺得好有趣。喊食的肉類卻混上了沙律醬。不過味道好夾。佢都好喜歡。送飯一流。肉排厚厚的。相當有口感。岩哂食肉獸嘅外國朋友。…查看更多

難得約到好姊妹談心。當然要揀個有情調又無限時嘅好地方。一上到去。已經聽到小清新風格嘅現場音樂。配合埋燈光。成個feel so relaxing...同fd忍不住叫左兩杯野飲同沙律傾下心事先。好chill。因為第二日仲要反工。兩個都揀左mocktail...左邊係Summer punch..右邊係Peachy Coco。兩杯味道都調得好好。好岩女仔口味。叫左Caesar Salad with smoked salmon...沙律菜好新鮮又沾滿醬。nice!煙三文魚大大塊。同沙律係絕配。傾到餓。就揀左兩個主菜。大推依個西班牙黑毛豬扒。小妹第一次食七成熟嘅豬扒。好驚喜地好好味。唔會覺得好生。切開厚切嘅黑毛豬豬扒。就見到幾juicy。每切一件。啲汁就會流哂係個碟到。啖啖肉又多肉汁。兩個女仔share唔會太漏。另一揀了較少食到嘅扭捲粉配烤虎蝦。茄子。蕃茄汁。依款意粉有口感之餘會痴到好多汁。而且蕃茄汁好有層次。除左有新鮮蕃茄同茄膏。仲落左茄乾同蘿勒葉。好味道。個虎蝦都有水準。新鮮彈牙！食埋甜品先係圓滿嘅一餐。揀了熱情果焦糖布甸。真係用上新鮮嘅熱情果肉。配合蛋布甸。味道好特別！…查看更多

朋友食過依個雞煲火鍋海鮮餐。大推。介紹我一定要試下。今日lunch專登食清啲。夜晚可以大擦一餐。一落完單就有前菜冰鎮田螺。不過只係一般。依個餐係無野飲嘅。一家要嗌翻杯凍食先爽。見iPad show左好多其他食物。勁想食羅。不過朋友話個餐好多份量。勁飽。先忍手無嗌。雞煲。大大盤海鮮。飲品好快就到啦。而且有侍應即時幫你炒下個雞煲。好快就食得啦。啲雞非常惹味。加埋啲配菜索哂啲汁。送飯一流。不過因為太多野食。唔會食飯羅。雞肉都有唔少肉。一邊熱住啲雞肉都唔會鞋。正呀。食完雞煲。侍應好快手幫你換個龍蝦湯打邊爐。真係有大大隻龍蝦架。We are so lucky。我地龍蝦有膏架。而且啖啖肉。開心。主角海鮮當然要先食啦。有個龍蝦湯帶出鮮味。豉油都唔使。而且啲海鮮一烚熟就自動甩殻。相當新鮮。質素唔錯。海鮮一樣接一樣。食到依到。其實已開始有啲飽。個餐仲未完呀。仲有好多樣火鍋配料。上完一碟又一碟。有肉有餃有丸有菇有菜。係多到食唔哂羅。份量多不單止。食材新鮮又有質素。好滿足嘅一餐。怪唔得啲人話一次滿足哂三個願望。…查看更多

銅鑼灣都算多野食，諗住普普通通食餐飯求其揾間餐廳，點知誤打誤撞黎左呢間台灣餐廳都算好彩睇餐牌唔算貴就喪叫，開始黎兩碟小菜，大腸包小腸同埋薑絲蒜泥三層肉前者有台灣夜市食到既水準，後者味道也不錯，又甜又鹹，幾特別，$40份量都幾多之後黎主菜三寶麵，湯夠濃，筋也夠林再黎排骨滷肉飯，好食，但唔算有咩驚喜仲有最後既芋圓同埋奶蓋苿莉茶，響應環保苿莉茶係冇飲管兩樣都不過不失有水準總括而言，最想講係價錢係銅鑼灣黎講算不宜，咁多野食都係三百，又唔駛加一，份量又夠，整體味道又夠好食，服務以唔加一黎講係幾好，環境都算寬敞，又唔算好遠地鐵站，個人覺得係聚腳好地點。…查看更多