kitmsg的个人专页

貴族甜品係呢區我都食左十年咁劑以前鍾意食佢既龍珠二世，冰沙夠滑夠線又有芒果味，芒果又甜，雪糕好食呢排叫左幾次foodpanda外賣，質素越做越差，最近呢次最離譜，芒芒雙丸，以前係冰沙，又滑又綿用鮮芒果搞碎做個湯底，依家係冰碎，仲要撈懷疑係濃縮芒果汁，完全無芒果味，得個甜字，芒果粒仲要係青青黃黃，完全未熟，酸到盲公開眼，根本每食一粒芒果肉都係忍住個酸味黎食，唔食又好浪費，其實無心做不如執左佢，俾機會d有心做既人…查看更多

原本想叫坑腩伊瘦d，阿姐好有霸氣咁話乜腩都會有d，只可以盡量俾，坑腩一定肥，唔肥既就唔係坑腩，完美拒絕我所有既要求。最後碗麵一半係坑腩，坑腩味道幾好幾冧，但好肥，另一半係不知明牛腩，好柴又無牛味，趙到牙骹都攰，最後係個伊麵，要加$4，但完全唔好食，下次都係慳返$4叫返米粉好味d。本來俾個阿姐串左一野條氣好唔順，見佢收錢時都有返d禮貌，打個和。總體黎講呢個價錢性價比極低，最近仲要加左價，旺角既傳X好食得多。…查看更多

其實同澳門福隆新街係咪同一間？點解d味道咁唔同？北角呢間d味道真係好普通，甚至比一般茶記更普通，凍奶茶又唔夠茶味，好失望。澳門果間蝦子面真係好香，蝦子多到食完成碗都仲淨返好多蝦子係碗底，但北角呢間好少蝦子，完全食唔到有蝦子味，叫左豬大腸，只係白烚，又係無味。係得個豬扒包叫做似模似樣。 …查看更多

純文字討論，因為見到d食物連影相都覺得無心情今日行完山，辛苦過後諗住食好d獎勵自己，只知道深井出名燒鵝，燒鵝唔係陳記就裕記，因為陳記好似旺角都有，所以㨂左裕記，點知...最主要係想食燒鵝，叫左個燒鵝下樁，盛惠兩舊，黎到點知得一隻鵝脾同一堆鵝背骨同幾件鵝頸，除左隻鵝脾，一堆鵝皮同肥膏之外，真係無乜野好食，最後兩舊水淨係食左一隻鵝脾，值唔值大家自己去衡量。其他菜正常酒樓野，無乜野特別值得講應該唔會再有下次講完…查看更多

1.食左個紅燒牛肉麵，湯唔夠味，牛肉無牛味，刀削麵應該唔係人手刀削，麵條粗幼條條一樣唔彈牙，應該係機削。但係刀削麵就係想食佢有粗有幼同埋彈牙。食左一半放棄。2. 叫左牛肚，超鹹，要用湯麵d湯去沖一沖先食到落口，鹹到個咀唇都唔舒服，食左三成，跟住真係頂唔順。3. 魯肉飯算係比較正常，係台灣食魯肉飯係40台幣，係平價菜式，竟然只係得呢個係食得晒。4. 仲叫左一味餸，唔想多講，你自己去試下。睇見有其他網友話係黃店，黃色朋友可以多多支持。…查看更多

叫左碟極品例牌坑腩，一見到兜野，真係激動到講不出聲，碟野有勁多蘿蔔托起d牛腩，整到好似好大碟牛腩咁，再睇真d面果層牛腩，有一半都係肥肉，食得既牛腩只得一半，我真係唔明，我要食牛肥膏既話，求其去街巿買一斤牛肥膏分分鐘十蚊有找，點解我會俾$140黎呢度食呢碟極品，除左short L左我真係搵唔到更好既自辯理據，大家如果好鍾意食用牛腩煲既湯底去餸牛肥膏，咁真係值得一試，佢地d湯係幾香濃既，或者大家根本唔在乎d極品牛腩，一心諗住食蘿蔔既，佢地d蘿蔔係幾入味…查看更多

主要以炒粉麵為主，選擇不多但每一味都炒得好出色，尤其以牛河，廈門炒米，星洲炒米最好食，加凍飲都係50左右，性價比極高。最緊要係老闆娘同d員工都好有善，食得開心。…查看更多

其實華姐清湯腩我諗我都食左5/6年，由華姐仲係落手落腳做，去到孫女婷婷係舖頭幫手，到婷婷去左西環開分店我都有幫襯。我本人好鍾意食牛腩，由筲箕灣，食到上環x記，同埋華姐，我覺得覺得華姐既牛腩係最有誠意，用心做。多數我都鍾意用蘿白送牛腩，所以我會叫雙拼，好似$40 (兩年前仲係$33)。清湯好有牛肉味，但唔會太肥膩，牛腩睇下好唔好彩，斬到件冧既，真係食每一舊都要慢慢品嘗。可惜，一食到蘿白就覺得好失望。食蘿白我最期望佢係又冧而又入味，蘿白既甜加埋牛腩味，先係蘿白要送牛腩既原因，我相信做左咁多年牛腩既專家無理由唔估蘿白一定要入味。我親眼見過老闆走去後巷行搬左一大煲白色煮熟左既蘿白入黎，我果刻都知無運行，結果碗米粉一到，一食蘿白，果然，蘿白有蘿白味，但除左表面有d清湯所以有d牛腩味之外，入面就只有蘿白味，而且咬落一d都唔冧，我感覺上佢係用清水煮完，浸一浸腩汁就上菜。我本人覺得一樣野好唔好食就係睇果份熱誠同執著，要快就好難有靚同正既蘿白，一碗咁既"即食"蘿白牛腩米粉收我$40，坦白講，食得起，但食得唔開心。我諗我暫時唔會再叫佢地既蘿白住，而牛腩我都覺得水準仲keep到，好過上環x記，不過如果俾我搵到間蘿白同牛腩都好食過佢既話，咁我都唔會再老遠走黎食華姐lu...…查看更多