三星台菜食堂 (奧海城2期) (已結業)

1.食左個紅燒牛肉麵，湯唔夠味，牛肉無牛味，刀削麵應該唔係人手刀削，麵條粗幼條條一樣唔彈牙，應該係機削。但係刀削麵就係想食佢有粗有幼同埋彈牙。食左一半放棄。2. 叫左牛肚，超鹹，要用湯麵d湯去沖一沖先食到落口，鹹到個咀唇都唔舒服，食左三成，跟住真係頂唔順。3. 魯肉飯算係比較正常，係台灣食魯肉飯係40台幣，係平價菜式，竟然只係得呢個係食得晒。4. 仲叫左一味餸，唔想多講，你自己去試下。睇見有其他網友話係黃店，黃色朋友可以多多支持。