單身狗的個人專頁

早兩日去咗大埔做野，做完野見有點肚餓，行過呢間車仔麵舖聞到好香牛腩味，二話不說就衝咗入去。呢到除咗車仔麵之外，仲有其他炒飯炒麵食，睇落都好似好吸引。不過人地個名都叫做郭仔記車仔麵，就緊係要試下佢個車仔麵啦。唔知係咪新裝修呢，環境都幾光猛企理，連個醬油兜都無果Ｄ萬年油漬，食都食得安落Ｄ。一睇佢個餐牌，有成幾廿個餸俾我揀，選擇困難症表示頭都大埋。Ｄ餸有4種唔同價錢，最貴都係$13，都算幾抵食。最後幾經掙扎終於揀咗豬軟骨＋牛丸＋蘿蔔＆米粉（仲有條油菜送，唔係間間車仔麵都有）豬軟骨又淋又入味，骨位爽脆，肉位夠香唔會sip牙la。蘿蔔夠哂香甜，最後先食等佢吸一吸個湯底仲正。牛丸爽口彈牙，正常發揮。咁大碗都係$41，真係好味又抵食。p.s.食緊途中聞到隔離枱碟炒一丁好香，下次嚟一定要試下。…查看更多

已經好耐都冇出去食韓燒，今次特登約埋同朋友黎呢度食放題烤肉，大食怪食放題點都抵好多 燒肉未有得食住既時候，熟食有餃子、炸雞等，仲要新鮮熱辣，幾好味 令我地覺得驚喜既係，原來呢到蠔都可以任點任燒，味道都好鮮甜蠔都有分兩種架，有原味同芝士，而且蠔肉都好大隻， d芝士份量真係好多，必食推介海鮮都有好幾款，蝦、帶子、扇貝都係非常推薦，夠曬新鮮，我地都翻點左好多轉隻隻蝦都大大隻，肉質結實，一D都唔霉，食左好多轉 牛肋骨、牛舌、牛仔肉同辣味豬五花肉，真心不錯肉既種類都不輸蝕，好多選擇，肉既色澤好鮮，唔似放左好耐燒完D肉質仲好JUICY，醃得好夠味，唔使點醬都好食當中辣味五花肉D肥瘦肉梅花間竹咁一層層，真係勁好食，油花好香 飲品放滿成個凍櫃，種類都OK多個人飲得最多係荔枝茶，少少微甜但重荔枝香味最後每人有一條雪條，幾種味，揀左椰子味唔食雪條可揀或是日糖水 總評：食物味道平均水準以上，肉同海鮮種類多；質素幾高，翻點左幾次，無漏單上枱快，值得再回頭…查看更多

今日咁岩行過北角，見到呢間樂園就想食返碗粉麵，因為真係好耐冇食平時我都有幫襯開樂園d魚蛋魚皮，佢地d魚蛋魚皮打邊爐堅正咁我今次就叫咗碗牛筋同墨魚丸河粉，再加返碟油菜啲牛筋煮得好軟好入味，份量都好多，一啲都唔孤寒墨魚丸就冇咩粉味，唔似一般出面普通急凍平價貨，好有墨魚味，粒粒都好大粒，又彈牙而河粉都好滑，佢呢間係幼河粉，湯底應該冇咩味精，好好味，我次次都連湯一齊食平心而論，好難得食到一間算平，而且牛筋都煮得咁好味嘅粉麵店…查看更多

咁岩黎行過個新商場，好多野都未開，但唯獨見到一兩間餐廳，見到呢間放題都好似幾正咁，就入去試下🙊可能初初新開，未算好多人，但係就食得好舒服，最緊要唔洗同人逼，環境乾淨又企理😆😆佢仲有D房位私隱度幾高，成個裝修都係勁日式木系食物款式都算多，基本既刺身同壽司都有齊，而且落幾多件就黎足咁多件，冇走盞都算幾好❤刺身都好新鮮，色水唔錯，食落好夠凍，唔知係咪都唔算多人所以上菜速度好快，收碟都好爽手，唔洗等😄而佢呢到火炙壽司同沙律既種類感覺好似比出面既放題多，有D平時冇得食既都係呢到搵到😆而且呢到竟然有生蠔同海膽，不過要另外加錢單點的，好好味，堅正堅開心❤總括黎講呢到水準都算唔錯，而且人唔多可以要求坐出面睇景，咁岩呢幾日就算有風都唔算太凍，望住個景好Chill~😆…查看更多

朋友話帶我食間最近好紅既牛扒店，一黎到超多人....最初都掙扎好唔好繼續等，但難得黎到點都要試左先走！等既時間都OK啦，唔算等得超耐我自己就叫左份肉眼，諗住平平地試下，我覺得配蒜油應該最正，加多$25，配埋個味噌湯+沙律+汽水，都幾抵全部都係自己去到出面排隊落去order，職員同你即點即切，都好新鮮，見到D肉紅卜卜，食落肉質都夠林，幾有牛味沙律都新鮮，尤其個味噌湯都好濃味，其實價錢唔係貴，但都有大大塊扒食，有時過下牛扒癮都幾好，自己一支公都仲好…查看更多

好耐好耐冇食放題啦，心郁郁約左個老朋友出黎一齊食當獎勵下自己佢呢個地頭蟲話呢，瓊華呢間至尊滿屋算係旺角最正架啦，咁就一試無妨排隊搭𨋢搞左三個字，終於上到去。正! 一入門口已經感受到久違既放題氣氛了~餐牌種類好多好廣，既然肚餓，咁就樣樣都叫下啦刺身拼盤率先達陣，排得好靚，隔離枱多人直情用刺身船上，真係令人食慾為之一振!最好食係三文魚，夠厚夠濃味。帶子螺片爽口彈牙，鯛魚同劍魚十分新鮮。吞拿魚嫩滑，赤貝口味偏淡，蝦刺身入口香甜。一字記之曰:好食!之後到特製壽司系列出場啦!法式芥末象拔蚌好特別，爽口既刺身加上法式芥末既味道，唔使點WASABI，又幾夾播~醬油漬吞拿魚都幾好味，好似點左D燒過既醬油咁，有少少BBQ風味柚子油甘魚入口即融，加上柚子醬微妙辛辣既畫龍點睛，簡直將鮮味帶左上另一個層次食完生冷野想清下口，飲品就岩岩到~除左自助罐裝飲品，店舖仲提供特飲。叫左杯紫貝天癸白桃梳打，明明張相係紫色但唔知點解黎到個杯係咁既色XD 但重點都係味道，有少少偏甜，但好香果味，之後忍唔住再叫左兩杯跟住燒烤類食物陸續登場。我地叫左鹽燒雞翼，鹽燒牛舌，五花腩，熱辣辣新鮮燒起，熟度岩岩好，舊舊入口都有焦脆口感，一路咬燒烤香氣係口入面溢開，滋味十足!另外再上一碟牛柳粒，雖然擺盤冇MENU SHOW到咁靚，都係個句，味道先係最重要!牛肉爽口嫩滑但又彈牙，咬開肉汁源源不絕，牛味又濃，好食!之後再黎焗野同炸物。芝麻雞翼 非!常!好!食! 外皮香脆到咬落去聽到聲，調味洽當，風味非常香，食完保證番叫(我叫左十隻)。芋頭丸外皮漲卜卜，咬落去既脆皮口感令人十分滿足，而入面包住既係熱到冒煙又甜又厚實既芋泥內餡，反差感令人又驚又喜。相對之下，焗蠔就中規中矩，味道雖然唔錯但特色欠奉。黎個PERFECT ENDING，每人都有一杯雪糕埋尾，我就叫左季節限定，仲要好神秘問職員先知係—奶凍味。雪糕包裝有埋匙羹，奶味濃而不膩，口感香軟順滑。MOVENPICK 雪糕真係好好味! 總結黎講，至尊滿屋表現相當唔錯。食物給力，選擇夠多，野飲又有特色。環境衛生很好，職員態度都十分友善。果然一分錢，一分貨，有機會一定要再黎試下!…查看更多

約咗一個舊同學一起食晚飯，無意中嚟到呢一間叫極尚大瀛喜餐廳。佢啲蝦真係好大隻，鮮甜又多汁，優質嘅素材,絕不欺場。枱上眼見啲三文魚已經冇得輸，柔光閃令令，咬開後，肉汁在口腔裏流動，鮮味無窮。仲有多款嘅手卷，鮮味海膽份量都唔少，顏色亮晶晶，軟綿綿又鮮甜。 八爪魚手卷，肉質肥美， 咬感又爽脆，鮮味十足。大蝦天婦羅，脆口得嚟非常鬆化，食到令你停唔到口。菠蘿燒，燒起來果香四溢，香噴噴，又潤喉。番薯燒，燒過後，甜味更濃，軟綿綿，又清甜。         雞肉串，味道調教得恰到好處，烤過後,亦不失雞肉的嫩滑，肉質仍然豐富，呢啲就係優質嘅素材先可做到。…查看更多

跟同事一同一齊來試下，叫海南雞專門店，想必有驚喜吧！雞到了還配上了油飯，最想吃油飯，油飯香氣不夠，飯夠乾身是粒粒分明，但香料明顯不足，而且沒有其待的雞油香，只是清香飯一頓，沒有驚喜。雞皮夠爽，雞肉都滑，但不及正宗的海南雞的雞有雞味，總欠了甚麼似的，醬汁的豉油，味道不似正宗的黑醬汁好吃，好豉油味。辣醬可以的，也不差，但蔥油，其實加點薑蒜會更好，因薑蓉配雞是最夾呀！同事點了生煎鹹魚肉餅配白飯我也試了，咸魚魚餅煎到好透，但咸魚味不夠，肉餅也稍乾和份量細，味道OK，但不是我吃過最好吃的，白飯沒有飯香，但粒粒分明，飯多餸少，差了點。這頓海南雞不難吃，但不是我吃過最好的，專門店而言，是平庸了一點。…查看更多

見呢排凍凍地就去食番個雞煲，黎得呢到就食番個風味雞煲啦因為我地都唔係好想食辣，所以叫左個唔辣既老重慶奇味雞煲，一鍋都好足料，冬菇、芫茜、洋蔥、豆卜，成個汁都好滋味，雞件唔韌，冬菇又香又滑我地仲叫左少少其他配料同小食午餐肉，打邊爐落一流啦，午餐肉唔會散收收汕頭牛肉丸，好有牛丸味，但唔會有渣，食落彈牙唔會死實香菇貢丸，香菇味好正啊，貢丸相比牛丸肉較軟，識食一定食香菇貢丸鵝腸唔腥，夠薄夠爽脆，打邊爐油脂出哂黎，非常之好食什菌炒牛頸脊，茨汁炒什菌同牛頸脊，汁好甜好味，炒到好入味，菌類唔會太青，牛頸脊肉都軟林，但整體又唔係好油淋淋，搞到食唔停口脆皮炸大腸，炸得好香口，大腸乾淨又唔會太肥，亦唔會太難咬開我今日唔飲得啤，所以得老友叫左啤酒係到啤啤佢，我就只好乖乖地飲我既忌廉啦不過竹蔗茅根都好清甜解渴架，唔飲汽水飲呢個都得！…查看更多

今日去開觀塘做野,做完野可以約個舊同事出黎傾計,佢話公司附近有間韓國菜坐得都幾舒服,就約左6點鐘過去食少少野再去睇戲...去到以木裝潢為主而位置都好舒服吾會感到迫,之後睇餐牌選擇都吾少而且仲有西式食品都幾特別喎,最後我地叫了2個食品黎試下. 價錢都合理,整體感覺不俗.不久第一樣食品就到了,網烤韓燒豬肉108....黎到見到都幾特別,木板加一個鐵網,上面有2片的豬肉,切落去都好有肉汁而味道都幾特別吾太乾身,上面仲有少少蔥加了不少香味,當初以為薄身吾飽,點知食完都幾飽肚下!~大約15分鐘...上桌就是小火焰併盤168,有豬肋骨味道濃郁而有口感,原味炸雞意外十分好味,粉炸得剛好而入面雞肉仲十分滑,熱呼呼食好味道!煎餃子煎得剛好吾燶,入面材料都好豐富而味道剛好……炸薯條口感不俗而感到面有少少甜的芝士粉味,意外驚喜的漬菜好新鮮而且辣味足,最驚喜的是海帶是新鮮的確少有!…查看更多

平時都食唔少泰國菜，感覺都係差唔多，通常都係唔係好大間，款式通常都係個幾種，食材配搭都係差無幾，但係今日黎到呢間坐落於港島區既泰國菜館，感覺好似幾唔同，無論門面或者內裏裝修都好有氣派，空間充裕，座位寬敞，加上精美吊燈，和微黃的燈光，很有情調，氣氛相爛好。菜牌的選擇很多，同一種材料，已經有很多種烹調方法，適合不同口味的人士。馬拉盞炒通菜，好鮮嫩，有水準同好食。至於泰式青咖哩牛肉，係我食泰國菜咁耐以黎煮得最好食既咖哩，呢道青咖哩牛肉，睇落好普通，但係食落一D都唔普通，首先牛肉係好鬆軟，入口溶化個種，完全出乎意外，冇諗過煮既牛肉係可以有呢種質感，其次係個醬汁，反而有D甜甜地，用來點薄餅食，感覺好奇妙，非筆墨可以形容！香茅酥炸魚都係我今日想介紹既另一道重點小菜，相信應該係幾花功夫既一道菜，因為要將成條魚起肉去骨，再炸成魚塊，入口香脆軟林，唔會炸到乾爭爭，每一啖都係食到厚厚既魚肉，令人食得好放心！仲有香芒牛油果軟殼蟹卷，配料有好多，連包住配料個層皮，都好有質感同嚼頭，冇得頂！甜品食左芒個糯米飯，係黑白鴛鴦既糯米，所以有兩種唔同既口感，芒果份量都唔少，最重要既係個椰漿好足夠，呢個係食糯米飯必備同最重要既，冇左佢就會淡而無味，一D都唔好食，雖然已經食得好飽，但係呢個咁大份量既甜品，我地都一口氣食晒，因為實在太好味啦！呢間泰國菜館真係令人一試難忘，雖然坐落係黃金地段，但係價錢都好公道，同其他泰國餐廳價錢差唔太多，下次如果再途經呢一到，一定會再上黎幫襯。…查看更多

單身狗又有聚會啦，今次係私房菜飯聚，大開眼界，聽聞私房菜一向都係菜式獨特取勝，唔知又食到咩特別既菜呢？坐低飲番碗湯先，湯係白菜豬肚，清甜解渴，有種想再追飲既感覺黃金四季豆，竟然比佢諗到用咸蛋黃炒四季豆，鹹鹹地好惹味，令到平平無常既四季豆忽然地又可以咁好食蘋果咕嚕肉，酸酸甜甜，咕嚕肉唔會太粉，汁都沾得夠平均，唔會太多亦唔會太少，略嫌青椒份量唔夠多胡椒蝦，胡椒味有少少辣辣地，同蝦炒埋一齊，比平常豉油美極蝦多左份辣，更加惹味，不過如果剝左殼就更入味炒桂魚，用左特別的汁去煮，有陣陣酒香味，魚肉捲成一舊，微微咬開又食到，夠滑，份量亦好多，魚超大條糯米雞，面頭超多花生芫茜，原隻雞裡面釀上糯米飯，雞肉不會太鞋口，糯米黏度剛好，陣陣香味都由雞裡面逼發出黎，結果令雞充滿糯米味，而糯米又充滿雞味，不錯…查看更多

餐廳是半露天的，天氣要涼涼地食就最好，但好在燒烤無論咩時候都係好食既！每道菜都望起上黎幾開胃，味道正正好！特別係薯仔同番茄，係吃左一堆重口味既燒烤之後呢兩個實在解膩！三重芝士撈丁，味道超正，芝味濃郁，面頭微微燒焦既地方畫龍點睛，撈埋下面既麵真係無敵，一個人的份量剛剛好燒韭菜好香，上面撒滿哂調味粉，食落仲有啖啖汁，惹味~雞軟骨串燒，不過不失，肉不算多，但勝在軟骨亦夠脆口！燒墨魚丸都幾牙爽口，面頭微微有汁，甜得來辣辣地，如果喜歡食墨魚丸的人必點~芝士餈飯口感比較厚，芝士味有，微焦香，可惜太飽肚，我都比較鍾意輕小食類芝士以宵夜來說，這個份量剛剛好啦∼…查看更多

入得屯門，當然要去到龍門居搵下美食喇！！我同朋友係龍門居行左一陣想睇下有咩好食果時，咁岩比我地睇到「龍門冰室」，又肚餓又熱既我地二話不說就入左去。一坐低當然要睇下個餐牌有咩好食，雖然叫「龍門冰室」，但係佢竟然有All day breakfast比你簡，仲有好多唔同小食。最後我就簡左傳統英式早餐、蜜糖雞翼加埋一杯雪糕紅豆冰！係大熱天時飲番一杯紅豆冰真係消暑又解渴（可以簡雲尼拿同朱古力味雪糕）一上左個英式早餐黎，心諗嘩，真係大件夾抵食，而且個味道真係同其他café shop有得比，絕對值得推介！！！個小食，蜜糖雞翼真係好入味，個雞翼炸得岩岩好，中意食蜜糖雞翼既你地就唔好放過！最後不得不提既就係，果杯雪糕紅豆冰！！！我叫左依一杯野飲絕對冇叫錯到，因為依加唔係到到都叫到雪糕紅豆冰飲，真係童年回憶番哂黎，一啖雲尼拿雪糕，一啖紅豆，真係冇得輸呀！中意飲紅豆冰既你地就唔好放過，黎到點到要試試佢！最後，係睇餐牌果時睇到有韓式芝士鐵板餐又可以配辛辣麵，真係好想叫黎試下。好可惜，我地係lunch時間去，食唔到。期望下次再黎食果時，可以試下佢喇TT！…查看更多

友人知我最愛浪漫情調，特意選了這間韓式西餐廳，因為這兒實在懷舊美麗。樓底特高，設計成一間古堡酒窖般，望到BAR 枱吊上美麗的水晶酒杯，還有牆身的美麗酒櫃，吊下來昏黃小吊燈，還有陳舊的磚牆，寛大的沙發座椅，這間餐廳好迷人好浪漫。友人說這間餐以蒜入饌菜式是其主題，正合我們的口味，因為我們是蒜迷，不怕口氣啊！這間馳名的Garlic Snowing Pizza蝦，菠蘿，炸蒜片MGF 招牌意大利薄餅，餅底薄，但好香脆，有很多蒜片，侍在熱騰騰的Pizza 上芝士碎，濃郁的蒜香和芝士的香氣四溢，唾涎了，急不及待咬下，炸蒜香味芝士味道，鮮蝦的鮮味，還有開胃的酸甜菠蘿和酸汁，那一刻只合上眼晴去感受，充滿口腔的滋味，太棒了！還有是蒜香忌廉汁蟹肉及龍蝦肉意粉，食落好Creamy，醬汁好濃郁而且意粉煮得不太腍，可以吸到醬汁，食埋D鮮到震的蝦肉，口感一流，但會有點膩，夠晒飽肚。大家都點了香橙特飲，調得不錯，濃郁橙味，跟西餐極夾。…查看更多