呢到除咗車仔麵之外，仲有其他炒飯炒麵食，睇落都好似好吸引。不過人地個名都叫做郭仔記車仔麵，就緊係要試下佢個車仔麵啦。
唔知係咪新裝修呢，環境都幾光猛企理，連個醬油兜都無果Ｄ萬年油漬，食都食得安落Ｄ。
一睇佢個餐牌，有成幾廿個餸俾我揀，選擇困難症表示頭都大埋。Ｄ餸有4種唔同價錢，最貴都係$13，都算幾抵食。
最後幾經掙扎終於揀咗豬軟骨＋牛丸＋蘿蔔＆米粉（仲有條油菜送，唔係間間車仔麵都有）
豬軟骨又淋又入味，骨位爽脆，肉位夠香唔會sip牙la。
蘿蔔夠哂香甜，最後先食等佢吸一吸個湯底仲正。
牛丸爽口彈牙，正常發揮。
咁大碗都係$41，真係好味又抵食。
p.s.食緊途中聞到隔離枱碟炒一丁好香，下次嚟一定要試下。
