yiyintong的个人专页

一整天就不斷的下雨，本想回家去之際，雨卻越來越大，唯有找了一個避雨之處—場內放置了威嚴十足的鐵拳俠，非常吸睛的野川拉麵の深燒食堂。本來打算只吃午市拉麵系列，自家制豬軟骨拉麵。看一看新聞，知道紅雨將至，把心一橫，唯有在這裡品味一下。這裡的午餐可加錢配特飲，除了下單＂自家制豬軟骨拉麵",另加了一份"粗粒牛角漢堡著條沙律"。再點了＂三文魚刺身＂，＂帶子刺身＂，＂甜蝦刺身＂，順道品味一些小吃如:＂炸魷魚鬚＂，＂炸雞件＂等。飲品是紅豆冰奶蓋綠茶及忌廉碎朱古力咖啡。刺身系列本志在試一試，沒有想到在此間吃到這厚切，嫩滑的三文魚刺身，性價比非常高。粗粒牛角漢堡著條沙律是一份藝術，脆軟牛角包給切開後，厚厚牛肉漢堡置於其中，一片微溶芝士，配上其醬料，今口忍不著口就吃下去，口中的滋味感久久不散去。不要小看店中的小吃，"炸雞件''微微炸成金黃色，沒有其他那些炸雞的一層層粉醬，但是皮仍是脆，肉是熱呼呼，嫩滑而有肉質感，漂亮。飲品是多元化特色，紅豆冰奶蓋綠茶中的紅豆既多且甜。慢慢細細品嚐，静看著外面的狂風暴雨，猶如身在局外，寫意。…查看更多

天氣驟然下降，忽然下降到七至八度，在雞地找了一間韓燒暖暖胃。這間新開業的韓國小店原來是由韓國人打理，更沒有想到的是服務員說的廣東話， 未有令人想到她原來來自他鄉。更令人欣賞的是韓國菜手藝好，服務周全，待客友善。有不少小菜，醬油供大家淺嚐：如泡菜，小魚，黃瓜，蘿蔔等。最欣賞是泡菜同小魚：泡菜酸度輕微，不會讓酸蓋過了菜的味道，非常好吃。小魚，香脆可口，略帶甜香，是佐餸吃飯不可缺一員。服務員端上戰斧豬扒，看到了也感到真的名副其實。連有印有公司大名的秀珍菇，感到小店用心之至，更重要是服務員會幫忙燒熟食材，如果不善於燒厚身食物，也不怕浪費金。服務員亦非常健談，會講解一些食材或者互相分享一些食材的看法。好的食材再加上服務員巧手烹調，將戰斧豬扒點一些醬油再入口，一試難忘。再來一客部隊火鍋，炸彈蒸蛋，海鮮煎蔥餅。這裡有不少特色的小食，外貌看似大衆，口感卻是非一般，有別於中國地區的特色小食，自身又另有一番風味，抵讚。服務員再烤五花肉，純熟手藝，令人安心等待品嚐五花肉就是了。五花肉已經腌好才下火烤，略放一放涼，入口即可。手藝好自然食物好。…查看更多

老公話朋友介紹尖沙咀有間高級鐵板餐做緊午市優惠，午市可以用66折買到高級鐵板套餐，咁啱週年紀念，一於去試下好野先。對於搭西鐵既新界牛黎講超方便，尖東站P2出口轉左行1分鐘就到，出口已經有指示牌。環境一流，鐵板超，我估老闆一定係個超人迷，周圍都有超人佈置。一枱可以坐到8人左右得地選左個R 餐個餐有鮑魚，大海蝦其他自選選左帆立貝，羊架同炒飯一大盆新鮮食材，d鮑魚仲郁郁下，蝦同帆立貝都超大只睇到都流口水。一大只鮮鮑魚，切成小塊，一口一啖，頂級享受帆立貝就原只上，加埋師傅特製汁料，睇得出煎工一流呢！師傳既刀工一流，左右手一切一拉，幫你除左蝦頭，蝦売，原只燒完再切粒上枱，真係皇帝級享受。中途燒蔬菜比你休息下沉淀係海裏既味蕾上肉肉環節，羊架一d都唔硬，無羊膻味，配埋d脆脆同之前煎到香晒既蝦頭。蝦頭既蝦膏又令你意尤未盡既想返到海鮮既美味中。驚唔夠飽，師傅即刻上埋碗炒飯炒飯粒粒分明，配埋魚子，令無飯氣既我食晒成碗飯，配埋個硯湯加埋碟炒菜做個完美既終結不得不說，睇個餐牌人均消費1000好似幾貴咁，但66折優惠下，有專人個幾鐘每道菜係你面前即席表演，又有人不斷幫你加茶換碟。出街食飯無非食食物，環境同服務。而呢度呢3樣野都作出高水準分數，以66折價黎講係算得上超值下次唔使等特別日子都可以再試過…查看更多

又入元朗探朋友，朋友話呢期元朗開左好多串燒小食店，推介我試下間地頭蟲先識搵既小店。果然，間小店係個巷仔入邊，唔近西鐵站，但輕鐵警署果個站行過去就3分鐘行到，好彩元朗友帶路，唔係有排搵。果然係小店，間舖頭應該10鬆d位，不過我地6點幾去到，7點幾走果陣都坐滿8成人。呢個爐仔應該為我地既串串作準備，想d食物以最好溫度上枱，貼心，加分見話豬頸肉係必食既，所以點左一碟，60蚊一碟，都幾大碟喎，片片都薄切，但都好多片，60蚊黎講 都叫抵食。嗌左d串燒，每串份量正常，用QR Code 落單，自選辣度，每串慢慢燒，食得出好有誠意。年榚個心有芝士架，叫完再叫豬腸燒到無油膩感。雞翅就係串串中不可少既選擇魷魚都好好味因為鐘意食香口野，所以嗌左炸餃子同薯條，薯條係粗薯，不過炸工就推薦食自家炸餃子，食得出係自家製同炸到好香脆腸粉又係自家製，果然小店係比較用心不過食到最後，我最推薦既竟然係佢家既小雲吞，雖然好細碗，但28蚊有成6粒，一口一粒，仲係食得出唔係出邊交貨d行貨，意外驚喜，值得一試…查看更多

呢期見社交平台介紹元朗好野食既新食店個名好似無乜特別，咁啱搵朋友係yoho 傾野就過去試一試味先。位置係yoho 行過去5分鐘路程既一條巷仔，睇Google 都好易搵到。舖頭細細，但好光鮮乾淨既感覺。入到去有自助區，一入門口就聞到濃郁既螺螄粉味，老實講，我都係第一次試。menu 就一張仔，好似唔多選擇，但又可以無限加料，啱晒貪心既我坐低選好野就可以直接去櫃枱落單朋友嗌左個全家福，我就嗌左螺爸粉再加料。對於初次嚐試既我黎講，螺螄粉就好似米線類麵食，但一食就發現比米線好食好多。米線就好似茶記既意粉淋patpat，螺螄粉就好似手作意粉咁食落好有口感,入口滑滑得黎又有口感，加上唔係周圍有，開始明白間野紅起既原因。必食1：炸蛋，炸蛋真係炸到好香好脆又唔油，真係唔係周街食到果只。必食2：豬手真心覺得呢只只賣15蚊既豬手性價比好高，老實講，自己去買去煮都可能差不多價錢，但呢間真係煮得好入味。必食3：炸豬手老闆娘見我地食得咁開心，即刻拎左震店之寶隱藏餐單上既炸豬手比我地試。一試驚為天人，滿滿骨膠原又淋又香既豬手加上表皮如薯片脆脆既豬皮，好佩服呢間既炸工，外脆內香，加上炸到真係食唔停口既炸腐竹做底，真係諗起都留口水，不過老闆娘話呢度菜好花時間製作要先慢煮3個鐘再炸到香脆，因工序煩覆，而個豬手既要求又較高，貨源未必足，可能唔係日日有，所以想試既朋友真係要早d去或者提早預約呀！相信呢間店紅起後會係又一人龍小店，所以要食就趁早啦！…查看更多

係旺角強近好唔開心咁抽完個空肚血後朋友話帶我去食好野補數。一去到門口，咁有藝術氣息既，心情鬆左一鬆。一入到見到d 心心裝飾，真係即刻開心唔少。23樓既旺角景色，估唔到係呢座咁唔起眼既大廈中。星期六，有brunch 食我選左食魚,朋友食burger嗌完野食，再環顧周圍環境好chill 好relax 既感覺未睇完靚景，一個軟軟，熱熱既包送上。可能係太餓既關係，餐湯一飲就完既感覺。呢條青衣魚柳，有賣相，有擺盤，睇得出厨師好比心機整，魚柳質地偏硬，搭埋d伴碟好快食晒。可能因為自己餓左成朝，所以呢個份量對我黎講唔夠食，偷左朋友叫既burger 既薯條黎食，因為太出色，食完都唔記得影相，薯條係粗薯，炸得好出色，又脆又香口又有薯仔味，可惜無得加side dish,唔係一定要加2份黎食。最後飲品我嗌左ginger tea,估唔到唔係茶包hea你，落足料成半杯薑係度。最後有個精緻小甜品避過一場黃雨，估唔到係咁繁忙既旺角都可以搵到呢一絲平靜。最後都要讚下呢間d服務水準一流，以呢個價錢，呢個景色，呢種服務，性價比真係好高…查看更多

二月十四日。發覺今天是比較難訂到位。唯有早少少出去碰下運氣。去到元朗，入到形點，果然人山人海，行左好多間，都有位可以入座，可能因為仲未到六點。名氣食店自然不少，但食中餐，西餐，日本料理定，就令人費思量。行到盡處，見到‘‘Ninetys ’’，即刻就叮一聲，找到了。開放式廚房係好吸引人去，因為見到所點的食品由製作到上枱，心中自然安心。殷勤的服務員，很有禮貌為食客引路，引領我們去看餐牌到在手機下單，雖然現今人人都用得得心應手，唯服務的初心未曾改變。點了兩款主食，”遠近馳名叉燒漢堡"同"波士頓龍蝦意大利飯"。食遠近馳名叉燒漢堡，另加了豬肋骨，巴馬火腿，日本蘭王蛋。兩隻日本蘭王蛋，務必要試，糖心蛋黃軟，蛋白滑，分量十足。叉燒漢堡算比較創新，豬肉脆爽滑嫩，無得彈。炒蛋香滑，麵包口感亦脆，如果這叉燒不連骨位，相信一口吃下，滋味無窮。專門叫"波士頓龍蝦意大利飯"，拼蘑菇及煙三文魚，另加的小菜，他們會分開另上，用不同配料去製作，以令其鮮美更到位。龍蝦是主角，肉質鮮明，意大利飯配上乳酪，飯粒香，乳酪帶上飯粒的風味，人在香港，嚐食物的思緒，卻是世界級的。感恩。…查看更多

去到元朗食晚飯，朋友想食西餐，左想右想，去紅屋係比較好既選擇，呢間chef's stage kitchen就係紅屋，有著紅磚舖砌既外牆，好有歐陸色彩，優雅既格局係吸引人既眼球。入到去，半昏暗既環境，呢d就係格調，揀左個牆邊的位置，以更僻靜既位置欣賞下這裡的環境，很舒服，侍應亦很快幫忙倒了兩杯水，很細心。看到這裡的餐牌，令人好著迷，每道菜都好吸引，最後都食得好滿意。沙律，作為前菜，原蝦大大隻，鮮甜美味，芒果一片片，多汁多肉，只能夠直豎拇指。再來一客法式香煎鵝肝伴黑醋汁配焦糖菠蘿及红酒蘋果蓉，鹅肝連香脆法包入口，多汁即容，掂，鵝肝旣軟，口感極佳，不塊是西方三大珍饈。兩款主食是"黑松露卡邦尼長通粉"，同"德國香脆鹹豬手配薯仔沙律, 酸椰菜及蜜糖芥末醬"。呢間餐廳配醬料係有一手。醬料係提升食物更上一層樓的妙法。香脆鹹豬手配蜜糖芥末醬係一個另人意想不到完美配撘。香脆亦沒有辜負這兩字的定位。豬手份量夠晒一個人食，如果食量少d既人，這道主菜不妨開心分享同人一齊食下。至於黑松露卡邦尼長通粉，黑松露味道濃，令人一試回味，再試愛上。飲埋"PRINCESS HEART"同"Iced latte"，好滿足。有些飲品限定時節，極度建議大家一定要試下。…查看更多

終於可以打返籃球，去到上環街市的籃球場，少不免去附近品嚐一些好吃的，朋友本身喜歡食日本野，知道附近有一間肉料理。好評如潮，在街市對面的商場入口，有著好醒目的招牌"CARVING"。入到去門口就是大厨的表演地方，侍應接待我們坐下，輕輕介紹了一下餐單，都知道這裡是按照時節推出美食，就點左”Full course tasting dinner”，去享受下今晚旣晚餐。侍應端來"自家瀆前菜"，放在卓上，他每道菜都很小心地替換，令用膳的感覺一道接一道，和朋友用膳十分享受。又上一道”法國Kaviari Kristal魚子醬, 半熟日本A5和牛大根沙律”，能夠令人感受到完美食材的撘配，出色的分層，層次有序，識食一定要試下。"塩漬原隻蝦夷鮑魚配高湯凍"，鮑魚原隻，肥美之餘，另加高湯凍，完全將藝術發揮在食物之上，美感一絕。再上另一食材，"三文魚子約克郡布丁 (招牌約克郡布丁, 三文魚子,明太子慕斯)"，吃下了好像高級泡芙，明太子沾滿口腔，這味美食，堪入米之蓮之列。一碗"本枯節味来栗米吉士湯"，濃郁有至，這餐廳用料十足，難怪朋友讚不絕口。最令人興奮的一碟，"燒A5日本和牛 (自家生曬牡蠣醬, 時令日本蔬菜)”，肉質嫩滑，入口即溶，肉汁飽滿，牛肉紋理花多，再加埋牡蠣醬，提升牛肉的肉味，什麼叫做色，香，味，這正是。沒有最好，只有更好，"季節之魚介釜飯 (舞茸, 高湯醬油)”，冬天再來一個飯焦加銀雪魚，何其滿足。吃埋"炙燒水牛芝士紅豆燒餅"做甜品。完滿。…查看更多

本來想去睇下紅葉，見太多人去了，轉去行下世外桃園一錦田。其實錦田本身都係鳥語花香，站外是跳蚤市場，行過小撟流水，又是一個古色古香既市集。真係錦田之下，享受之上。再行過紅屋，再從小巷中穿插，黎到錦田公路，忽然看到一間kachinushihk，眼前令人一亮，江山果然如此多驚喜。來到錦田，有幸遇到一間質素極高的café，沒有看到紅葉，也沒有損失。這間café就在馬會對面，相信大家要找也不會太難。入到去，坐左係閣內，裡面有個好處，因為有內庭，好有日本風格，係冬天旣日子，有少少陽光哂住，好暖和，席地而坐，好有在家中的感覺。餐單雖小，食品齊全。呢度D食物幾特別，點左黑松露蟹肉沾醬配吐司，蛤蜊巧達濃湯配麵包，無花果吐司，黃豆粉年糕班戟，同兩杯飲品:凍Dirty，Flat White。驚喜係一浪接一浪，黑松露蟹肉醬好正，直接食都得，蟹肉鮮味濃郁，加埋吐司食係不得了。無花果吐司係另一種享受，無花果清香，芝士味厚，連埋火腿，顯出廚房有用心整做，配合得好好。講到必食，一定係黃豆粉年糕班戟，外熱內冷，雪糕同軟綿綿的年糕互相包容著，食到冷嗳並濟，軟韌有序既感覺。好warm。Dirty，Flat White，咖啡味香濃，慢慢細味品嚐，回憶起咖啡的濃郁，令人留戀世外桃園。…查看更多

屯門市廣場有比加超駐場，去左打卡，跟住係鮮芋仙飲左杯野，再係AＥＯＮ行左一陣，眨下又到六點，就係屯門市廣場搵下有乜好食。朋友就話剛剛飲野附近有間亞參雞飯好好食，既然佢大力推薦，自然奉陪到底。入內，侍應好好咁招呼我地坐低，然後就給個餐牌我地，同介紹下裡面既美食，既然黎到亞參雞飯，自然係叫返個亞參去骨海南雞飯，海南雞雞肉好嫩滑，肉汁多，而且件塊都有八，九塊，配埋兩片青瓜，剩係碟雞已經值回票價。本身喜歡食黃油飯，諗住呢碗飯無驚喜，點知碗飯又好好味，原來碗飯係金鳳米再加埋特別處理，難怪非常煙韌，加埋碗冬瓜清雞湯，呢個餐呢期再作埋優惠，真係好抵食。檳城蝦麵，有蝦，豆腐卜，豬肉同雞蛋作配料，麵條同湯底都好作麵好好，每一柱麵都好彈牙，叫左兩個小食:香煎手作蝦餅，馬來班蘭咖央多士。蝦餅果然蝦肉味重，用料足，啖啖回味。馬來班蘭咖央多士自然是必吃美食，麵包脆身，班蘭，牛油夾在其中，一口就是享受，再來一口就是誘惑。正。香茅薄荷特飲，柑桔特飲都是亞參的特飲。風味果然獨特，好飲。…查看更多

行左一陣銅鑼灣，去埋中央圖書館，行返去下面摩頓臺，見到一間南洋風味既小店，之前都聽朋友推薦過，見今日天氣都幾凍，想偷懶不煮一餐半餐，就決定買Ｄ南洋美食回去。朋友話過如果要試正宗班蘭，呢間小店好值得試，無他既，味道正宗，價錢公道，色香味俱佳。班蘭葉本身在東南亞亦是常用的香料／香草，既能用於米食，又能夠溶入於酒水之間，以班蘭為點綴既食物更是不計其數。雖然鋪頭細細間，都有不少吸引既地道小食，其實好建議整一D班蘭豬腸粉，同班蘭燒賣，班蘭魚蛋，附近既學生一定日日都排長龍，等食好野。叫左個招牌班蘭雞，雜錦千層糕，雞絲糯米卷，酸辣雞中翼，爆醬糯米糍，咖哩豬皮，白膳沙嗲，班蘭香芧茶，呢道有一百元三盒，所以都執左三盒小食：分別係泰式酸辣蝦，泰式酸辣魷魚鬚，泰式燒豬頸肉。本身想食多D串燒，不過今日既然主力係帶走，所以只係食左兩串白膳沙嗲，至於點解食白膳，因為海鮮要燒得好食係不容易，所以佢一出，即刻就試食，呢個白膳加埋沙嗲都係一個既新鮮既配搭，但又好正。沙嗲襯托到白膳，而白膳既肉質微脆嫩滑，燒得不錯，要讚。班蘭雞不負盛名，肉質嫩滑，口感不錯，一試停不到口。再試回味無窮。酸辣雞中翼，泰式酸辣魷魚鬚，酸辣味道好正，雖然係辣，但好開胃，飲番啖班蘭香芧茶，即刻中和番D辣，係好食就要讚。雜錦千層糕係另一亮點，黑芝麻更係三個千層糕最可口的一塊。有機會一定要嚐一嚐。…查看更多

放假入元朗搵好耐無見既朋友食飯，咁耐無見，緊係要搵佢呢個地頭蟲帶我食好野啦！朋友話佢屋企YOHO 附近呢間川菜好味去到見到個門口感覺唔錯，因為係商場地下既角落，感覺旺中帶靜，傾計既好地方。一入到去，職員安排左個門口位我地坐。係咪感覺好高級呢有餐有散叫，見周圍好多人嗌一大煲魚。即刻點左，酸菜魚，朋友話都係呢度既招牌，魚肉大片滑滑，可選辣度，入邊好多酸菜配料，又有薯粉做主糧，所以朋友叫我可以試多d其實小菜，2個女仔食，就唔使再嗌澱粉質類。前菜嗌左個海蜇，海蜇食得多，估唔到配埋蘿蔔絲呢個配搭係咁好味，爽脆可口。呢碟肥腸係朋友話必點之食物，本黎一聽到肥腸，好肥呀，好似有d卻步，黎到見到好多辣椒，只能食小辣既我表示不了，但朋友大力推薦之下，一食停唔到口，肥腸炸到香脆，一咬油香流晒出黎，無異味又唔覺油膩，真係一碟都差d唔夠我地兩個人分，推介呢個單骨雞翼，令我感覺呢間既炸物實在出色，脆身之餘，肉汁肉味都能保持到。實在係被埋沒既炸物店呀！為左減低食煎炸野既罪惡感，呢碟菜，清清地，又飲到沙白既鮮甜味喎。係個咁靚咁輕鬆既環境下享受完咁美味既一餐，雖然已經好飽，但都係忍唔住嗌碗糖水作個完美既句號。最後值得一讚既係唔好以為坐門口無人理，呢度既職員會不停出黎加水，服務超好總結黎講，出街食野都係食食物，食景同食個服務，以呢間川菜餐廳咁既裝修服務加價錢，性價比真係好高，下次會再黎食過。…查看更多

天氣開始轉涼，見今晚涷涷地，又唔想打邊爐咁無新意，放工約埋同事係做野附近荃灣食野。見呢間舖頭好似係新開，就一於抱住試新野既心態試試佢。雞煲同烤魚之間我地選擇左烤魚。未食正餐，先點兩串串燒頂頂肚先。燒豬頸肉: 3片厚厚切，巧巧味燒白鱔:不得不說，呢個係我今晚最滿意既食物，燒得好好，魚有魚香，燒到層皮脆脆，雖然一串38蚊好似貴左d,但我覺得係必食，值重頭戲，我地嗌左條 $328既 魽魚，貪佢肉滑少骨。一黎到估唔到佢咁大條，等我地眼闊肚窄又嗌埋水魷，竹笙同雞子。老實講，如果唔大食，條魚都夠晒2個女仔食，侍應會不段送上湯底，等你食完魚再加湯打邊爐，真係又有魚食，又有邊爐打，一次過滿足晒2個願望。唔好睇咁多辣椒，其實唔太辣。想食墨魚滑，最後無貨，食埋個墨魚丸，好飽飽滿足呢度仲有好多自家涼茶，我地選左山楂楊梅茶，真係食燒魚打邊爐既最佳拍檔我會推薦要嗌1L裝，因為1L裝都係55蚊，2個人飲其實都好易飲晒，抵飲過逐杯嗌好多。…查看更多

又係一個要通宵工作既晚上，好彩有個好同事住係大埔，佢話佢屋企附近有間好味既泰菜可以外賣比我同另一位同事一齊食。個同事仲好貼心咁係門口影左張相比我地睇，間野睇落細細間，咁我地呢d等人拎外賣既人緊係無乜意見，信同事，最緊要有得食因為3個都係女仔,本身都唔太大食，我地呢次主要叫d小食試下。有汁燒黑豚肩飯 : 本人雖說比較少食飯，但同事話好食，面頭有d 泰式木瓜好特別。街頭豬柳串（2串) ，沙嗲雞串(2 串)牛柳串(2串) : d串燒2串價錢由2x 至30左右不等。其實而家d街邊串燒都10幾蚊一串，但質素就食家好好多，好食又夠惹味，一句到尾，性價比高。脆炸蝦餅(4件): 食得出唔係出邊溝左勁多粉果d蝦餅，不過下次會試堂食，似始終呢d炸物即刻食先至正。…查看更多