根本餓底的个人专页

每次同朋友去親葵廣都必定係掃街 行到邊食到邊 今日都唔例外 經過1樓呢一間好多人等緊既nuttea 一睇就知係以nut做主題既飲品店 咩都鍾意試既我 一於就試下佢地有咩咁特別於是我就叫左杯芒芒堅果奶 第一啖飲落去一個字「fresh」芒果既小清新加上淡淡既堅果味 大家唔會搶左大家個味道 呢點要讚下 兩者非常之夾 唔會好怪 而且奶味唔會好重 啱晒我呢啲最怕奶味重既人 掃完街飲番啲消暑解渴既飲品真係正 下次再黎葵廣已經例入我必飲之一…查看更多

今日天氣有啲熱所以走左入The one 商場行下 咁啱經過呢到有甜品又有野飲買既茶墨 就坐低食件cake 飲杯野抖下呢到就算唔食野唔飲野打卡都一流 咁我都叫左杯黑糖珍珠芒果鮮奶加柚子芝士蛋糕試下 首先杯黑糖珍珠芒果鮮奶 好特別 係出面真係飲唔到 芒果好甜 鮮奶同黑糖既大家應該都成日飲 但係佢調左出黎又係另一種味道 都可以試下 而個柚子芝士蛋糕都好好味 佢芝士同個柚子完全唔會互相搶左個味道 清香既柚子加淡淡既芝士味 出黎好fresh 呢到好岩同朋友坐底傾下計 hea tea都一流…查看更多

秋高氣爽，又帶Ｄ涼意約埋朋友食火鍋！係友人話要來呢間食，我都係第－次食呢間店。我一心唸住食火鍋，点知友人先叫咗個花膠雞鍋，話呢個湯勁正，湯－來我，我就飲咗頭啖湯，真係鮮味無比，真材實料，花膠並非貴假貨，但食落都好軟滑好多膠質，湯又充滿雞的鮮味，完全係住家的原味靚湯，好好飲又滋補。 坦白講飲完個湯好滿意，再食下火鍋，全晚最好食係牛頸脊，我都係第－次食牛嘅呢個部分，店員話呢個位係牛成日運動嘅部份，所以特別鲜嫩帶爽，我只稍為過湯十秒，嘩，真係好嫩滑，食落好爽，而且牛味好濃，太正了。另外具然有爆芝響玲食，浸落Ｄ湯度，等Ｄ芝士溶了，入囗又有湯汁和芝汁，好食，不過千祈唔好叫太多，幾滯下架。另外佢Ｄ手打四寳丸，全部有餡㗎，我最鈡意食係蟹粉墨魚丸呀，Ｄ螚粉甘香配上鲜味墨魚，好好食。打邊爐又点少得菜，叫個菜菜藍，樣樣有Ｄ，呢餐唔錯。…查看更多

今日經過見到有間黑色的小店，而門口大玻璃窗好吸引，收銀位上有不同的食物相好吸引，就入去食個假日午餐，而且價錢都唔貴，我和朋友一人一餐坐在窗前，食了不用十分鐘就有得食，見到都十分吸引，我叫了全日早餐，入面有多士都幾脆配牛油好香口，薯角炸得不錯幾脆口，蛋可以選擇不同煮法，而我就要了太陽蛋，蛋汁配多士最夾，仲有熱狗腸和新鮮的雜果沙侓，都夠飽肚。朋友叫的是肉醬+腸熱狗，肉醬在上面勁多味道濃郁，配上熱狗和軟熟包味道幾好。我地仲可以配飲品，食完再慢慢飲野傾下計都幾舒服。…查看更多

呢間放題店，有次同朋友食過，我覺得多嘢食，咩都有，同D4星酒店自助餐都有得比下，今次又同個老死再嚟食，發覺呢間質素更勝之前，特別係員工的服務態度好，呢點好BUY。D食物質素平均，好似當日刺身油甘魚，吞拿，希靈和北海道帶子都好食新鮮的，上刺身又快。壽司類，我覺得呢間必食係火灸，款款好食，醬燒帝皇蟹棒好好食，我叫了好多 round。串燒類，我覺得最好食係牛舌，薄切，燒得香，牛舌好鬆軟，唔錯。另外磯燒帆立貝也是我心水，加左D蒜蓉和芝士焗，超搶口，又鮮又惹味。鮑汁花膠也很正耶!食食下，我都會走出出面嘅自助揾野食，今次比上次，自助區多咗嘢食揀，有炒蜆，避風塘瀨尿蝦，炒雜菜，日式芝麻八爪魚，章魚丸，薯角…幾正! 重要上次食過的蟹粥，今次又返兜，有蟹膏呀，粥底又加咗D粟米，好鮮帶甜，好食。另外D物我地都有食，都OK，水準Keep到。今次特登留肚食甜品，雪糕，雪條，唔會好似上次咁掛住食壽司，食唔晒D甜品!好開心有有燕窩食，重要韓國雪條，出面野又多揀，D甜品細細杯，可以樣樣食下，我覺得唔使四百蚊位，食到有甜品又有自助區的放題，而且D野係好食嘅，所有我會再幫襯㗎。…查看更多

今日同朋友行完街就去睇下有咩好食，在網路上看到這間小店都幾靚就上去食，上到去裝潢以木為同日本為主都不錯，坐的位置都幾大又舒服，我地叫了四個小食食慢慢傾計，雪魚魚乾價錢吾貴而份量都正常，不過燒得吾夠乾身，菠蘿串絕對失望，完全吾似燒過咁，沒有香甜味而且這份量約三十元實在太貴了。沒有吃和牛串而選擇十勝一口牛，份量還可以$108來講，但牛肉味偏少，醬汁味不錯而且洋蔥入味好味道。最後的是比較清新的左口魚邊裙芥茉忌簾沙律，第一次咁食左口魚，都味道幾好但菜比較少左，整體都可以，當傾下計找個地方都不錯。…查看更多

屋企人要食團年飯在想觀塘那裡吃飯好的時候，其中一個話食過這裡的風沙雞不錯，所以今日我地就來吃團年飯，來到見到都幾乾淨而且坐得都幾舒服，我地最後叫咗小食同主菜，份量都幾大份而每款餸都合格不錯，下次會再來試其他食品。 這個小食都是屋企人話好食我地再來吃的陳醋蕃茄，原來是車里茄，食落去陳醋味比較弱，幸好蕃茄仔好鮮甜，每人幾粒剛剛好幾開胃。牛肋骨是這裡的待應推介，成日聽豬肋骨，比較少聽牛肋骨就叫了，來到見到切好晒都吾錯，食落去牛味都濃而十分軟熟，醬汁味道剛好，推介好味道。 用鍋上的蠔餅都幾大份而且唔多油不錯，一夾之下竟然蠔仔十分大隻，不過蛋味好少但食落去都可以，感覺似食日本的天婦羅，哈哈~好耐冇食而在這裡見到的鵝腸好味喎，不過有少少肥但都可接受，醬料好味而鵝腸又入味，配菜都好味夠惹味，最後我地成碟連配菜都食晒。最後講的風沙雞真的不錯，有少少脆口又有點似油雞但雞肉好嫩滑，配上白飯十分飽肚。不過只有一款甜品就偏少，最後冇食甜品就離開了。…查看更多

之前都食過這間的刨冰講真真係好一般，但附近又冇糖水店，而且仲要不用等位就可以入去，所以今次在附近食完晚餐都諗吾到去那裡之下再來試試這間熱甜品。入到去音樂都幾嘈，幸好之後收聲返少少，因為之前中伏關係，今次就只叫熱甜品，芋丸是限定就叫一個蕃薯芋丸糖水$28，沒想到芋丸好林身又冇味有口冇口感失望(好彩另一個糖水沒有加$8-10來要芋丸)，而我就叫了個腐竹蛋薏米糖水，整體不甜不錯，入面仲有不少薏米和蓮子都有驚喜足料，比心目中好。下次會再來都會吃熱食最好。…查看更多

飲茶差不多是我最喜歡和家人一齊的活動，今次過到來屯門的稻香飲茶，大約不用30分鐘就可以入去，入面裝修原來轉了，所以感覺坐得舒服而且都幾光猛。點餐紙同之前差不多，但好似價錢都貴了一點，茶和飲品的質素都只可講一般，如果有其他選擇酒樓會更好。時菜鯪魚球，時菜很少，幸好鮻魚球都大舊同份量足。鳳爪排骨，來到的時候沒想到份量很少，每款只有二舊，其餘都是芋頭，幸好味道不錯，但我地二人食每人只可食少少就有失望。油炸條腸粉堅難食，油炸條好淋又大舊，腸粉好厚身又凍，堅難食。最後我們必叫的紅油抄手幸好沒有失望，少少辣又香和惹味，雲吞份量又多，一口加上蒜十分好食。…查看更多

老友最近愛上食川菜，周圍試唔同餐廳，今次佢訂左去呢間四姐，食過覺得唔錯。我地五人個人一共3款涼菜、5款熱菜。招牌四川涼麵以為應該唔會好辣，不過食落耐左都辣辣地，但辣得黎好過癮，麵又彈牙，落左好多香蔥，入口唔會乾爭爭得黎又好香。蒜泥白肉好香蒜味啊，川菜一定要點呢個啦，白肉一片片唔會好肥，睇落好紅好油，但又唔算好辣，辣油好惹味，夾埋一齊食好好味。蒜茸肚絲，豬肚煙煙韌韌都好乾淨，陣陣麻油同香蔥味，反而呢一道冇咁濃味又唔辣。我地點了兩道煮魚，一道酸菜魚，另一道是招牌重慶水煮魚，酸菜味道好濃，酸菜爽，辣味慢慢滲出來，而重慶水煮魚又麻又辣，成個面都佈滿左辣椒、花椒等，非常濃味，但又好惹味，魚肉又夠哂滑。香辣魷魚蝦就脆卜卜，蝦同魷魚炸到香又唔會硬，而且好重味道，索哂入去，有少少麻麻地既辣，差D想連埋蝦既殼食埋。川式宮保雞丁，一粒粒細肉仲有一堆花生，又係好多花椒同辣椒，食到個口麻哂。糖醋里脊酸酸地好好食，細細一條冇令人討厭既肥肉，好味。…查看更多

今日同朋友係尖沙咀行街 朋友突然話想食泰國野 咁我就上網搵下附近有冇好食既泰菜 就搵呢間一於去試下我地食飯時間比較早 所以都唔洗等位 呢間泰國菜一入到去好有泰國既風格 而且坐位好闊落 食野都舒服d 。一坐低 先叫個椰青 朋友就叫左個芒果沙冰 然後打開個menu 見到個圖太吸引諗都冇諗就叫左個麵包焗咖喱軟殼蟹 同埋泰菜必食既拼盤（蝦餅、魚餅）同馬拉盞炒通菜椰青首先出場 個椰青好清甜 d肉都好嫩 而朋友個個芒果沙冰就好重芒果味 一個字 正 之後就到個拼盤同馬拉盞炒通菜 首先個魚餅好香香茅味 蝦餅就重蝦味 唔似出面鋪頭冇蝦味又實死死 另外個馬拉盞通菜就唔同出面一般馬拉盞味 有自己獨特嘅味道 都係值得一試到重頭戲麵包焗咖哩軟殻蟹 不得了 首先個麵包點個咖喱汁 個蛋味香濃加埋甜既咖哩汁 唔太辣 再食埋個軟殻蟹 啖啖肉 好滿足 黎到呢到真係必叫。最後叫埋個甜品芒果糯米飯 椰汁香濃 芒果香甜 糯米飯香口 係肚皮上劃上完美句號 鍾意食泰菜既都要黎呢到試下…查看更多

之前有去開都覺得味道幾好，所以今次朋友生日我哋都專登過去再食過放題，去到依然都十分之多人，食物方面選擇都不少，當然食慣嘅我們當然不會放過這裡的三文魚，夠新鮮。蕃茄、芒果卷物微酸帶甜十分開胃，芝士火炙海鰻蛋都十分鮮甜。帶子解雪幾好鮮甜厚肉，芝士烤蝦好惹味，雞翼面脆入面足料好味道。普通雞翼煎得都吾錯，當然有我最愛烤菠蘿，燒得少許乾身又甜，當然仲有甜甜牛油粟米啦。刺身一來到都驚喜，三文魚都幾厚切夠新鮮，蝦鮮甜，吞拿魚質素不錯，希靈魚味濃和鮑魚都幾甜美。炸物就叫了雞軟骨、芝麻雞翼芝麻炸得香口雞肉嫩，一堆炸物夠新鮮夠熱又吾油身，味道剛好，榴槤都幾濃郁味吾太甜。飲品選擇不少，最後飲了汽水和橙汁，食到差不多當然叫熱食炒菜啦，都十分新鮮。甜品細細件岩晒可以食到唔同味，這裡的味道都不錯。…查看更多

韓國人參湯，我和朋友都係粉絲，今日大家相約，唔食烤肉，目標係飲湯。那晚星期四，人唔算多，兩個人都比我坐大卡位，好舒服。叫了人參雞湯，我地特登揀辛辣，因為叫了大盤海鮮，想自製人參海鮮又辛辣湯! 湯來了，熱辣辣的，我地特登唔飲湯住，先加D海鮮落去先。加了虎蝦，蜆，青口，小棠菜，黃芽白，蟹，扇貝，全部落齊，待食材熟後咩都唔食住飲咗個頭啖湯先。湯真係鮮鮮鮮，加上好勁的辛辣衝著味蕾而出，呢D人參海鮮辛辣湯，先至係精華所在，大家齊齊飲幾杯，熱血沸騰面紅紅，無得彈! D蟹肉好鮮，扇貝肉厚鮮甜，虎蝦又大隻，重有D青口，蜆，鮮鮮鮮，超好味。其實D菜黃芽白同棠菜灼腍D，吸收湯汁，也十分好味，特別係黃芽白韓國貨來，有甜味，好好食。今次唔食烤牛豬，都咁正。…查看更多

今日收工之後約咗朋友去食飯，三門仔就係石籬商場2期對面既公園隔離，好易搵！入到去坐低之後，見到有好多一家大細喺度打邊爐，好熱鬧啊！餐廳入邊有一幅好大嘅油畫，牆上仲有好多懷舊嘅CD同埋擺設，幾有特色。除咗打邊爐之外，其實仲有小炒食既。我哋第一道食嘅菜係湯嚟嘅—杏汁菜膽豬肺湯。呢個奶白色既湯聞起上嚟有好香嘅杏仁味，同埋有好多舊豬肺同菜，非常足料！飲落亦都有好香嘅杏仁味，口感好滑溜，豬肺煮得都好淋，真係好好味！之後就係食油鹽水浸番薯蜆，啲蜆好大隻，非常鮮甜！仲有粉絲係底，簡單嘅配搭但係味道就一流！再嚟就係花雕蛋白蒸蟹，一上菜就聞到好香嘅花雕酒味，蟹肉好淋，蛋白超級滑，入口即溶，好岩送飯食。我哋之後仲食咗干炒豬頸肉河，河粉炒得好有鑊氣，豬頸肉好爽口好大嚿。佢哋有個好特別嘅甜品就係—南瓜疏乎厘，都係第一次試，軟綿綿嘅疏乎厘下面就係南瓜蓉同埋西米露，南瓜唔太甜，食起上嚟唔會膩，仲好健康嘅感覺添！總括來說呢間餐廳嘅食物都好好味，價錢亦都唔係好貴，值得推薦比大家，原來石籬村都有好好味嘅餐廳㗎！住附近嘅朋友仔可以去試吓喎～…查看更多

今日同屋企人落元朗食飯，見到有韓牛食就揀左呢間牛知己試下一坐底我地就揀左個鴛鴦湯底，係牛骨湯同海膽海帶湯，首先講下佢個牛骨湯好精華，好入味，而海膽海帶湯，海帶味比較重，2個味道一齊都唔會好怪，連我唔鍾意海膽味既人士都可以飲到，2隻湯底都可以就咁飲，正到正題我地既韓牛黎喇，出面食咁多次放題既牛，我都覺得比較遜色冇牛味，但係呢到既韓牛食落口，入口好嫩好有牛既味道，同係韓國食既真係有得比，而且D樣都好靚，花紋對稱，色水又靚另外叫左個豬豚肉，又一個出色既特點，好有豬既味道，而且肥瘦適中，世界級正雞件亦都唔差架，夠大件，雞肉算嫩滑，冇乜肥膏脂肪，放落煲幾時食都得出面都仲有唔同既熟食凍品及沙律Bar，有薯條同泡菜芽菜等，隔離都仲有凍櫃有各款蔬菜同肉類，都仲有少少其他海鮮，有幾款醬汁提示配搭咩肉類最好食而出面既飲品櫃都好多選擇，選擇困難症既我，都揀左一段時間，連汽水機都有啊！menu個到有支好似水果茶既野唔知係咩，我地就叫黎試下，好似係水果茶咁，職員話有紅棗，應該都係幾有益總括黎講，鍾意食牛同打邊爐既你地一定要黎試下…查看更多