AdyWaiSzeYuen的个人专页

上星期同啲fd 去旺角嘅「牛大人」除咗有新湯底之外仲有秋天必食蟹🦀蟹以清蒸上桌剝開後蟹膏厚實，色澤金黃入口鮮味明顯火鍋選鴛鴦鍋🥘一邊養生菇菌燉雞鍋🐔一邊台灣濃香番茄鍋🍅菇菌鍋以多款鮮菇與雞骨慢燉湯面漂著香菇、湯色乳白，喝來帶菇香與雞鮮；番茄鍋用新鮮番茄熬製，酸甜均衡，湯底略稠，帶一點番茄皮的微澀。牛肉是店內另一重點。美國牛肩胛片紋理清晰，油花均勻，涮幾秒即熟，入口軟嫩帶汁；澳洲和牛午丸切面粉紅，彈牙不柴，肉味濃而不膩，吸附湯底後更顯鮮甜。牛肉片與午丸都現切現上，厚度一致，品質穩定。配料區選擇不少：海鮮拼盤有蝦滑、魷魚圈、花枝滑與半殼青口，份量足夠，口感各異。蔬菜有高麗菜、空心菜、金針菇，另有香菇、鴻喜菇、秀珍菇、柳松菇與豆腐、凍豆腐、油豆腐，種類齊全。手工丸類包括墨魚丸、芝士丸、貢丸，麵食區有王子麵、烏冬麵、拉麵，拿取方便。醬料台有沙茶、蒜泥、蔥花、辣椒醬、醬油，自調空間大。另外飲品專登點咗港式檸檬茶18+，以伏特加特調，冰涼酸甜帶微醺，解膩之餘添了點輕鬆感。整頓吃下來，太湖大閘蟹與牛肉質素是亮點，配上海鮮拼盤與鴛鴦鍋的菇菌雞鮮、番茄酸甜，再加上多樣火鍋料，飽足感足，味道中規中矩，適合想一次吃到蟹、牛與火鍋的人。…查看更多

走進天后青雪商店，環境舒服自在，牆上貼滿不同電影的海報，隨意瀏覽間已添食趣。燈光柔和，乾淨整潔，正適合一人堂食或輕鬆小聚，氣氛寧靜不吵鬧。當日點了幾款招牌拉麵、小食與飲品，體驗簡單而滿足。先試「每周限定 - 蜆貝雞白湯拉麵」。湯底濃郁順滑，雞骨慢熬出奶白色澤，蜆貝鮮味自然滲出，每一口都帶層次。小食方面，「醬油漬蠔」令人驚喜，醬油調味平衡，作為開胃前菜份外醒神。「醬油鮑魚」表現穩健，鮑魚厚實彈牙，滷香入味，簡單一味已見功力。再試「每周限定 - 背脂煮干醬油清湯拉麵」，背脂帶來溫潤油香，煮干魚介風味濃厚，湯頭深邃，麵條掛汁均勻，餘韻悠長。另一款清湯版本則更顯醬油的層次與平衡，入口乾淨俐落。飲品選了「木村完熟白兔梳打」與「信州蘋果梳打」，氣泡細膩，清新果香，解膩效果極佳，尤其在熱湯後一口，瞬間清爽。整體而言，青雪商店的拉麵湯底用心，小食精緻搭配電影海報的特色環境，用餐過程輕鬆愉快服務親切，節奏不急，適合午間小憩。這裡是不錯選擇每周限定更添期待，下次定再來探索。…查看更多

今日黎到中上環一帶做野😎順便搵下好食既餐廳最後搵到呢一間樓上西餐餐廳係上環站行一分鐘就到相當方便易搵😗我地嗌左一個二人set餐牌選擇十分之多首先整返杯sparking wine開開胃先🥂頭盤我地揀左黑松露蟹肉多士同鵝肝醬多士黑松露醬同蟹肉balance得好好唔會好似坊間好多黑松露菜式咁所有材料都俾黑松露搶哂味鵝肝都十分和味跟著既海鮮湯一上枱就有好濃烈既龍蝦湯味非常鮮甜，如果可以添湯就好了！🙂‍↕️主菜方面，我地試左黑毛豬鞍同軟殼蟹Risotto🍛豬鞍僅熟所以肉質啱啱好唔會太鞋部位亦都係我地最愛既半肥瘦！Risotto做到Al dente,食Risotto就係要食到半生熟既feel,軟殼蟹都好大隻炸得好脆🦀除左主食之外仲叫左三個小食🍟🌽🍗炸薯條、炸粟米同咸蛋雞翼咸蛋雞翼用左單骨雞翼，釀左滿滿既蛋黃係一種好邪惡既咸香味！最後作結既甜品係New York cheesecake同埋Crème brulee 🍮兩款都啱哂香港人口味唔會太甜太滯整體嚟講呢個價錢可以喺呢個地區食到咁多味菜性價比可以話係唔錯十分建議慶祝生日或者紀念日呢度食返餐好🥰…查看更多

上週末體驗其假日午市90分鐘任食套餐，享用澳洲M8純和牛與日本北海道四元豚的放題盛宴。套餐主打澳洲M8純和牛，鮮味大蜆、生蠔、一鼎鮮蝦等海鮮，以及特色串燒如芫茜和牛串、露筍和牛串和金菇和牛串，餐廳提供8款特色湯底，我們選了麻痺鴨（台灣麻神鴨血湯）和QQ骨膠原（膠原豬王骨鍋）。肉類方面，澳洲M8純和牛油花分佈均勻；日本北海道四元豚則肥瘦適中，搭配麻辣湯底別有一番風味；一鼎鮮蝦個頭飽滿，肉質爽脆。飲品方面，百香果三重奏，TOPPOT滿滿桃膠牛乳，桃膠的Q彈。甜品的手打麻薯紅豆沙軟糯香甜。整體而言，這家台式火鍋店的食材新鮮、選擇多元化，湯底各有特色，90分鐘的用餐時間略顯倉促，但無損整體體驗，適合與親友共享美食時光，絕對值得…查看更多

韓泰太今日又趁星期三放假捐窿捐罅搵食！又再山長水遠咁入到元朗入面既天水圍，再入面既流浮山！食既係一間裝修好靚嘅餐廳，佢哋主打係任食韓式燒烤同古法窯雞，見到呢個價錢咁就梗係要試試啦！大家搭巴士入到嚟落車就會即刻見到餐廳，一血餐廳側邊就有露天停車場俾大家泊車，又係一間駕駛者友善餐廳。坐低左之後就有師傅幫我地setup好個炭爐，跟著當然即刻衝去攞野食攞野飲啦。燒烤食品豬牛雞應有都有既。特別值得介紹豬頸肉、牛仔骨同豬肋骨，調味相當入味，而且明顯食得出並唔係一般任食既肉質。罐裝包裝飲品都係任飲，但我地梗係斟返杯老火竹蔗茅根同菊花茶啦！食到咁上下，新鮮香噴噴嘅燒生蠔嚟到，每一隻size都十分之有睇頭，起碼有半隻手掌咁大，再配上蒜蓉椒絲乾蔥。經典燒生蠔完全係燒烤必備冇得輸。最後上枱既係招牌菜原隻窯雞！因為太多野要食既關係，我地起碼等左15分鐘都未食到隻雞。老闆過黎同我哋介紹，用手撕先可以原汁原味享受埋隻雞既纖維。一撕既時候，估唔到隻雞仲非常之熱辣辣，啲皮一咬落去好似薯片一樣咁脆，肉質勁新鮮一啲都唔鞋，從未試過食雞係雞油同肉汁咁勁既雞。順帶一提喂呢間餐廳食飯一定要好有策略，因為實在太多選擇，如果唔係一早打爆左就唔抵啦！最後係雪櫃揀多條雪條就完滿結束luu。我地十分之推介大家黎呢間餐廳同黎流浮山玩返日，冬天天氣再涼爽啲一定要再黎大擦一餐！…查看更多

又到同朋友聚會嘅時候🍻今次我哋嚟到中環一間日式串燒店環境好似居酒屋咁坐得舒舒服服氣氛溫馨又放鬆😊今晚決定重溫上次喺尖沙咀試過嘅滋味點咗必食嘅焦糖菠蘿鵝肝多士🍍甜中帶鹹，口感一流！仲有免治雞肉棒😋嫩滑多汁，超滿足！今次仲試咗啲新菜式泰式墨魚鬚🍢辣得來夠惹味蒜蓉菜脯燒蠔🦪鮮香濃郁鹽燒和牛牛小排🥩入口即化簡直係享受！飲品就揀咗清新嘅手打檸檬茶🍹完美配搭！同朋友一邊食一邊傾，笑聲不斷，氣氛輕鬆又開心，真是一個好chill嘅晚上！🥂…查看更多

最近想搵好hit 嘅畫碟蛋糕🍰比我係荃灣搵到一間環境同食物都唔錯嘅餐廳🍴一入門口就見到有客人預先訂好嘅畫碟畫作真係畫得好靚❤️一間餐廳除咗食物好之外仲要講求環境、美觀於是我就相約朋友到餐廳享受咗一個晚上大家嘅目的就係又要玩又要食仲可以打卡我哋係平日用餐的餐廳位置於荃灣廣場B1層位置方便好找而且打算食完仲可以行街消化OK 事不宜遲前菜及小食慢煮雞胸胡麻沙律🌿 健康又靚！雞胸嫩滑，胡麻醬香濃，沙律鮮脆，擺盤超吸睛！📸 開胃打卡必備！黑松露牛肝菌蘑菇湯🍄 濃郁Creamy，松露香撲鼻，湯頭暖胃，視覺味覺雙享受！😍 必點！德國腸拼盤配薯蓉🇩🇪 肉食控集合啦！這道德國腸拼盤簡直係肉類天堂！香腸烤得外皮香脆，咬落Juicy爆汁，配上軟滑綿密的薯蓉，入口即化，簡直色香味俱全西班牙蒜油大蝦配酸種麵包🦐 大蝦彈牙，蒜油濃香，酸種麵包吸汁超正！豪氣又好影！📷 超滿足！金沙蟹黃蟹肉QQ捲捲意粉🦀 Q彈意粉裹滿蟹黃醬，蟹肉鮮甜，濃而不膩！藝術品級擺盤！😋 打卡神器！浮華墨紅玫瑰花茶🌹 浪漫粉紅茶湯，玫瑰香清新，超靚Story必備！💗 飲完心情靚！開心果奶蓋巴斯克蛋糕 加畫碟🍰 壓軸甜品來啦！開心果奶蓋巴斯克蛋糕絕對係今晚嘅MVP！蛋糕入口濃郁綿密，巴斯克的焦香外層同開心果奶蓋的輕盈奶香完美碰撞，甜度剛剛好，唔會膩到怕！😍 最吸睛係畫碟設計，精緻到好似藝術品，每個Pattern都畫得超靚，影相打卡一流！📸 無論係同朋友慶祝定想IG吸睛，呢個甜品都係不二之選！…查看更多

今日又襯平日放假入元朗搵食，而我地今次既目標係泰國野呀。呢度又係一間駕駛有善餐廳，好彩我地成功係咪錶加價前泊到錶位，泊唔到都唔使驚！附近有好多停車場，價錢都相當合理。難得入到黎元朗，梗係要嗌到盡！當然就係叫二人餐啦😋有木瓜沙律 、豬頸肉、海南雞、冬陰公、有飯有野飲，啱哂我地呢啲有選擇困難既人。木瓜沙律：好新鮮，酸酸地又有花生墊底非常醒胃，開返個好頭。冬陰公海鮮湯：唔會好似坊間一啲冬陰公咁極端，酸辣味啱啱好，海鮮亦都相當足料海南雞：有雞皮同肉之間層啫喱！肉質都十分之爽燒豬頸肉：啱啱燒起肯定香既，蘸埋個汁更加惹味，有驚喜。泰式炒蜆：今餐飯最出色！每一隻蜆都大大隻好好肉，微微辣味加海鮮既香真係不得了，絕對係送飯神器！？雖然我地嗌到張枱都差啲唔夠擺，但最後埋單都係四百粒有找，好開心食到一間性價比高既泰國菜，好推介朋友過嚟試下😋…查看更多

朋友生日前夕，打算搵一間日式串燒餐廳慶祝。今日收工後就同朋友到尖沙咀用餐，餐廳位置非常方便，由地鐵站 D2 出口行大約五分鐘就到達，連我這個嚴重路痴都無難度。到達餐廳時，店員非常友善，細心幫我哋帶位，仲主動介紹幾款熱門美食。餐牌選擇多樣，每樣都好吸引，我哋最後揀咗店員極力推介嘅蝦多士同焦糖菠蘿鵝肝醬多士。先上枱的是飲品，我同朋友分別點咗桔仔薄荷梳打同菠蘿可爾必思。因為我本身超鍾意薄荷味，所以當見到飲品用上新鮮薄荷葉時，真係眼前一亮，味道清新自然，非常驚喜。食物方面，蝦多士同焦糖菠蘿鵝肝醬多士率先送到，店員仲貼心提醒要盡快享用，以保持多士嘅最佳口感。焦糖菠蘿鵝肝醬多士真係必點之選，鵝肝醬濃郁細滑，配搭酸甜清香的焦糖菠蘿，完全中和油膩感，味道相當平衡。蝦多士亦無令我失望，外皮酥脆、內裏鮮香，每一啖都帶來滿滿幸福感。之後上枱的是免治雞肉棒，擺盤色彩繽紛，賣相非常吸引。雞肉經燒烤後香氣四溢，口感紮實，蘸上蛋黃醬後更添濃郁風味，簡直是靈魂級的美味。接下來終於輪到串燒部分，我哋點了金菇卷、蜜糖菠蘿、翠玉瓜、蟹粉豆腐、秋葵卷、牛油果卷、日本淮山等。每一款食材都烤得恰到好處，保持食材原有的鮮味，同時帶出炭火香氣，水準相當平均。雖然唔算驚艷到令人失控，但整體感覺舒服、耐食，係同朋友聚餐分享的理想選擇。總結嚟講，無論環境、服務定食物水準，都算係一間令人放心同開心的餐廳。朋友都食得好滿意，整個生日聚會氣氛輕鬆又愉快，為呢個特別的日子添上咗一份美好回憶。…查看更多

經歷過星期二既黑雨之後，終於有一日天氣係稍為好少少，可以俾大家出街透一透氣！今日山長水遠入黎到元朗，就係為左呢間經常被開心果關注組谷友力推嘅Brava Java，每次睇相見到佢哋嘅開心果巴斯克蛋糕都會不期然吞一吞口水🥹到達既時候大概兩點半，值得一讚係附近有好多咪錶同停車場，絕對係駕駛友好餐廳！餐廳既枱櫈唔多，白色既葡式瓷磚令餐廳顯得光猛，而我地都十分之好彩唔使等位。坐低梗係第一時間即刻嗌返個All day breakfast同野飲填下個肚。All day breakfast分別有煙肉版同煙三文魚版，配上搽左cream既bagel絕對能夠滿足哂不同既願望。之後到左今餐其中一個重點，就係一直心心念念既開心果！我地分別嗌左開心果抹茶鮮奶同埋挪威焦糖芝士咖啡開心果抹茶鮮奶一如想像中帶有濃厚開心果味。而當咖啡一到，大家都不約而同咁嘩左一聲，濃濃既芝士被刨成絲，再舖係焦糖咖啡上面，各種味道交融下令口感更有層次，絕對稱得上係色香味俱全。食到半飽既我地決定叫埋甜品，非常可惜因為前一日黑雨嘅緣故，我哋試唔到重中之重嘅開心果巴斯克蛋糕。最後我哋轉移目標到餐廳推薦嘅挪威芝士croffle做甜品。同樣地芝士再次刨成絲，但今次就舖左喺脆脆既窩夫上面，再加上微甜嘅楓糖，食落唔會太甜，絕對啱晒香港人口味，亦為呢次元朗覓食記劃上完美嘅句號。下次再嚟一定要食到開心果蛋糕！！！…查看更多

經過荃灣，終於來食咗threads推介必食甜品店，芝麻我都喜歡，但副產品真心要試過先知。當日同男朋友買咗個石磨芝麻糊，黑白芝麻搭配磨至幼滑，口感香濃滑順，飲一口已經感受到天然油脂嘅濃香，如果較細食可以兩人share一個。另外必點嘅黑芝麻軟雪糕，成支黑麻麻其實好靚，頂部仲有一層九蒸九曬即磨芝麻醬，一拎上手真心超香，好啱夏天食，但重點要快食😂🍦仲試咗佢無糖豆漿，的確係重芝麻味，香濃味為主，其實都幾健康。另外多手買咗個芝麻醬比呀媽，試下朝早搽麵包🥯，一打開都係香濃嘅芝麻味，同埋好就好在唔太甜，感覺健康✌🏻…查看更多

我地叫咗三樣菜分別係蒜泥白肉、白菜水餃、雞絲涼拌粉皮三樣菜都唔錯👍🏻尤其雞絲涼拌粉皮好好味，個麻醬好香，同埋涼涼地好合適而家夏天天氣去食，只係粉皮實在是太難夾，好似我呢啲筷子功力唔夠嘅就難食啲😂第二度菜蒜泥白肉亦都唔錯😌真係蒜頭切出嚟嘅蒜蓉，唔係用蒜蓉醬，所以蒜蓉味係十分突出。最後白菜水餃，相對之下就比較遜色一點，像是家中可住菜色。總括而言不錯👍🏻…查看更多

大概是平日的中午，當天大約12:15到場取位置，一去到的時候已經無店員理會，等候5分鐘之後終於取到等候票，當時我輕輕問了店員一句，大約要等多長的時間，好讓我們有個時間預算（因為2:00 要返到公司）只是提早偷雞到餐廳拎位。店員的答覆是大約下一轉就會有枱了，並聲稱不會等候很長時間，當時同場亦有大約5-6枱客同時等候。眼見餐廳內的客人已食完餐點，但餐廳方面完全沒有催場/ 理會外面一直等候的客人。而時間到了13:45，眼見前面的客人一一進入餐廳，同時亦有一張枱是吉枱的，但沒有叫枱號叫我們入去，差點以為餐廳忘記叫枱號。然後我再去問一問，因為眼見都差不多等了1個半鐘，店員都沒有理會。到最後13:50 先可以入去餐廳，但店員間都沒有來協助叫餐… 到真係有人來點餐到上餐時間再等了15-20分鐘。食完的感受是食到一肚氣，不講以為自己去食法國大餐，光是等候及傲慢的態度就夠受氣。…查看更多

去到餐廳食嘢，諗住同之前一樣，點知嚟咗五樣都出事，無一樣得。個叉燒包啲皮硬到阿媽都唔認得囉，然後入面啲叉燒又乾淨淨，我好似食緊紙皮一樣仲有個鹹水角真係好唔得，用超級隔夜油不單止，而且食到入面係空空如也的... 真係好難頂再者，個流沙包入面啲鹹蛋都未搞得碎，咸到好似就嚟得到腎病一樣，個包皮又係硬到唔知點咁跟住仲有個鳳爪，剩係得個辣味，個底盤又淨係得啲烏冬喺度，完全唔值呢個價錢。總之真係好失望，原本諗住冇食咁耐都應該keep到水準....…查看更多