Kay Lau的个人专页

之前在土瓜灣除近閒逛，見到呢間新開餐廳，位置比較隱蔽，今日專登帶埋兩位小老闆去試一試。餐廳環境舒適，坐位唔會太迫，有5張4人枱和一張bar枱，門外另有擺放一張4人枱。每張枱都有擺放紙巾同搓手液。店員態度親切友善，又會介紹一下餐廳推介。餐廳有健康低卡既椰菜花飯提供，岩晒我呢啲減肥人士，我叫左一個日式咖喱雞碎花（碎花=椰菜花飯），兩位小老闆一個叫左蘑菇卡邦尼意粉，一個要蔥油豬扒蛋飯，另外仲叫左一個燒汁鯖魚。日式咖喱雞碎花椰菜花飯味道唔會太濃太咸，配埋日式咖喱味道剛剛好，咖喱都唔會太辣，我想食日式咖喱好耐，但咖喱一定要配埋飯先好食，我已行低碳飲食多年，呢間餐廳嘅椰菜花飯可以滿足到我嘅慾望。蘑菇卡邦尼意粉呢個意粉係即炒的，所以製作需時，意粉軟硬度適中，醬汁夠軟滑creamy，中間放咗一隻蛋黃令賣相更好同時增加蛋黃的味道。蔥油豬扒蛋飯豬扒煎得好香，蔥油比例一流，蔥花又香又爽脆，隻蛋都煎得好靚，小老闆唔捨得食隻蛋，留到最後先食。燒汁鯖魚鯖魚皮煎得微脆，魚肉都唔會乾，配埋燒汁一流。每個餐都會有一小碟配菜跟埋，感覺上健康一點。飲品可選汽水或+$3自家製羅漢果水/檸檬薏米水，我好後悔冇加錢叫檸檬薏米水，因為見到隔離幾台嘅客人都係叫薏米水，賣相都好吸引，下次再嚟一定要試吓。另外幫朋友外賣了一個蔥油雞扒蛋碎花，朋友表示好味，但如果可以有更多蔥油就更好。另外因為外賣會有倒汗水，所以椰菜花飯比較濕，如果外賣嘅人記得要盡快趁熱食。這間餐廳晚市做埋串燒的，搵日一定要黎試下。…查看更多

紅磡有幾間車仔麵店，除左差館里那間外（但經常排長龍），其他質素都好一般。今日經開必嘉街，見到有間新開的，就試一試。他們除咗可以好似傳統咁自己野餸外，另外都有一些套餐，我叫左一碗威風百麵（配秘製辣汁-小辣），再加一個小食椒鹽花枝丸。我幾鍾意佢哋有呢類套餐，食車仔麵好多時眼闊肚窄，雖然套餐每款餸既份量會較少，但可以食多幾款餸，同埋佢地價錢合理。平時去另一間食，一個人都要百幾蚊🤦🏻‍♀️。威風百麵有8款餸，腩肉炆得好淋好入味，必食推介。大腸夠肥美，魚腐好食，溏心蛋整得恰到好處，其他餸都唔錯。$52呢個價錢真心抵食，仲要送自家製甜品。椒鹽花枝丸-呢樣就普通左少少，似係將花枝丸炸完再灑上椒鹽，丸係彈牙同有花支粒。免費甜品選了Oreo木糠布甸食物質素係唔錯，唯一要改善既地方係可以多留意一下差不多食完既客人，問他們想要咩甜品，我見到另外兩枱客人都係俾錢時職員才問要什麼甜品，兩個都說不要了😂，起晒身，俾埋錢，戴晒口罩，唔通又坐返低食甜品咩😅。…查看更多

冬至時圑購訂了佐敦某間龍蝦花膠盤菜，難食到飛起，所以圑年飯決定搵間傳統一點既盤菜，朋友話盛記唔錯，所以新年前做節時訂了一個大盤試試。可選擇自取或代叫車送盤菜，運費到付。1. 雞夠嫩滑2. 鴨正常水準3. 冬菇夠淋夠入味4. 髮菜無咩特別，份量較少5. 蠔豉大小中等6. 西蘭花吸左啲汁後好味7. 大蝦新鮮彈牙，茄汁味正8. 鯪魚球好食9. 腩肉夠肥夠淋10. 因為門鱔本身多骨，小朋友不太喜歡，我就覺得唔錯11. 鹹菜比正常鹹12. 支竹，13. 豆卜，16. 蓮藕，17. 蘿蔔，19. 津白 這幾樣吸晒啲汁後非常好味，所以好味嘅汁底非常重要14. 土魷彈牙好味15. 豬皮都係因為有一個好味嘅汁底所以唔錯18. 芋頭夠粉20. 馬蹄夠爽整體表現非常滿意，食盤菜都係傳統的好。三大兩小食一個大盤，食左兩日先食完，不過新年有剩好過唔夠食，年年有餘嘛。*後來發現身邊好多朋友都係訂盛記的盤菜，朋友訂了小盤（5大2小剛剛好），我家的小朋友一星期吃了三次，但都食唔厭😂…查看更多

網上見到有人話紅磡廣場附近有間海南雞唔錯，今天下午4點零鐘經過，順路買外賣回家當晚餐。當我企係門口看餐牌時，女侍應馬上出來招呼我，介紹一下餐牌上的食物。我最後還是決定買了兩客招牌海南雞飯。因還是午餐時段，一客是$50另加$1外賣盒。$51有一客海南雞飯加湯/熱飲，非常抵食。在我等候外賣期間，店員不時走出來跟我說「唔好意思，等多陣」，她還提我如果回家不是馬上吃的話，應如何處理食物。講返重點，整盒海南雞飯份量十足，雞又多又滑，還有蕃茄和青瓜作配菜。雞油飯好香雞油味還有淡淡椰香。雞醬酸辣度適中，很開胃。美中不足的是雞湯太細碗，如果大碗一點更好。我家的兩位小朋友秒清晒整個餐，他們都說好味，比起Thai Plxx好食，叫我下次再買。而價錢方面也平宜很多。…查看更多

土瓜灣這間餐廳開業應該超過一年了，店主在附近有另一家蒸氣鍋都是非常出色的。我經常同一班同事到這裡吃火鍋，上年冬天差不多每星期都會黎一次。不論你點任何一個湯底，先喝一到兩碗湯才開始火鍋，所有湯底都沒有味精的，我最喜歡胡椒豬肚湯底，真材實料。配料方面，全部都非常新鮮，特別推介：雞子（用酒浸過的，特別好吃），天梯（有牛的不同部位），濃汁牛丸（非常彈牙）。店鋪還有提供串燒，一年四季都岩食，燒魚子是季節限定，必試。…查看更多

呢間既自助餐上年食過幾次，每次食完都推介俾朋友，但今次⋯⋯希望佢哋會睇到呢個post改善一下。食物種類比以前少，我晚上8點才到，很多食物都不再refill。沙律菜選擇少，煙三文魚都沒有。中湯感覺加水一樣。燒牛排太乾，羊架很蘇。生蠔還可接受。甜品種類跟以往差不多，都有出名的芒果拿破崙，movenpick 雪糕。以前很喜歡的一間自助餐，每次都飽到想吐，現在變成這樣，食了一小時多已經停口了，唯一可取之處，便是live band。…查看更多

之前去附近食飯時見到呢間餐廳排晒隊，今次過嚟試一試。裝修好有古代feel，侍應安排左4人卡位，寬敞舒適。侍應先拿來調味料給客人自己調配，必試自家製蔥油。選了卜卜蜆湯底，蜆既份量好多，湯底似油鹽水，味道不錯。點了一個牛拼盤，賣相夠派頭，而且非常新鮮，但推介的飛驒牛不是特別出色，其他牛比他好。黃金響鈴剛炸好的，夠香脆，但咸蛋黃味唔夠。各種手打丸質素非常高，夠彈牙。餃類方面就比較麻麻，係韭菜餃較為好少少，可能另外三款推介餃唔岩我口味吧。鵝肥令我有驚喜，非常肥美。店舖有提供啤酒同清酒，叫左兩款啤酒，較喜歡1664。…查看更多

店舖唔算太大，座位有點迫，但乾淨企理。點了店裡出名的花膠雞煲翅及雲吞雞煲。另點了一客滷水拼盤（雞腎，牛展），拼盤下面有牙菜底，上菜時剛翻熱完，熱辣辣的，味道唔會太咸，牛展夠淋。主角花膠雞煲翅同雲吞雞煲都是用砂鍋裝住，兩個既湯底應該都係一樣，鮮甜雞味濃郁，帶有金華火腿既香味。雞煲翅得一束魚翅，但花膠份量都多（當然不是好貴價嗰種，呢個價錢有呢個級數同份量可以接受）。雲吞雞既雲吞似係出面買現成的，不過不失。兩個煲入面都有半隻雞，如果加$10轉餐，一個餐已經夠兩個人食。龍蝦湯泡飯都係呢間鋪推介的，下次要黎試試。…查看更多

以前食過幾間倫哥都覺得唔錯，今次去元朗嗰間試下，OpenRice 訂位有88折，仲有里數送。元朗店比其他店較小，而且人手不足。雞煲點了小辣，侍應會詳細講解應該點煮，水魷同牛柏葉加落雞煲度，吸收晒啲汁，特別惹味。元朗店現在沒有刺身牌照，所以無刺身拼盤食，有點兒失望😞。原本想點溫泉雞湯底，但店員話要預訂先有，之前去其他店都不用預計，最後點左蕃茄湯底。蝦滑墨魚滑夠彈牙。牛頸脊脂肪比例適中。其他海鮮類都算新鮮，其他食物不過不失，尚算合格。但好多食物我地想追加時都話無晒了。記得第一次去倫哥係去觀塘店，食完之後都推介朋友去，但今次有點失望，希望佢地可以改善一下…查看更多

突然想食自助餐，6點幾打去問都仲有位，訂左8點鐘。一入到去見到人山人海，排生蠔候隊好長，所以先拎凍海鮮類。龍蝦有膏又大隻，蟹腳比其他酒店大隻，麵包蟹我唔識欣賞😅😅。中式湯（蓮藕湯）比要搶既燉花膠湯還要好飲。其他熱食都比另外幾間同集團既好。刺身中規中矩。特別鍾意佢個沙律吧，好多唔同既菜選擇，有我喜歡既牛油生菜同火箭菜。今晚得一款美國蠔質素還可以，每人限取兩隻，但我較喜歡法國蠔，其實收呢個價錢應該俾好少少既蠔。今晚最愛既係鵝肝多士，多士整到好脆，可惜我太晏先去，想再食但佢已經無再refill。甜品有我最鍾意既榴槤酥😋😋，仲有燕窩。但因為8點先去到，唔夠時間食，仲有好多野未試，如果下次再去，真係要6:30準時去到，好多食物都要排隊，有啲限量的食物一拎出黎就被秒殺。食得太急，無影到相🤦🏻‍♀️可加$120任飲紅白啤酒汽水，侍應見到我差不多飲完便會幫我refill，之前去另外幾間都要叫人加先會加，呢點值得加分。…查看更多

山長水遠入元朗諗住食好西，點知遇到一間服務極差既餐廳。入到餐廳，侍應安排了一張二人枱給我和朋友，當時餐廳還有三張四人枱，兩張二人枱，我和朋友因爲唔食澱粉質的，所以通常會叫好多小食，我地見到張二人枱再互相對望，決定坐四人枱，但當時沒有侍應在旁，我地坐低左再算，之後有個侍應見到，即走過黎同我地講，一陣有機會會調返去二人枱架，我話ok，無問題。我同朋友睇緊食咩既時候，分別另有兩位侍應過黎過黎同我講同一番說話，第三個同我講時，我忍唔住問佢，如果成枱都係食物唔夠位擺，係唔係都要調去二人枱，佢答覆係咁我幫你收咁啲野就得（如未食晒點收呢？）。其實無必要咁早講，可先睇我叫啲咩食先，同埋真係有咁需要先講都得，整晚我食左個半小時左右，一直都有吉枱的。言歸正傳，食物普遍偏咸，可能咸啲，客人會叫多幾杯飲品吧。除左香脆蝦角之外，其他都不出色，雞翼炸到又硬又乾。…查看更多

朋友推介呢間餐廳，今次專登過海黎試下。鋪頭細細，座位唔多，但感覺整潔。刺身點左吞拿魚腩，油甘魚，劍魚腩同立魚，每片都好大塊同好厚，吞拿魚腩係入口即溶，油脂十足，超正。炸蝦卷同花之戀質素正常，飯圑唔會太大。鹽燒油甘魚頭份量十足，真係有成個魚頭。另點了蟹籽沙律，鹽燒燒雞翼串，黑松露雜菌同炸餃子，質素同味道都合格。店舖有各種汽水，烏龍茶，啤酒同清酒售賣。店主親切友善，會同客人交流，小店黎講有咁既質素，真係要多多支持。…查看更多

13度既天氣，本來諗住去打近爐，行左幾間都要等位，見到呢間有羊肉爐火鍋，即管試試。入到去，坐位舒適，侍應服務一流，知我會食火鍋，雖然我兩位都安排左一張四人枱。火鍋的羊肉夠林冇咩羶味，湯底鮮甜，如果可以再另點配料打埋邊爐就更好，但分量較少，只夠2-3人享用。另點左四季豆炒肥腸，好惹味，配飯一流。椒鹽豆腐，外脆內軟。金沙蝦球，炸得好脆，蝦球彈牙，但略咸。店舖有台灣手工啤供應，侍應推介柚香小麥啤，淡淡既柚子味但氣同泡都唔夠。…查看更多

近年紅磡開左好多間串燒店，呢間係值得再去的一間，價錢合理，質素滿意。雞皮係必食，燒到好似薯片咁，雖然同區有另一間比佢更好，但$20一份性價比高。不是間間都有串燒七里香（雞尾），所以呢樣又係值得一試，如果燒得更乾身更香脆就仲好食。牛舌有咬口，京蔥燒腩卷肥而不膩。小食小炒叫左臭豆腐同避風塘九肚魚，都係必食推介。所有串燒都係即叫即燒，所以等候時間會較耐，可以先叫一些小食小炒邊食邊等。今次一行6人，人均消費$135。…查看更多

依家好多餐廳都有任食火鍋，見呢間試業中，即管試下。21:30前入座$188，21:30後$168。客人可先選食雞/鴨煲，之後再換一個湯底打邊爐，出面好多餐廳都係直接加湯落雞煲繼續打。我覺得雞煲味道唔錯，份量適中，唔會食完食唔到其他野，但個人認為略咸左少少。我揀左豬骨湯底，見到兩大骨豬骨係湯入面，真材實料。任食既食物選擇都好多，仲有海鮮類，蝦同蜆都好新鮮，有啲係自己出去自己拎，有部分就要落單。另加$68/位有海鮮拼盤，但入面有兩款食物都係任食張紙上有的，除非好喜歡食龍蝦同鮑魚（都係好新鮮），如果唔係就可不用加。飲品基本既汽水都有，仲有烏龍茶同龍井，啤酒都係任飲。侍應定時定候會加湯換碟，服務都不錯👍🏼。…查看更多