鮨味一番 (已結業)

朋友推介呢間餐廳，今次專登過海黎試下。鋪頭細細，座位唔多，但感覺整潔。刺身點左吞拿魚腩，油甘魚，劍魚腩同立魚，每片都好大塊同好厚，吞拿魚腩係入口即溶，油脂十足，超正。炸蝦卷同花之戀質素正常，飯圑唔會太大。鹽燒油甘魚頭份量十足，真係有成個魚頭。另點了蟹籽沙律，鹽燒燒雞翼串，黑松露雜菌同炸餃子，質素同味道都合格。店舖有各種汽水，烏龍茶，啤酒同清酒售賣。店主親切友善，會同客人交流，小店黎講有咁既質素，真係要多多支持。