古早味澎湖台灣 (已結業)

13度既天氣，本來諗住去打近爐，行左幾間都要等位，見到呢間有羊肉爐火鍋，即管試試。入到去，坐位舒適，侍應服務一流，知我會食火鍋，雖然我兩位都安排左一張四人枱。火鍋的羊肉夠林冇咩羶味，湯底鮮甜，如果可以再另點配料打埋邊爐就更好，但分量較少，只夠2-3人享用。另點左四季豆炒肥腸，好惹味，配飯一流。椒鹽豆腐，外脆內軟。金沙蝦球，炸得好脆，蝦球彈牙，但略咸。店舖有台灣手工啤供應，侍應推介柚香小麥啤，淡淡既柚子味但氣同泡都唔夠。