tiffany_ip1989的个人专页

同朋友食飯，最開心就係打邊爐，一齊烚吓烚吓。今次揀左最方便既銅鑼灣，之前都有去過火鍋本色舊鋪，今次第一次去新鋪，同樣有驚喜。叫左個好抵食既6人餐，一個價錢全包宴，已經包左湯底、飲品、食材、同加一，每人除開$300有找。黎到都係先黎個靚靚調味盤，自己混醬有齊海鮮拼盤、牛、豬、雞等，仲有其他丸、雲吞/水餃、蔬菜籃。最驚喜係海鮮拼盤，大堆頭製作，一大盤有齊蟶子、海蝦、鮑魚、蟹同蜆，全部都好新鮮生猛，上枱仲會郁。蜆肉好正，大大粒又冇沙，勁鮮甜肉類黎講，牛肉有驚喜，肉紋同油脂分布好靚，入口牛味濃，有咬口。而其他雜項，最鍾意係雲吞/水餃同樣大大粒，包滿脹卜卜餡料，好飽肚。炸釀油炸鬼係第2樣最愛，油炸鬼釀入彈牙蝦膠，放湯後索滿湯汁，口感好豐富。6人餐真心堅平+抵食，個個都食飽飽，每人除開$300有找…查看更多

灣仔英皇地舖開了一間食牛腩粉的小店 - 牛市，標榜採用新鮮崩沙腩牛坑腩，配合店主陳大哥獨門烹煮方法精心炮製出一碗味美可口的牛腩粉!!!灣仔區返工的我每日都會經過陳大哥的店，經過時總飄來陣陣牛膻味，嗜牛者就一定會被香味吸引過來~!!那天下班太累了，也懶得回家煮飯，直接去牛市買外賣回家吃，我買了一碗清湯坑腩河 (HK$78) 和咖哩牛腩飯 (HK$68)清湯坑腩河湯頭清澈不油膩，湯底濃香，加入炸蒜、乾蔥，味道更提升，坑腩筋肉分明，層次豐富，口感紮實有韌性；精髓是平平無奇白蘿蔔，腍甜夠入味，吸盡湯底精華！！咖喱牛腩飯給爸爸吃，聽說咖哩汁是陳大哥的獨家配方，又香又夠辣，但辣味不會太嗆，點到即止，更帶甜甜椰香。咖哩牛腩配白飯一流，入面除牛腩外，亦有牛筋，又滑又充滿骨膠原；薯仔、紅蘿蔔亦好入味～陳大哥店的定價雖然比一般粉麵店貴，不過價錢反映食物質素，精品牛腩水準的確高，反正都是吃到自己肚子裡，貴一點亦物有所值的!!…查看更多

天氣開始涼就想打邊爐，放工同友人去觀塘成業街發哥粥底火鍋打邊爐。設有A-D不同海鮮的火鍋套餐可供選擇，前菜、主食和拼盤再加8款火鍋料。先來一碗湯潤潤喉，勁足料又夠火候，正！第一碟上枱是前菜 - 蒜香泰醬焗青口，酸甜泰醬好開胃，青口隻隻脹卜卜夠肥美，入口好Juicy主角龍蝦出場~!!每人半隻開邊龍蝦都是爆膏，海鮮拼盤內有多寶魚、聖子皇、黃金蜆、海蝦款款足份量，再加一碟牛肩肉已經擺滿成張桌。除龍蝦外，鮮活鮑魚在碟上蠢蠢欲動，口感厚實有質感，而且一點都不會韌套餐附有的8款火鍋之中，我們選擇了黑豚、滑雞件、花膠筒，以價錢和品質作比較的話，絕對是抵食之選~!!經過一輪，所有的鮮甜都留在湯底之中，店員隨即呈上粥膽，加入南瓜粒、香芋粒、冬菜滾出軟綿粥，盡吸剛才海鮮的精華，一碗平平無奇的白粥變得好滋味架~!!!…查看更多

慶祝限聚令放寬，同閨蜜BB去打邊爐太子老百姓火鍋雖然開業不久，但好多熟客光顧，我同閨蜜BB都遠道而來一試皇牌湯底滋潤百姓鍋，湯料有雞、花膠、螺頭、哈蜜瓜等足6人份量；熬過的雞肉嫩滑不柴口，螺頭帶出鮮味，哈蜜瓜的清甜被熬出來，湯底清潤帶甘甜，女士們最愛的花膠正好吸收湯底的精華，未開始食火鍋料已經飲兩碗湯點菜時間……火鍋不能缺少即炸響鈴(HK$48)，即食的話可先沾一些甜醋汁，香鬆脆口感令你上引架~怕熱氣的話下鍋燙一下也可，但謹記把握下鍋黃金3秒，是最正的外軟內脆口感老百姓這裡都有由台灣空運到港的新鮮鴨血(HK$58)，口感質素完全一樣，而且一份鴨血有8大件，足以幫你一解思鄉情懷；百姓招牌鴛鴦滑(HK$108)，有蝦滑墨魚滑，兩者都非常出色，爽口彈牙，無可挑剔~!!!熱身賽完，打邊爐一定要大塊肉，High Class來一份安格斯牛頸脊(細)(HK$238)和牛脷(HK$88)，堆砌成雪山的牛頸脊，油花分佈平均，下鍋稍為滾燙即食，牛味濃郁，肉質細嫩不起筋；用牛脷砌成花，要食牛脷只好摧花了，牛脷不宜過熟才能食出原味；黑毛肚(HK$78)一樣是爽脫可口唷~好牛者來吧~!!!Tiffany最鍾意食菜，叫一個蔬菜雜菇拼盤，包羅萬有，順便解膩小店slogan鍋藏人間美食，好火錮好人緣，好適合用來形容老百姓，因為我發現大部份是熟客，相信是老闆的用心經營，加上食物質素好好，令我同閨蜜寶寶好滿意，現只希望疫情快完結，可以同一大班朋友一齊再圍住鍋邊^^…查看更多

中國人愛飲湯，但煲湯確實好花時間場和心機。外賣燉湯是新趨勢，同時是繁忙上班族的福音。天后湯品小店椰粉湯紅於灣仔開設分店，地舖鄰近灣仔地鐵站，以食療燉湯最具名氣。 由於目前晚市六時後仍然禁堂食，放工去到只能買外賣~!!!不同湯品均具食療之效，最近喉嚨乾渴可以飲川貝海底椰燉鱷魚肉，用原個椰王清燉，啖啖湯散發著椰王香氣。外賣時原個椰王以保鮮紙包好，返到屋企開封即時香氣傳千里，而且用料十足，湯水清澈不油膩。脆糖炙燒豬頸肉蛋包飯不但賣相吸引，除了主菜豬頸肉，配菜有滑滑炒蛋和小雜菜，不添加味精，提供均衡營養餐食…查看更多

上星期六Long Week返工，放工後的節目是陪媽咪買餸準備夜晚的鐵板燒餐。距離媽咪放工還有兩三個小時，我決定自己行街打發時間。行到去銅鑼灣渣甸坊附近，發現一間工業風café 「無邊 NO BOUNDRY」，很有噱頭的店名，容易令人記上心。一位堂食，店內有連儂牆，雖然同內裝有點格格不入，但這是一種標記，雖沒有文字，但意義明顯，但我的Focus卻落在牆身的一隻「豎起五指」的手，相信心意相通的人自然明白。去 café 我最鍾意食 all-day breakfast，幾款 all-day breakfast 中，我揀Knight Breakfast，為了健康小小，我請店員幫我將小牛角改為多士。[題外話:幾位男店員都幾型仔架~！！]用六角形大理石紋盛載的 Knight Breakfast 單看賣相已經夠吸引^^太陽蛋、白蘑菇、茄汁焗豆、煎蕃茄、德國香腸、楓糖煙肉和蒜香多士，十分豐盛我自己是一名咖啡控，食all-day breakfast一定要配杯咖啡至perfect^^新加坡白咖啡，雖然對減重人士來說有點邪惡，所以特別要求店員幫我改無糖版本，至少可以將罪惡感降低吧~!!…查看更多

星期六同阿妹去行尖沙咀Donki，最後都是一袋二袋離開^^行完已經四點，決戰完要醫肚啦，打開手機地圖選黃店餐廳，揀中ND42 Bar&Lounge。位於漆咸圍內街，其實位置有點不方便，不過今時今日支持黃店是必須的~!!同妹妹柯打了一份煙三文魚法包多士和一份肉醬芝士薯條，加一壺洋甘菊花草茶。肉醬芝士薯條，聽菜名都知道邪惡，但間中食一次亦未嘗不何，粗薯條炸得好香脆，沾蕃茄肉醬食，滋味無窮，還有好邪惡的拉絲芝士，拉得長長的，愛芝士的你明白箇中的快感嗎?煙三文魚法包多士原來都配有薯仔-.-今次又食超標啦~哈哈~~比起肉醬粗薯，煙三文魚多士輕盈好多，一份有2件，除了煙三文魚，亦有沙律菜食完邪惡食物，飲杯花草茶中和至醒目，洋甘菊花草茶清新淡雅，我同妹妹已經加過2次水，花茶依然好出味，想再添層次，可以拌入蜜糖，少少甜好岩胃口^^…查看更多

同事話我知灣仔船街有間美國餐館WingMan主打食雞翼，於是我約了靚媽同事放工一齊去試。小店位於船街樓梯口，由合和中心向金鐘方向行就看到的啦^^ 訂枱18:00，到達後由門口望入只見四、五張方枱，還以為只適合2-4人的小聚，入座後發現人客愈來愈多，原來行入去還有幾張大枱，人多座內堂，私隱度即時提升^^WingMan除了最出名的翼煲，還有三款set餐：分別18、24以及48隻雞翼加配菜，我同朋友2個人就order 最basic set 的18隻。雞翼可自選3款口味，乾身Dry Rub、濕身Saucy口味超過20款，味道別具風味，左揀右揀後柯打了咖啡香味、黑芝麻海鮮蜂蜜以及蒙古燒烤由最淡味的黑芝麻海鮮蜂蜜開始，屬偏甜味雞翼醬汁，雞翼表皮掃上蜂蜜、撒上香口芝麻，好味鍾意惹味的朋友，蒙古燒烤味雞翼，焗至脆邊的外皮，咬一啖，香料味道慢慢滲入喉嚨，愈食愈滋味過引Tɪғғᴀɴʏ同朋友一樣愛飲咖啡，叫了一款平日較少見的咖啡口味雞翼，聞確有淡淡咖啡豆香，但入口沒太大驚喜，咖啡味只留於外皮，但不得不讚是每款雞翼都肉質嫩滑，大細適中，把酒閒聊確實爽爆別忘記套餐跟一款配菜，食得多肉要補纖維菠菜甘藍沙律兩款蔬菜都高營養價值，高鐵質高纖維，Balance一下身體邊食邊傾，時間過得好快啊…查看更多

新年前約朋友聚會，最好不過同朋友圍爐取下暖。香港人鍾意打邊爐，要眾多火鍋突圍而出，當然要有特別過人的地方。今次朋友發板去到了元朗「大滾友火鍋」，未入店前門口已經有幾個宮廷款式火鍋爐在門外，裝修風格加上火鍋、碗碟，都統一用上了古色古香中國宮廷裝修，連菜單都好特別，如同頒佈聖旨一樣。打邊爐最緊要選湯底，大滾友火鍋湯底款式多，亦都很有特色。我們都是很喜歡海鮮， 柯打了櫻唇半開 - 特色卜卜蜆。卜卜蜆鍋底有大量芹菜，卜卜蜆分量多，粒粒蜆肉都飽滿新鮮。火鍋是用上宮廷特色鍋，配上高煙囪，未食我得已經先打卡。火鍋料選擇多，有半份或全份可供選擇，更有不少配料拼盤，鍾意試多款式的朋友可以考慮選擇叫拼盤。大滾友牛肉拼盤（大）-  愛牛人士不容錯過，一個拼盤可以試齊足九款牛。牛肉質素佳，肥瘦適中，紋理平均，肉質柔嫩。大滾友餃子拼盤（八粒）-  一碟有4款的自家製的餃子，其中一款有原隻鮮蝦，入口彈牙，蝦味十足。大滾友響鈴拼盤(各三條) - 響鈴打邊爐都是必食，除了平日經常食的原味響鈴，仲有鹹蛋黃響鈴，每款各3條。這裡的即炸響鈴，鹹蛋黃響鈴鹹香味十足，看來鹹蛋黃熱潮仍未有減弱遠看以為是沙冰塔，原來是新鮮肥美鵝腸圍繞著冰塔。只要落鍋一灼就可以食用，入口爽脆甘香。…查看更多

早排有陣涼意就想起火鍋，但火鍋最好人多熱鬧食先最開心，款式選擇又多，但上星期Tiffany就小閨蜜兩個去食蒸氣鍋，食到捧著肚離開坐位之間以竹簾相隔，一人前的時候可以放下竹簾，極具私隱度，若然是三五知己就可以拉起竹簾，自成一角^^銅鑼灣的船渦提供不同的晚市套餐，備有多款每日由香港仔碼頭直送的新鮮海產入座時店員會提供QR Code，自助下單好方便，套餐仲可以選擇食粥底火鍋或者各款粉麵，最後我同小閨蜜點餐HK$358的八府巡按套餐店員撐著一隻船上枱，上面是各種新鮮海鮮: 黃金蚌、魚蝦蟹、白蜆、鮑魚，聖子、仲有半隻龍蝦~呵~!枱面有不同食材的蒸煮時間，調好時間即可；設有自助調味區，多款醬料配料選擇海鮮肥美鮮甜，龍蝦啖啖肉仲有蝦膏，滿足又滋味另外有3選2肉類，我點選了安格斯牛和雞件，最後有蒸蔬菜，吃食物的原汁原味食到最後就是加米粉，鍋底已經集合了剛才蒸煮食物的精華，吃飽飽很滿足啦…查看更多

Tiffany同妹妹倆都是鰻魚控，得知銅鑼灣有間專食鰻魚的日本小館-鰻工坊，上星期放工就約妹妹一齊食一間以和風木質設計的鰻魚小館，木製餐牌別具風味，而且幫襯的人不少鰻魚一般分有蒲燒鰻、穴子、活鰻，想一次過食齊就要揀三重鰻魚丼$198一個丼飯，加$30有碗鰻魚肝白貝湯、溫泉蛋、玄米茶由鰻魚汁、芝麻、海苔碎溝入丼飯中，帶出飯香；飯面再由三款鰻魚堆砌成山，一上檯特別有滿足感這裡的鰻魚飯有2種食法，除了原本的鰻魚汁外，食到尾仲可以加飯，再問店員要碗昆布湯，即變成茶漬飯另一種必推食物-燒鰻魚肝串一條魚只有一個手指公大的肝，所以一串燒鰻魚肝串到底有約多個肝？燒得香脆，入口又甘香，平日好少機會食到架Early Dinner叫多份蕎麥麵，記得將隻鵪鶉蛋、蔥花加入醬汁中攪勻沾麵食法一箸麵沾醬汁，一啖入口，正！鰻魚控的我表示最愛燒活鰻，爽口又厚實，下次要單叫鰻魚串啊…查看更多

車仔麵歷史深入人心，除了價錢平夠大眾化，配料選擇亦多，可以自己選擇星期日入同友人入沙田，見到新開業的永年士多，創新地以男女性別為車仔麵主題，推出男神麵和女神麵永年士多是用QR Code落單的，店員會於入座是給你專屬QRcode，用手機素描即可下單，方便快捷Tiffany同友人一齊，剛好一人一碗我的是男神麵，以牛為主：牛筋、牛肚、牛腩、牛丸以及浸滿湯底精華的焾甜白蘿蔔牛筋已經燜得好入味，夾起來好有質感，是滿滿的膠原蛋白唷因為我們點得是套餐，會跟有小食一入叫了灼清菜，另一份就是經典街頭小食韭菜豬紅，豬紅是完整大大件的，絕不是豬紅碎唷咪睇少我同事‼️小食是冰火波蘿油，皮脆奶香菠蘿包是永年士多自定出品，未入餐廳門口都經已聞到香味，再加塊厚切牛油，牛油夾在熱辣辣菠蘿包中間，一啖入口滋味無窮這裡的樽裝茶都是自家沖調的奶茶香滑醇厚，正啊…查看更多

天氣轉涼又到打邊爐的好日子，好多餐廳都推出生猛海鮮火鍋，但大多都要HK$300以上，物色到旺角寶哥火鍋，不但有生猛海鮮拼盤，8款升級配料加任食丸類蔬菜，最重要是價位只不過$200出頭。湯底方面，我們一行4人可選鴛鴦鍋。除了基本湯底，亦有特式湯底提供，不另收費。點了「蟲草花水鴨湯」+ 「蕃茄薯仔湯」，水鴨湯清甜，蕃茄湯芹味重，蕃茄味濃，好有羅宋湯Feel。先黎生猛海鮮，原本應該有7款，不過店家表示部份海鮮已沽清，所以暫時只有6款提供，但依然足料，不會將貨就價。深海龍蠆肉新鮮，放水鴨湯那邊灼，肉嫩鮮味。來一個close up......扇貝 - 肉厚大大粒，終非一般雪藏海鮮貨，蠔王的我表示筒蠔很肥美Juicy另外八款升級配料，只限點單一次平日極為罕見的牛骨髓，入口超滑嫩，牛味十足；打邊爐少不了鵝腸，落鍋一灼，收縮馬上撈起即食，爽夾脆另外點單了兩部位的牛肉，肉質色澤新鮮，油花分佈平均，切記不要過熟唷，愛牛人士必定喜歡最後用「蕃茄薯仔湯」煮菇，加埋之前既海鮮精華，特別鮮味。  埋單連加一只是$200多少少一位，同一般酒家飲食火鍋相若，但海鮮品質質素高，其他配料同樣OK，性價比高！大推！…查看更多

基隆街橫跨太子和深水埗，沒想到這條街開設了那麼多食肆，前晚同媽咪去完太子睇牙醫，順便食完晚飯才回家!!進去了一間西餐廳，大門差不多2米高，入面情調不錯的，眼見好幾檯客都是熟客仔^^因為近日我開始低醣飲食，所以我柯打一份肉眼扒，而媽媽就叫一份肉醬牛肝菌闊麵闊麵好像是綠色的菠菜麵，麵質的軟硬度適中，因為我跟媽媽都不喜歡吃太軟的質感唷!!!蕃茄醬的肉醬很好吃，沒有過酸或過甜重頭戲落在肉眼扒，嘗試三成熟medium rare很有質感的肉經過微烤，內裡半熟，落刀一切鬆軟Juicy，很有驚喜🥰…查看更多

現時食飯打卡屬閒事，你影我又影，作為小小KOL的我已經習慣機不離手啦^^今次又找到灣仔網紅Cafe，連平日灣仔返工的我都是第一次來，一天的閨蜜週六聚會就從Uluru開始~!!進入大門要上一條長樓梯，牆身有著不同壁畫黑與白的色調配襯如同美麗的畫冊，好適合大家打卡影相我們一早為今次的閏蜜下午茶聚做好功課，柯打了2 Set網紅必食的彩花之里‧溫室雨午茶，包有2款鹹點、7款甜品以及2杯飲品。松露芝士忌廉汁酥皮盒 (鹹點) : 鬆脆酥皮盒盛載著芝士雜菌和濃香黑松露，加上熔化的拉絲芝士，入口層次豐富；芝心火腿雞肉丸 (鹹點) : 外脆內軟的芝心丸，表層炸得甘香酥脆，內餡是熔漿軟芝士甜品部份更豐富，有7款精緻甜品，全部細細件夠的骰，愛甜品的你一定不會抗拒^^焦糖朱古力撻 : 濃郁的朱古力味，入口即溶熱情果奶凍 : 這是我最喜歡的甜品，帶酸味的熱情果醬遇上奶滑奶凍，兩者互相融合，有別於一般甜品的膩感，十分開胃藍莓千層蛋糕 : 顏色配搭很美，蛋糕襯慕士馬卡龍 : 小妹最鍾意食的馬卡龍，蛋白脆餅夾心餡，英式貴族Afternoon Tea享受朱古力 : 是Uluru自家製的松露朱古力，入口順滑香濃，兩小塊有點不夠!?迷你朱古力糖果溫室 : 玻璃瓶中裝有朱古力餅碎，面頭放小色彩小花，尤如一個小小擺設品Tea Set跟有2杯指定飲品:Rose Tea / Lavender Dream我要的是美美的瑰紅色玫瑰茶，茶香中帶淡淡花香這下午茶的供應是間從下午2時30開始至5時Hk$188/1位 或 HK$338/2位 (另加10%手續費)Uluru除了美味的下午茶外，還有無數打卡位，足以令你影夠半日，盡擺甫士，當日還有小妹充當小小攝影師為我們服務唷~太棒啦~!!…查看更多