肚腩男的個人專頁

近排香港天氣都奇奇怪怪，是日肚腩男與友人經過廣華街，又忽然傾盆大雨，咁岩見到呢間珍珠奶茶店但係又標榜自己係酒館，見佢新奇刺激就一於入去比一避雨飲番杯。通常珍珠奶茶都係買完之後要企喺條街飲，此小店竟然地方細細都放左十個八個座位，仲有bar枱位坐，下午四點都九成滿，唔知啲人係咪避雨，但直覺話俾我知呢間鋪頭應該係賣人情味。果然冇估錯，一名員工非常熱情推介飲品，最吸引到我目光嘅係佢cocktail Menu用唔同中國茶底去做cocktail係特別既，我哋最終經店員推薦試咗佢嘅招牌雲石火龍同埋酒香果究竟係乜家伙？原來雲石火龍係用茶底再加時興既奶蓋，配上紅火龍果，基酒係用上rum酒。賣相巳經可加分，飲落口感豐富，有香濃既奶蓋系面，加上新鮮火龍果酒，係有驚喜既！友人點既百香酒，顧名思義係用百香果調製而成，而佢嘅基酒係用上Bombay，用料充足啖啖果溶！飲落清新唯驚喜感不及火龍果個杯。有趣既係此店員工異常有善同健談，小店雖小但做到同客人互動，傾耐左原來相中人亦即是老闆，本身亦係一個專業攝影師！作品也放於店內成為藝術裝置。總結小店用心制作，因為此乃老闆嘅夢想，今時今日既香港就係需要有熱誠既鋪頭去真心真意接待每一個顧客！香港人加油！…查看更多

是晚肚腩男收工相約佳人去飲野，經過銅鑼灣一欄拉麵旁竟然見到系尖沙咀食開既臭臭鍋，一於入去食返少少野long下肚先可能時間尚早店內尚有空位唔使排隊，仲洗諗啲乜？坐低真係乜都唔好諗叫番杯台飲，佢個招牌奶茶少甜真係幾滑幾好飲！再黎睇吓餐牌，尖沙咀店小弟已經食過好幾次，見到佢餐牌放大左圖既9號餐，台妹店員都誠意推介既沙嗲牛肉鍋，一於試下佢先！坐坐下叫完野食忽然見到全場爆滿，等餐都等左一段時間，最好就係玩下個調味架混下醬先！好喇，沙茶鍋初嘗試，基本上佢配料同麻辣鍋差唔多，係一個大雜燴，材料豐富。哩個鍋既主打肉係牛肉，份量都好充足。佢個沙茶唔算好濃，不過好香，食落唔覺油膩！另外叫左個經典臭臭鍋小辣，洋溢住臭味同沙茶鍋成為有趣既對比，但係卻同樣地令人口水直流！配料上有少少唔同，用上台灣傳統嘅豬血糕，主打肉變左豬肉片，再滾住臭豆腐，其實哩個配搭真係好襯！跟餐還可以選擇配飯或粉絲，基本上一份餐係巳足夠填滿一名成年男子嘅肚，十分滿足！ 總結銅鑼灣8鍋新店相比起尖沙咀老店服務更貼心，食物水準亦係保持到一致性。晚餐價錢實惠係物超所值！小弟會較喜歡傳統經典臭臭鍋。一人一鍋自己滾自己唔洗爭，最重要食完行到出黎攬住個肚而身上啲衫係唔會有一浸打過邊爐既氣味先夠爽同有公徳心吖嘛…查看更多

做野咁辛苦，放假晨早起身喺張床度好crave for scone... 個陣係八點九，諗黎諗去半島文華啲hightea都要等多幾個鐘先有，竟然俾我發現呢間號稱前四季西餅師傅開既bakery 開八點！拿拿臨拉住枕邊人飛過灣仔。攝於上午9:30，你冇睇錯。心諗無理由吖香港蟻民一定無可能假日早起，無估錯原來此店巳成為遊客名物。肚腩男雖然最憎排隊，但係冇理由最終要走去KFC食scone 架？！最後一排就九個字。一入場就叫佢擺低杯咖啡，americano 雖然唔係主角，但係都做得唔錯。環顧在場人仕多數都係食all day有晒腸蛋，我地一心係黎食tea，而此店正是傳統歐式bakery, 所以决定專攻糕餅類別。Ham&cheese croissant, 第一款先試鹹點，新鮮出爐再幫你焗一焗，確保芝士溶合系牛角包中間，好香好脆！唯有少少焗過龍，不過都好好食！再叫左兩個plain scone, 配埋牛油果醬，質感實在唔鬆散，食落香口唔過甜，好食！Sour egg tart ，真係一絕，sour dough 配合返香港人怕過甜既口味，蛋醬濃滑而唔膩，最後encore 左多round叫埋Fruit danish 當做甜品，好幸福滿足！總結此店食品用心出色，可惜香港人太多，迫滿小店堂食位置，要靜靜吹下會有啲難度。價錢相當平民，服務都好友善！老實講可以極速幫我頂癮，如果唔洗排隊既話，俾多一倍價錢我願意决定下次八點正等佢開門！…查看更多

下午經過灣仔，一直都聽過呢間馳名嘅黑龍拉麵店，見唔使排隊就滿心歡喜衝着入閘。繼越南pho外小弟都幾熱衷於拉麵食店，但係預左喺香港食拉麵要抱住一個勇敢嘅心態去作唔同嘅嘗試。小店隔局就係一般拉麵店，店員安排左最近門口既位置俾我兩個，老實講，好熱。不過我黎既目的係食物質素，食店舒適度絕對唔expect 系香港既拉麵店揾到。所以點餐後我就滿心期待。叫咗兩個拉麵，分別係佢嘅基本野豚骨拉麵，同埋比較特別少見嘅牛筋Black 拉麵。好喇！上餐一刻，豚骨拉麵望落色澤濃郁。先呷一口湯，真係唔識點形容，佢根本唔係湯，係濃到似醬即汁。。。真係好鹹，根本無可能撈散個麵！拉麵既湯底係重中之重，如果你同我講係佢特色，sorry真係唔識欣賞。再睇佢兩塊刀功一流薄如紙既叉燒，dry dry地幾似風乾ham, 老實講真係無乜味覺既享受。最後，佢碗牛根麵小弟真係無興趣影埋落去，不過同行者話牛根幾淋幾入味的。總結，唔知係小弟孤陋寡聞唔識食，定係香港開拉麵係必贏方程式，我地食左一半起身埋單，九十蚊碗係香港正常拉麵價，問題係食物就似藝術哩啲野，黑龍係令我幾失望。…查看更多

今日落雨濕濕做嘢行過荃灣路德圍，同行人士話肚餓就入閘試下佢見佢menu都幾多選擇，係正常冰室提供到嘅食物，心諗其實都唔太肚餓，要試就試下散嗌佢啲小食，又可以share下入到去人唔算多姐姐仲安排左個卡位俾我兩個叫左佢隻招牌瑞士雞髀，上到台就知係好野，色澤均勻，肥美大隻。切落真係啖啖肉仲要係juicy, 咬落香甜又唔腥，其實好想encore ！每間冰室都有佢嘅必殺技，睇嚟呢間冰室係專注於焗肉醬類別。試咗三款肉醬系列，個人推介佢個熱狗，時間拿捏得岩岩好，做到皮脆juicy ,唯佢肉醬對於食開清淡既朋友會覺得比較濃味總結此店系荃灣平民價錢係值得做日常飯堂既，佢個雞脾值得回味！…查看更多

又係夏日熱辣辣下午茶食碗清新既pho就最好不過。Brass spoon 應該都算係近年pho界名物，年年keep住米芝連推介，小店位於鬧市小山坡上既一個小社區，十分適合假日行下享受下懶洋洋嘅下午。對上一次幫襯都有一年幾前，今次放假黎到灣仔月街經過一定要再入去食返碗先！下晝三點幾人流都唔算多，唔洗排隊就最爽不過。店內乾淨企理，每個位巳擺好佢set招牌Brass spoon等您埋位。叫左個生牛肉河，湯底非常清澈，入口就知係無化學添加真材實料熬製既成品，非常鮮味。用上既河粉質地十分煙靭彈牙，掛上牛肉湯再滑住索入口既感覺係爽皮既！用上高質生牛肉，厚薄同肥瘦適中，肉味香濃，份量都十分充足。總結此店以$90一碗pho黎講，價錢係中上既，但配合埋食物質素同店內環境，絕對物有所值，仲有機會上癮架，一個字形容: 好食…查看更多

夏日熱辣辣好熱好熱，但係都無阻肚腩男同知音烈日當空去到香車街街市整返個米線。其實老闆娘米線為荃灣區名店，雖然位於衛生程度堪稱惡劣嘅舊街市二樓，但係嗰日佢都會排長龍。小弟並非第一日幫襯此店，要講下哩度食野既規矩。去到門口首要留意開門時間，因為係彈性上班制的，睇你彩數。講底人數之後店員就會安排你一個特定嘅排隊凳仔，再分發落單紙，請在左上方寫底你想佢今日點嗌你，大約係30度高溫底下等10至15分鐘，你就會有機會入閘。入閘前請自行開雪櫃取飲品。入到間房仔會被安排同搭枱既人有親密既接觸，此時亦都會賞賜你享用超凍既冷氣。佢既米線係即叫即煮既，大約等十五分鐘就可正式品嚐。是日肚腩男叫左麻酸中辣金錢肚燒豬頸肉，等左十幾分鐘就會嗌名俾你。碗麵目測色調豐富，湯底有大量肉碎，濃厚得黎配上大量香料。佢食材用料亦係唔錯既。食過幾次，小弟都覺得佢味道略為偏鹹。價錢方面，佢算係中價米線，兩餸連野飲都60, 不過份量十分充足。總結佢如果你想去朝拜，就要有去澳牛食光速餐嘅心理準備。…查看更多

肚腩男極度喜愛試新野，是日經過黃埔區，又見到開咗間新嘅食店，口痕即刻入去試下先！小店雖小，但係乾淨企理，最開心係有自家醃酸蘿蔔任你添加，好開胃！叫左兩款麵，佢都係師傅手渣住舊麵團即場用刀削既，口感十分煙un彈牙！上圖柱侯牛根腩湯麵，麵和餸分開上，按你自己喜好加入去。牛腩十分淋滑入味，份量尚算足夠，但是說好的牛筋呢？好似無影。再試下哩味黑椒牛肉炒刀削麵，聽落個名新奇刺激，出到黎咁似乾炒牛河刀削麵版既？都幾搞笑有創意！鑊氣十足，不過小弟覺得刀削麵攞黎炒有啲偏硬身，同埋本身麵種唔會入味，所以出到黎個效果麻麻。都係未能完勝乾炒牛河。總結此小店性價比十分高，味道都幾好，值得一讚呀姐都好親切！希望keep住質素！話晒黃埔區係汰弱留強既兵爭之地 ，加油呀！…查看更多

城中新酒店，標榜豪華裝修，盡顯藝術感嘅設計，是晚肚腩男出動一行四人試下此近期話題性餐廳彤福軒！訂座十分爆滿，安排了我們一行四人八點半先入場，不過入到裡面就會俾佢個無敵大海影馴服。其實老實講順徳菜食材唔算矜貴，點解可以上得大場面呢？聽講佢仲係廣東菜既鼻祖咁話，今日就等我試試待應服務一流，絕對達到高檔酒店標準，積極推薦此店出名菜式。第一味係侍應推薦嘅酥香牛肉粒，雖然唔明同順徳菜有乜關係，不過當佢前菜咁食啦。食落帶微辣，肉質不算上等，應該係好普通級別既牛肉爆香。我覺得只適合用來送酒。再來前菜冷盤醉紅茄，雪左既番茄仔浸住啲酒，都係諗唔到同順德有乜關係。。。哩味就係順徳菜啦！拆魚羹。用料豐富，魚味十足，不過每位計220$,值唔值就見人見智。再黎都係聲稱呢度嘅名物大宅門富貴魚球，聽落個名就好勁，點知原來係三粒魚蛋用上鮮南瓜汁配襯。老實講，食落口感淋身有啲怪，仲要唔係好夠熱。哩個又係佢聲稱嘅名物，焗魚嘴。炸過係香口既，不過食落完全係骨，味道偏鹹，我地各人都對此較失望。呢個嫩雞手拉麵。相信並非順徳菜，不過係師傅即場手拉，味道清淡卻份量細少。反而誠意推介上圖上方的炒米粉，相信並唔係順德菜，但係鑊氣十足，夠晒乾身惹味。估唔到佢係全晚驚喜總結肚腩男和各人都對此店食物係失望既，價錢係上等，可惜食物未能達到應有標準。值得一讚係環境同服務一流。…查看更多

今日肚腩男忽發其想想食印度野，俾我搵到間國際連鎖印度餐廳，咁就一於去試吓啦！入到去係同重慶大廈兩個感覺，呢度地方寬敞，光線亮麗，有別於食印度野餐廳暗暗嘅感覺最重要嘅水源竟然係樽裝水保證飲完唔會肚屙Chicken 65, 印度炸雞，呢個係驚喜，因為係傳統感覺上印度炸雞係會超乾身，此店嘅炸雞係非常新鮮同juicy Butter chicken masala香料十足做得非常精緻，本人覺得配埋下面嘅羊肉飯簡直一絕Naan就係印度野必食嘅，用嚟配搭上面個萬能masala就perfectMutton羊肉biriyani, 其實係一個印度嘅香料飯，配料十足，羊肉可以帶出個飯嘅香味，可惜煮得有少少唔夠乾身，所以小弟覺得配埋上面個masala就會升華咗整個飯喇總結其實此店員工非常有禮貌，場地非常光鮮乾淨，價錢亦都10分公道，適合良朋知己一齊聚聚！…查看更多

慈雲山毓華里出名食肆雲集，其實又唔係間間好味，肚腩男就一直鐘情哩間車仔麵兩三碗。話說小弟幾年前見證住佢開張，已經覺得小店超越香港某啲名氣車仔麵，食到今日，小店仍然能保持一貫水準，令人10分感動！今日就選擇左五點幾黃昏時間，襯人少少唔洗排隊，即刻整返碗攝下牙罅先！平民大眾化既價錢，傳統車仔麵既情懷今次麵就叫左兩碗，其中會真心推介佢幾樣餸，每次必食招牌豬頸肉，食左返唔到轉頭五香牛根，煮得淰滑入味墨魚頭，大大件有𡁻頭湯底小弟就食開辣汁加腩汁多葱，加多兩匙辣油就perfect 啦總結係要飲埋佢杯鹹檸七，保證你會好開心咁行返出來！…查看更多

呢篇食評俾咗個負皮，其中大部份係關於個雪糕嘅，餘下嗰部份係關於麥當勞排隊處理安排。是日肚腩男行街經過見到途人揸住個藍色雪糕，就一於試下新野啦。首先排隊已經10幾人，買完呀姐就會叫你入去嘆住冷氣等。點知入到去塞滿20幾人個個揸住張飛好似輪街症咁樣樣等雪糕。等唔係問題，可惜佢唔係叫Number嘅。佢個方法去排隊再比張飛仔雪糕姐姐為你即場煉製，所以避免唔到插隊嘅人同您爭雪糕。等左10幾分鐘，好似去街市咁迫返出嚟，終於有機會品嚐藍色雪糕啦。一奶落去就知奶野，鹹味同甜味撞埋一齊根本就係唔夾！感覺就係好似食咗一口即溶嘅鹽係口，甜味焗住爆唔到出黎，越食越鹹食左三啖好唔容易搵到垃圾桶，諗都唔諗黎手揼咗佢。總結唔係樣樣味係可以夾埋，個人感想哩個期間限定真係伏野…查看更多

是晚，肚腩一行四人嚟到iSquare打個邊爐。閒日夜晚此店唔算多人，我哋被安排坐到窗邊卡座。眺望維多利亞港夜景，欣賞住幻彩詠香江fing噹噹，真係賞心樂事。我哋叫咗個養生花膠雞湯底，侍應會係你面前幫你煮個湯底。等待湯底嘅時間，就食左個象拔蚌刺身，坦白講，呢個象拔蚌刺身係我近年食過最高質嘅一個。新鮮就不在話下，佢係夠晒大條，師傅刀工亦都非常好，切到厚度剛剛好，夠晒咬口，個種鮮甜系口腔爆發出黎真係會停唔到。旁邊啡色嘅膽同內臟，店員會主動提出幫你熟食處理，我哋選擇咗椒鹽炸。二食的確係唔錯！雖然系桶蠔，佢係大隻過你手板，亦都洗得非常乾淨叫嘅嘢唔多，叫左肥牛，手打丸類，雲吞同蔬菜籃，樣樣都好有份量有質素。我發覺食好嘢可能比較專心嘅關係，通常都唔會影太多相講多少少會推薦佢個雲吞，半隻手掌咁大，我估裏面有大約六至八隻鮮蝦！分量十足總結此店價位中上，無開酒嘅情況下人頭都要四位數，不過絕對物有所值…查看更多

是日午後肚腩男約左一男子食個tea, 行到深水埗嘉頓後面既九江街斜路盡頭竟然有間咖啡店小店用左木材裝潢，感覺乾淨俐落，得三張卡坐，可惜已經坐滿人。唯有坐中堂位置嘅圓枱仔。見到牆上貼住咖啡比賽嘅海報，心諗此處對咖啡都應該有啲要求卦平時飲開espresso既肚腩男最近愛上手沖咖啡，皆因公司坐左位對咖啡十分有要求既同事，訓練到小弟嘴都刁晒，見到此店有pour over, 即刻叫左杯試試呢度咖啡師都好有心機，循例有幾款咖啡豆俾你選擇，個人鍾意飲偏酸果味重啲既口味，師傅就推介左其中一款雲南豆俾我咁當我坐低嗰陣，師傅磨完豆仲行埋黎俾我聞下，目測豆量偏少，20gram都唔知有無，吖但係出到黎又色水好深喎！友人坐對面就話聞到好香，但係我一索落去同其望有出入，可能個Rock杯仔帶唔出陣味卦。個人覺得有啲中伏，佢既手沖似gimmick野多過認真野... 可能飲返機調玩拉花會穩陣啲。食物就叫咗個burrito, 本來想要雞肉佢話冇晒，就要咗個豬頸肉。老老實實，材料係夠重多，不過撈埋一齊又唔覺得好食。旁邊佢配左啲nacho chips, 又無salsa 焗住乾啃總結此店俾我感覺係適合打下咭影下相，夠乾淨企理…查看更多

有別傳統中菜酒樓熱鬧光猛，南海一號位於isquare 頂樓兩層坐擁維港海景，樓底超高，枱同枱有適當嘅距離畀返私人空間客人，侍應態度都專業有禮。今晚肚腩男就試左佢個四人套餐前菜賣相精緻，小蔥伴子雞微辣，食落香濃滑嫩。脆芋絲新鮮香脆唔會油膩感覺哩個大蝦用左馬拉金榜醬煮，更似西式做法，佢無呃你，大蝦真心大隻有膏，香煎得岩岩好，醬汁惹味，所以會配埋小饅頭俾你食得乾乾淨淨以下主菜銀雪魚就麻麻哋，佢用炸嘅方法更似油浸，個人唔太喜歡哩個煮法，寧願佢簡簡單單香煎仲好龍蝦湯泡飯，用煲仔上菜，哩個就真係驚喜喇，湯底香濃鮮甜，材料足足，米糠同泡飯粒粒分明小弟見到有一人海景枱食客單點哩味，食得津津有味，享受一個人既浪漫食埋個糖水真係滿足十分南海一號哩個套餐小弟覺得絕對物有所值！…查看更多