lamlamlei612的个人专页

呢一間《強記小食》係葵芳存在左肯定都有10年以上因為細細個係葵青區讀書放學返屋企前都會同一班同學拮返一串魚旦先走今日再經過食係非常之有童年回憶！黎到唔使講野一定係整返一串陳皮魚旦！一串唔夠 食完再整強一串！我比較鍾意食辣味的。魚旦一咬呢外皮煙煙韌韌幾有咬口！食落有一種微微的甜味跟著就到辛辣的味道出場非常醒神 又唔會太辣 搞到冇晒味覺魚旦咬開之後仲有一浸陳皮的香！陳皮魚旦 本身唔太常見烹調到咁出色的更加買少見少！正！…查看更多

同朋友出完街準備上佢屋企睇波咁就喺樓下附近覓食睇吓有咩好西可以JapJapJap去朋友屋企一定係聽地膽介紹有咩好食㗎今次就食 《德利酸菜魚》老實講 價錢幾親民 同時質素都唔錯口水雞米線 一個餐有主食配個米線口水雞 係雞髀位🍗雞肉嫩滑 同埋個汁酸酸辣辣 好香好惹味估唔到晚市 HK$55 可以有咁既質素！好食！麻辣豬手底味個汁都同口水雞接近酸酸辣辣 好香好惹味豬手好多肉又爽口唔似坊間有D成舊骨咁喜出望外！胡麻茄子🍆簡直係好似漆黑中嘅螢火蟲咁出色！餐廳用白茄子 切粒上炸粉除左個皮，成粒茄子都上晒炸粉 外皮炸得金黃香脆入面茄子肉多水嬌嫩必定要推介！酸菜魚米線正常發揮！魚肉滑身 酸酸辣辣咁但魚肉量偏少但都唔錯！…查看更多

早幾日係網上睇到有推介餐廳位置非常之近公司所以喺下一個工作日中午嘅時間就一定嚟試一試 《食口福》餐廳除左 門面同內部設計都非常懷舊而且落單方式都係食客係門口落單後 有一張手寫飛食客自行交到廚房 後等出餐係十分懷舊的運作流程黎今次為主要係食炸雞髀首先炸雞髀非常大隻而且厚肉估計都係先整熟一部份收到訂單是再炸香外皮雞髀外皮香脆 內裡雞肉嬌嫩即使好好好厚肉但最深入的肉 依然嫩滑沒有overcook 雞髀上碟用最簡單嘅淮鹽調味已經好出色！另外再落咗一個肉絲炒麵因為我好鍾意呢種脆脆嘅炒麵見一個要食一個雙層肉絲銀牙係正常發揮麵底炸得非常之脆餐廳好細心知道炸麵炸完之後會成舊捆綁埋一舊特登用鉸剪喺中間剪咗幾刀夾起嘅時候容易分散容易夾非常好👍🏻…查看更多

今日朋友帶我去西營盤嗰度探索一下特色嘅咖啡店順便去 chill 一 chill 先😎門口可以停車，都算係方便入到咖啡室裝修 / 環境/ 音樂 都令我覺得舒服！朋友特登推介一杯 hashtag coffee係呢間舖頭嘅特色咖啡亦都得獎無數！咖啡係由Espresso/ 檸檬汁再加Tonic water 而成上咖啡之前店員會再燒一燒個檸檬令到佢檸檬香味更加突出視覺效果上亦都唔錯！第一啖飲落去口腔充滿非常之清新嘅檸檬味有一種微酸的檸檬果接着落嚟咖啡嘅味道就到咖啡味唔會太濃同檸檬香非常之配合Tonic water 亦都提供好好嘅口感同平時坊間咖啡十分不同非常之有特色！特別得來係好好飲！咖啡好飲環境舒服非常適合同朋友嚟傾偈或者拎部Notebook過嚟做嘢嘅好地方正！…查看更多

啱啱今日嚟到筲箕灣同朋友食嘢朋友就介紹我去食蕃茄焗豬扒飯咁食完之後，我介紹返佢去隔離搵一間《印尼沙嗲屋》食沙嗲串燒互相分享一下好西每一次都想食下啲沙嗲豬扒飯牛扒飯咁樣好想試吓佢個沙嗲醬配攞飯底會係咩效果？但係嚟到次次都想試多幾種唔同嘅串燒所以都冇機會試吓個飯底因為怕太飽食唔到其他嘢今日叫咗牛扒 / 豬頸肉/ 牛舌 輕食一下炭燒牛舌喺舖頭門口基本上你都見到佢用炭火燒串燒牛舌係充滿炭香味牛味都好濃厚配上佢哋沙嗲汁係好惹味！每次到筲箕灣都係必食推介！牛扒牛扒燒到外皮係焦香脆口食落水份並沒有流失肉質軟嫩牛扒係都好好食！豬頸肉豬頸肉脂肪比較多燒出嚟有一種油脂香食落口感爽口 配搭上沙嗲惹味係完美嘅配合！可以不停咁樣瘋狂吸入正！好食！…查看更多

朋友知道我好鍾意食蕃茄焗豬扒飯就趁住今日放假特登帶我過嚟非常之有我心，而且冇失望呀！好食！呢一個茄汁焗豬扒飯係我食過最好食嘅三甲之一炒飯飯底做得唔錯炒飯炒得粒粒分明，但係唔係太油食落個飯底有口感有蛋香！厚切豬扒夠厚身醃得好好食夠味道豬扒食落去軟嫩彈牙，唔會乾身鞋口個茄汁都做得好好酸甜味道拿捏得好好，而且唔會過甜過鹹濃稠程度亦都係恰好整體配搭係好均衡好好👍🏻因為個平衡一做得唔好飯太多汁太少就唔好食豬扒太薄太鞋又唔好食呢一個焗豬扒飯係非常之好食一定會為佢再嚟食過炸雞髀配金鏄多士呢一個下午茶相比焗豬扒飯係相對失色㗎雞髀冇乜點醃過就點一點咖喱汁做個底味 再炸金磚多士 唔夠花生醬外皮唔夠蛋漿 所以炸起身唔夠脆身麻麻哋但係個焗豬扒飯已經超出預期完全彌補到另一樣嘢嘅失色整體都非常之滿意期待下次再途經筲箕灣一定再食個焗豬扒飯！…查看更多

承上一篇食評今日係因為工作關係黎到長洲一定要寓工作於娛樂食完晚飯，但又未夠鐘上船喺碼頭附近行吓行吓飲埋杯咖啡作完美結束喇！店員係非常之細心幫我落單前溫馨提示問我：有冇15分鐘呀？可能好多遊客都會趕船而製作一杯咖啡連埋享用可能都要15分鐘所以店員落單前都會細心問定有冇足夠時間？？如果有就嚟啦費事落左單遲出菜又要要趕船，就會心急如焚店員細心，值得一讚！餐廳環境非常Chill 咖啡亦都非常之好十分喜出望外！今次叫咗一杯《椰皇冰滴咖啡》非常之好飲！之前飲過其他椰子類咖啡其實係非常之高風險因為椰皇嘅甜度 係會有唔同再配落咖啡度配搭得唔好就會又酸又苦但係一杯非常之好飲一入口就感到椰皇的香味同清甜跟著清香嘅咖啡味就到達味蕾椰皇同埋咖啡配合得非常好！強！如果再嚟長洲，一定會再飲！…查看更多

承上一篇食評今日係因為工作關係黎到長洲完成工作後 就食埋晚餐先離開長洲啦上網有推介過 呢一間餐廳 《餃子冰室》到達餐廳時間大概5點半左右 未到6點餐廳人流唔算多入座後發覺餐廳每張枱都至少有一部風扇幾細心！因為真係有少少熱風扇柔和風速啱啱好非常可以幫助降溫！店員坐低後即刻溫馨提示店內所有餃子都售罄，只餘3款餃子天呀！我特登黎食 鹹蛋黃黃金餃冇得食！喺剩低嗰三款餃子 我都選擇左兩款黎食土匪餃子《餃子冰室》的餃子唔係煎餃係用一種半煎炸嘅手法去做餃子皮比坊間餃子店厚少少如果餃子皮太薄再用半煎炸去做出品可能會太硬呢一種餃子皮半煎炸口都幾鬆脆入口餡料幾多汁有一陣陣嘅孜然味係有少少土匪雞翼feel成個口感同埋味道有一種喺九龍城食緊牛肉餅嘅感覺可以既！印第安餃我未去過印第安所以都唔知印第安係咩味我會形容係辣味嘅餃子外皮都係用半煎炸嘅做法，幾鬆化嘅餡料多汁到一咬爆曬出嚟肉汁直接射落張枱度建議食用時，唔好太大力咬辣味都算係惹味嘅總體係唔同坊間嘅餃子有新鮮感！竹蔗茅根甘筍沙冰食完比較濃味嘅餃子就叫一杯沙冰作結平時都係食啲生果味嘅沙冰今次見到有涼茶類別嘅沙冰係好有驚喜！竹蔗茅根非常之清甜甘筍又非常之淋 岩我口味感覺好消暑下火解渴！而且我冰沙做得好棉滑唔會話有好大顆粒的冰塊仲剩低一大啖啜落去，個頭都冇痛既正！…查看更多

承上一篇食評今日係因為工作關係黎到長洲一定要寓工作於娛樂橫點入到黎 點都周圍食下好西咁上網搜尋一下呢一間 《長洲角酪》都好似有少少出名咁就要黎試一試！黎到門口 係非常之多人！等左都有成 20 分鐘出品程序 同 時間都有待提升莓莓角酪用士多啤梨 薄片貼於杯邊主體係乳酪同 攪拌後的士多啤梨乳酪味正常 唔會好酸好難入口味道亦唔會好甜直頭唔太甜 唔會好似廢水咁死甜感覺幾清新健康士多啤梨味唔夠重一啖飲落去 85% 乳酪味 15%士多啤梨味如果可以再增強一點士多啤梨甜味同香味就好了…查看更多

難得因工作關係要入黎長洲一定就 寓工作於娛樂完成工作就周圍食下好西JapJapJap ! 完成左第一站午餐 《火車頭米線》馬不停蹄 即係稍移玉步去拮一拮 長洲大魚蛋雖然之前都有食過既但去到長洲唔拮一串又好似爭咁D野咁！雖然長洲有好多間都有賣大魚蛋但我覺得《甘永泰》係比較好食的長洲大魚蛋 已經演變到有好多唔同味道有咖喱呀 辣味呀但我始終最鍾意食 原味！原味 最能食到食材本物身味道！原味 大魚蛋魚蛋爽口彈牙都有魚味既 食完口腔都有魚蛋餘香魚蛋外表比較多油兩粒最盡 食得仲多會感油膩…查看更多

早幾日接到有工作需要入長洲難得入長洲決定開始前一於去長洲食個好西食飽再開始工作咁上網做下資料蒐集之後中午係想試下呢一間米線《火車頭》大約一點鐘到達長洲碼頭落船行左幾分鐘就到始終長洲都唔係大中午食飯時間餐廳入座率高達100% Full House ! 咁等左20分鐘左右入座如果唔想等 可以用QR Code 落定單但只限外賣！餐廳 主打三種湯底有 酸辣 / 蕃茄 / 海蜆紫菜湯三種都好想試 非常掙扎最後都係按自己最喜愛口味 試一試就係 酸辣！食物質素算係唔錯！酸辣味道唔算太濃烈米線正常發揮令人驚喜真係舊 豬軟骨！豬軟骨有2 大舊非常厚肉 同時 好軟嫩 唔鞋口脂肪同軟骨 煮到好淋 入口即融咁條脷頂都唔使頂！得！墨魚春卷 普普通通比較多粉 蝦仔雞翼主體係炸雞翼 再加上 櫻花蝦同芝麻醬雞翼炸得脆 同 有汁，唔會太乾太柴櫻花蝦仔都脆脆地 增加口感可以的！…查看更多

今日同朋友黎到深水埗區冇太多時間去食野選擇餐廳最緊要快上菜快 快食快走！朋友選址 《新香園》坐低望到Menu 基本上唔會太疑惑都係例牌叫比較有名的食物蛋牛治 烘底麵包烘底後都算脆既牛肉切粒夾雜係滑蛋入面都算夾既牛肉正常發揮整個蛋牛治係中上但唔算係好驚喜個種。豬潤雲吞麵雲吞有少許失望 Size 細粒 餡料真係唔算多味道中規中矩豬膶份量較多味道都係普通有少少豬臭味麻麻地豬潤黎講係有更好的選擇個湯同麵都冇味要靠辣椒油吊味否則會好寡豬膶牛肉麵豬潤大概同我個碗接近的牛肉片較豬潤為好軟淋但肉味欠奉…查看更多

今日同朋友去尖沙咀K11 行街原因係因為有著數呀！K11 Musea 商場有一個App 朋友 refer 新登記可以有 100分最西利係個100分係商場入面 某D餐廳可以當100蚊用即係有免費 $100 可以做優惠！朋友就選擇左《Chatterbox Cafe》因為呢一間餐廳出名食 海南雞飯但價格又稍稍偏高用App 入面個分 抵消部分錢都幾正！文華海南雞飯同朋友都係一樣食海南雞飯海南雞質素係唔錯雞胸部分都依然係滑溜保留到有肉汁油飯都有正常發揮醬料同坊間都幾唔同 好突出辣椒個汁 係好香辣椒味但唔太辣整體係好唔錯！扣埋 100分做100蚊埋單只需 23蚊簡直係超值！Juicy !…查看更多

平時好少過海同朋友過海去柴灣我就當旅行朋友有好多間柴灣必食推介《新桂香》就成為我頭一站專登冇食中午飯留返個肚仔特登嚟食叉燒既嚟到《新桂香》門口嘩！已經有長長既人龍排緊隊我只能夠加入其中食客們主要都係買叉燒我同朋友各買一個飯盒叉燒燒肉飯我特登叫師傅斬 半肥瘦叉燒因為我最鍾意食就係半肥瘦嘅叉燒瘦叉 - 我覺得肉質太實 太乾 太柴肥叉 - 成舊肥膏太油膩 食左又驚爆血管半肥瘦 - 肉質會軟嫩滑溜有彈性 同時又有油脂香最正！叉燒 半肥瘦 一流！燒到有燶邊 軟淋得黎有少少脆的口感甜度 味度都適中 唔怕食鹹食甜好正！燒肉燒肉我最鍾意食皮皮薄又好脆不過咁岩我個舊部位有少少鞋但都可以接受燒排骨主體味道同叉燒接近因為都係同同一個醬去醃製燒排骨嗰舊骨係軟骨嚟並唔係硬骨食落去有少少口感好似食緊雞軟骨咁肉質都好淋 味道都好好燒排骨都唔錯！飯底叉燒飯除咗叉燒飯底本身都好重要‼️飯底煮得好好粒粒分明飽滿軟硬適中有口感又唔會太硬加少少薑蔥食簡直係一流！正！…查看更多

本身好少過海何況係柴灣呢咁今日就約咗朋友去柴灣旅行🧳啦朋友都推介左幾間美食俾我但係真係都食唔晒咁多間其中一間就係呢間《BB雞蛋仔》我本身非常之鍾意食雞蛋仔同夾餅基本上見一個我就要食一個所以我食過好多間都有少少要求今次叫咗個 海鹽焦糖曲奇雪糕夾餅雪糕份量係岀乎意料之外咁非常之多多到食完懷疑會心臟病發咁多真係好震驚！雪糕就係正常嘅海鹽焦糖曲奇雪糕啦唔需要特別介紹夾餅唔算太厚身但係都非常之脆脆的程度啱啱好並非好硬嘅脆 脆到會界損口脆得黎 入面又幾軟熟外脆內軟的對比做得唔錯！店員落單嘅時候都有細心留意我會同朋友會share嚟食主動問使唔使 將夾餅分開一半服務好好又細心要讚一讚！…查看更多