今日係因為工作關係黎到長洲
一定要寓工作於娛樂
食完晚飯，但又未夠鐘上船
喺碼頭附近行吓行吓
飲埋杯咖啡作完美結束喇！
店員係非常之細心
幫我落單前溫馨提示問我：有冇15分鐘呀？
可能好多遊客都會趕船
而製作一杯咖啡
連埋享用可能都要15分鐘
所以店員落單前都會細心問定
有冇足夠時間？？
如果有就嚟啦
費事落左單遲出菜
又要要趕船，就會心急如焚
店員細心，值得一讚！
餐廳環境非常Chill
咖啡亦都非常之好
十分喜出望外！
今次叫咗一杯《椰皇冰滴咖啡》
非常之好飲！
之前飲過其他椰子類咖啡
其實係非常之高風險
因為椰皇嘅甜度 係會有唔同
再配落咖啡度
配搭得唔好就會又酸又苦
但係一杯非常之好飲
一入口就感到椰皇的香味同清甜
跟著清香嘅咖啡味就到達味蕾
椰皇同埋咖啡配合得非常好！
強！
如果再嚟長洲，一定會再飲！
2
