就趁住今日放假
特登帶我過嚟
非常之有我心，而且冇失望呀！
好食！
1
呢一個茄汁焗豬扒飯
係我食過最好食嘅三甲之一
炒飯飯底做得唔錯
炒飯炒得粒粒分明，但係唔係太油
食落個飯底有口感有蛋香！
厚切豬扒夠厚身
醃得好好食夠味道
豬扒食落去軟嫩彈牙，唔會乾身鞋口
個茄汁都做得好好
酸甜味道拿捏得好好，而且唔會過甜過鹹
濃稠程度亦都係恰好
整體配搭係好均衡好好👍🏻
因為個平衡一做得唔好
飯太多汁太少就唔好食
豬扒太薄太鞋又唔好食
呢一個焗豬扒飯係非常之好食
一定會為佢再嚟食過
炸雞髀配金鏄多士
呢一個下午茶相比焗豬扒飯係相對失色㗎
雞髀冇乜點醃過
就點一點咖喱汁做個底味 再炸
金磚多士 唔夠花生醬
外皮唔夠蛋漿 所以炸起身唔夠脆身
麻麻哋
但係個焗豬扒飯已經超出預期
完全彌補到另一樣嘢嘅失色
整體都非常之滿意
期待下次再途經筲箕灣
一定再食個焗豬扒飯！
2
