missfish1st的个人专页

呢間新餐廳開業幾星期, 終於有機會一試！星期五和同事 happy friday happy lunch, 今次她們選了這間新餐廳, 原來是其中數位已曾經光顧, 所以推介作為我們的 happy friday lunch！甫到埗, 見門口已聚集了一堆人, 立即九秒九攞籌先！看這兒的裝潢, 還以為是走懷舊港式茶餐廳路線, 誰不知今次到來改了餐牌, 增添了更多選擇, 菜式和價錢亦調高了級數！我們一行三人也被餐牌中的「醋飯卷」吸引, 決定點海老醋飯卷和帶子蘋果醋飯卷餐一試！是日人多, 幸好來了三人, 搭我們檯六人獲安排了一張大長檯才不用久等。召來一位侍應準備落單, 正奇怪為何他不斷重覆點菜內容之際, 有同事發現原來他掛了個牌表示他是聽障人士, 怪不得啦！見他彬彬有禮又笑容滿面的, 我們也不介意說慢一點。上菜了, 今次由另一位貌似韓國人的端上菜來。這餐廳真特別, 甚麼種類的侍應都有, 這促使我特別留意牆上展示的一幅海報, 相信這是一間社企餐廳吧~ 不過... 都不是每位也像那位聽障侍應那樣熱誠和殷勤吧, 當中也有「十問九唔應」的！說回食物吧！先來餐湯, 無得揀, 只有洋蔥湯。我向來不愛喝, 可是試了一口發現這湯完全沒有洋蔥的辛辣草青味, 可以接受喎~ 至於餐包, 看上去已見甚多香草, 咬一口幾種香草的味道一同在口內爆發, 而且麵包本身質地鬆軟濕潤, 相信是自家用心鮮製的！主菜來了！原來「醋飯卷」即是壽司！把當中的材料充當食物名稱確實非凡, 我們反而「估你唔到」！同事的海老壽司先來, 簡直漂亮得令人眼前一亮！好吸引呢！六件壽司大大件, 吃下去牛油果吊出了蝦的鮮甜, 正！到我和同事的帶子蘋果醋壽司上檯, 簡直驚喜一浪接一浪！六件帶子壽司均厚切上場！食落口感覺是原隻鮮帶子開邊舖上太卷上, 女孩子一口吃不下一件壽司, 因為只是上面件帶子已塞滿整個口腔！好鮮甜呀！完全沒有雪味, 鮮嫩多汁富彈性！好 rich 呀！不過... 同事不喜歡太卷內選用芝士, 認為太「漏」了~ 不過, 我喜歡喎！吃罷, 飽飽了, 雖然甜品吸引, 跟餐也只須加 $8, 不過還是留待下次再嚐吧！而且... 七十多元一個 lunch 也實在不平呢 …查看更多

早幾日同事約今天 happy Friday 一齊食 lunch, 推介尖東新開張的陶源, 開在地庫, 若非她通知真的不知道！其實我早已光顧過上環店, 記得那兒的食物質素 OK 的, 新分店就真的要試過才知。一乘電梯到陶源門口, 數名侍應殷切招待, 真的未試過呢~ 步進酒家大堂, 那兒很光猛, 裝修是高級中菜的格局, 座位陳設舒適寬敞, 適合商務午餐或三五知己閒談。食物方面與其他分店差不多, 不過價錢較其他分店略為高一點。上菜速度算快, 以新店論是意料之外, 不過食物不夠熱, 不知是否因為新酒家未有足夠客人食物在廚房內呆放了一段時間的關係, 希望遲d會有改善啦~估不到那兒還有西點(甜品)餐牌, 三、四十元一人份量的甜品看來很精緻, 不過我們今次沒點, 遲些找機會再試！付款找續方面要留神一點, 現金付款要小心點算！總評：不過不失, 新酒家還有調適改進的地方, 有待觀察。…查看更多

在 openrice 見雅苑一向好評, 充滿期待的 book 了這兒食我的 birthday lunch, 點知一入場即被安排到熱盆前的座位, 好熱好大油煙, 即時要求調位, 帶位的問我想坐邊度, 我告知想坐鋼琴那邊, 點知佢竟然安排我們坐門口, 一個因為地勢低根本看不到鋼琴的座位。好唔開心, 後來才知原來 d 位係留返俾國內自遊行團體！老公唔想再調好似玩0野咁, 唯有照坐。好啦, 算啦, 總好過與那些嘈喧巴閉的自遊行坐埋一齊(唔係偏見, 原本安排我們坐的corner 真係好嘈)。好啦, 去攞0野食, 煙三文魚玫瑰好多, 仲不停 refill, 唔錯。再行一轉, lunch buffet 食物款式真係唔多, 而且只係 d 普通貨色：燒粟米、燒南瓜(算係比較好食)、 西冷都幾「鞋」、魚柳及豬扒配他他汁就唔錯(賣相和味道都 ok)魚生方面：溫度適中, 三文魚多筋師傅又未切開晒就成串咁上碟、八爪魚幾彈牙、魚立 魚竟然係刺生中最好味的, 有魚味及鮮甜。由於是 lunch buffet 關係, 無生蠔, 不過有蟹腳, 都算大隻, 不過老公食完無咩評語, 即係普普通通無咩特別啦~食完冷盆和主菜, birthday cakes time 開始！好多款蛋糕呀！不過大部份放在凍櫃內, 無得自己夾。(I’m cheesecake lover) 先叫了 blueberry cheesecake, American cheesecake (唔夠濃唔夠滑,好可惜), Tirumisu (好重油味, 正！咖啡味濃, 好傳統的味道), chocolate roll (最好食！外層是麻薯, 內層包著朱古力漿和薄脆, 一軟一硬融合在一起口感豐富, 非常出色), 核桃撻… 個待應好唔專心, 又好似好趕咁, 俾漏左 American cheesecake, d cakes 又東倒西歪, 件 blueberry cheesecake 仲瞓低左。我夾完櫃面的 apple pie (好淡,唔好味) 後再向他重提要American cheesecake, 佢夾完俾我之後我想拿夾扶返正件 blueberry, 佢又唔俾, 問我做咩, 跟住仲 jip 我, 好粗暴咁夾我件 blueberry 夾到爛晒, 唯有夾過另一件俾我, 機乎是把那 blueberry cheesecake 掟落我隻碟度！這是我的正日生日, 滿心期待的去拿 cake 食, 卻受到他如此無禮的對待！好失望！雅苑搞乜鬼請 d 咁既人呀？！服務態度咁差！真係好失望！招呼不周、態度惡劣！我從未試過食餐飯可以咁唔開心！唔好話6折, 3折我都唔會幫襯你地呀！…查看更多

情人節, 和老公兩個人去城景閣撐檯腳！個場係細0左 d, 但勝在『「龍」情蜜「意」海鮮自助餐』的內容夠吸引, 當中有多款龍蝦菜色, 用埋 openrice coupon 計埋加一折實每人都係4百幾, 比起其他大酒店平好多, 即管來這裡試一試！昨天來到發現場內無咩佈置, 就只得 2 個擺景, 裡面除了每張檯面放了一朵太陽花便再不見任何花朵裝飾和佈置了, 其次便只有掛在天花射燈下的小型心形吊飾吧, 實在有點失望~ 不過, 情人節每對情侶都懷著愉快的心情來到, 有愛相伴已經醉人, 即使沒有浪漫的場地佈置都一樣陶醉！才剛坐下, 侍應便走來邀請我們到場外的擺景拍照, 好待一會為我們送上相片賀卡留為紀念。拍照時, 侍應更細心指示我們的位置和動作, 以求為我們拍得好照片, 一點也不馬虎, 確實是用心服務, 值得稱讚！拍照完畢回到座位, 侍應便為我們送上葡萄汽酒, 我們便正式開始我們的情人節餐了。老公因為不太愛魚生和生蠔, 所以每次他都主攻長蟹腳。今次的蟹腳超厚肉+鮮甜, 老公都忍唔住叫我食一口, 真係好鮮好甜呀! 我就先取 sushi 和各類冷盤小食, 當中當然包括這晚的主角「龍蝦」：黑魚子龍蝦蛋沙律薄多士。更唔少得的是羅勒白湯煮蜆、意式燴羊膝、堂片意大利聖丹尼風乾火腿、海皇龍蝦湯、龍蝦意大利飯…還有海鮮滋味：空運美國生蠔、法國膏蟹、法國黃金螺等。當中香草芝士焗蠔用上淡芝士和香草醬, 香軟肥美不失平衡。另外, 5款火腿各有千秋最緊要係味道恰到好處不太咸、 羊膝香濃惹味, 連平時怕騷的老公都讚出口！登登登櫈！每人一邊米蘭焗龍蝦, 大隻多肉又惹味！ 本來想 encore 焗蠔, 但見到肥美的它在櫃檯呼喚我, 唯有食0左你啦! 好好好 rich 呀!!! 這裡的海鮮真的好衛生, 夠晒凍, 而且海鮮和魚生櫃檯的姐姐好專業, 見你隻碟有熟食會同你講怕食物交叉污染幫你另碟上。好！我欣賞她對食物衛生和質素的堅持！而且, 佢俾親都好大手筆, 不單厚切, 仲俾親都不下4-5片, 好梳爽！不過可能太凍的關係, 第一轉食的魚生和生蠔都無乜味, 第二轉它們稍為解凍後便開始食到鮮甜。甜品時間！甜品吧陣容鼎盛！ 廚師親自向我推介白朱古力閃粉玫瑰~真係無敵靚！我已經食了一朵, 唔係硬既, 係軟身朱古力, 出奇地竟然不是好甜, 味道竟有點似...豆腐花 @0@ 不過講真：甜度、厚度、賣相都真係一流！而且城景好大手筆! 隨意放在甜品檯上的心形朱古力原來係龍島朱古力！不是貪靚拿來襯朵白玫瑰花朱古力影相都不知原來係龍島朱古力！(原本以為是上環入貨那些大陸進口心形朱古力) 怪不得有個中年男人起勢掃這些朱古力啦！情人的心太軟! 還有 DIY 花心甜品拼盆！食完一轉, 飽了, 點知再去八多次甜品櫃檯, 竟然 refill 出來的是新款：焗芝士蛋糕和 New York Cheese Cake！Oh my god！My favour！但我飽了 -_-最後食埋雪糕！送埋心形雪糕匙...咩牌子唔駛我講喇卦~ 勁多果肉, 真係超正啊~總括來說, 食物味道、衛生和賣相都一流, 服務殷勤周到, 以這樣的價錢, 簡直是物超所值！…查看更多

今年生日，本來想 book 半島食半自助餐慶祝，不過好可惜，我打去訂檯已經係 waiting list 第五位，好失望！我告訴老公我有多失望和無 mood，他便上開飯喇找資料！終於他 book 了 WHISK 食法國菜。老公聽聞餐廳的地點很偏僻，果然沒錯！要先到 3 樓再穿大堂上樓梯，若沒有留心指示便摸不到門口了！來到了 WHISK，昏暗的環境很有情調。我們被安排坐到靠花園的檯子，看著花園內的營火，聽著餐廳內的輕音樂，時而覺得身處神秘的星空；時而覺得身處寂靜的雨林，隨音樂進入了一種悠然的意境...在這麼富情調的環境裡，未有佳餚，不如先來美酒！粉紅香檳！Cheer！侍應把餐牌端來，我和老公詳細看了一遍，最後老公點了六道菜的 Taste of the Garden，包括：Winter Salad, Watermelon & Tomato Cannelloni, Pumpkin & Coconut Cappuccino, Crispy Ratatouille, "Gold" Risotto and Flaky Apple Tart，我則散叫了頭盆 Slow cooked Abalone, 主菜 Scottish Salmon "Label Rouge" & 甜品 Vanilla Mille-feuille "A La Minute"。老公點了的 Taste of the Garden 十分精緻，Winter Salad 口味清新，可惜老公不愛吃芝士，美味的 blue cheese 全給我幹掉了，哈哈！Watermelon & Tomato Cannelloni 原來是義大利肉捲的意思，侍應端來時向我們講解肉捲的外層是以啫喱狀的 Tomato 製作而成，真是巧奪天工啊！那杯 Pumpkin & Coconut Cappuccino 一端上來即聞到甜甜的椰香！一嚐南瓜湯香甜細滑~ 一流！Crispy Ratatouille 原來是意大利雜菜春捲伴燜茄子，那春捲皮比港式春捲厚身，而且像是混和了芋頭的味道和質感，好特別。來到主菜"Gold" Risotto，返查方知是一種以米、洋蔥、雞肉等製作的菜飯，但為何我竟嚐到有松露之類菌類香濃的味道呢？說到飯本身真的煮得不錯，恰到好處，煙韌有勁，正！至於招牌 Flaky Apple Tart，面層的杏仁烤得香脆，底下的蘋果片厚度適中且保留果汁，相信要焗出這樣的效果時間要掌握得非常準確！至於我點的三道菜：頭盆 Slow cooked Abalone 的 presentation 令我眼前一亮！不知包圍著鮑魚的細泡大廚是怎樣弄出來的呢？主菜 Scottish Salmon "Label Rouge" 外層輕輕灑鹽略煎，內裡仍保持肉質軟滑，伴以香烤甜薯和紫色的腌瓜同吃，一酸一甜，兩種美妙的配合！最後，甜品Vanilla Mille-feuille "A La Minute" with raspberry出場！原來老公特意向餐廳道明是為我慶祝生日，餐廳便為我的甜品加了點裝飾，真的十分驚喜啊！餐廳都知道食品製佢需時，餐前每人來杯野菌燉蛋，餐後又來甜品小吃；閒時侍應見我們拍照留念也主動為我們效勞...貼心的服務真的抵讚！…查看更多

今次我們選了金馬倫道的 Park Cafe，Openrice 有 coupon 七五折，計來每人只須 $100.3，相當化算，且食評也不俗，加上地點就腳，就決定來試一試吧！預早致電 book 了檯，但當我們來到竟沒有我倆的訂檯記錄，只好安排了近門口的第二張檯給我們。算啦，塞翁失馬焉知非福呢？內堂坐了很多大陸客，頗為嘈吵呢，我們和另一檯港客被安排坐到門口的一角反而更可舒適安靜地進餐呢！Lets start！巡了一圈，食物不算多，但總比上次在舊機場附近那間酒店好。籌司2款、魚生得2款，好少。冷盤火腿有4款。跟著是冷麵和沙律 bar，普通貨色。最特色是有個即造生果忌廉 pancake 和燒烤站，站內即造食物不時轉款，有串燒、春卷、香腸、多春魚、雞翼、冬菇和翠肉瓜。至於湯呢，有粟米湯和竹笙魚刺湯，真係手快有手慢無，特別是竹笙魚刺湯啦，盛了一碗之後很快便沽清，沒有再 refill了。但也無乜所謂，個人覺得味道麻麻地，只是老公想喝多碗都沒有了。吃過了頭盤，轉攻熱盤：條魚幾大條喎，不過正如老公所言，蒸得「鞋」了點；烤雞塊，味道唔錯；有塊三角形好似札肉的東西，一般啦，普通；黃色唔知咩汁的豬肉，真係唔知似咩味，又唔算難食既，唔知似乜囉；最好食是豬頸肉，老公開口讚好爽口，推介我食添，味道亦幾好喎！場內還有炒飯和炒薯仔，我試了炒飯，有試菜粒、蝦粒和疑似豬頸肉粒的東西，可惜丫，好乾。蔬菜類原本有盤雜菇，好似食剩咁，睇見就唔開胃，不過好在熱盤有不時 refill，之後來了盤西蘭花，好好多！:)甜品時間！老公先拿了碗豆腐花，唔滑、唔好食！補祝老公生日嘛，我就每款蛋糕都拿了一件回來兩人分吃，那每款都可以試過了！芭芙「林」晒，一D都唔好食；花生卷蛋都算幾鬆軟，OK啦；最欣賞是木槺蛋糕，超鬆軟！之後試栗子忌廉蛋糕，都好軟滑；那件看似是南瓜芝士蛋糕的居然原來是蜜桃蛋糕來的，有點意外…跟著試那件士多啤梨凍餅，居然溶溶地，老公吃一口即扁晒嘴，唉~餘下是朱古力餅和黑森林蛋糕，普普通通無咩特別。臨散場，好多食客已經走了，廚房此時居然再 refill 甜品，老公拿了楊枝甘露和一碟精緻的甜點，吃不出是甚麼東西，就是有點甜味吧！反而老公再拿了薄荷雪糕回來，好有寶路薄荷糖feel，幾好味喎，雖然唔知是甚麼牌子。最驚喜是壓軸出場的檸檬芝士蛋糕和 Dark Chocolate Cake，檸檬和芝士都好濃亦好香滑；那Dark Chocolate Cake簡直勁呀！餅面和夾層都有 creamy 軟滑的朱古力漿，rich 到老公都要話：好朱古力呀！d 客咁早走真係走寶呀！總評：環境、衛生、服務 OK；價錢算合理；食物雖然唔多，但幾好味，值得再來。:)…查看更多

今天和同事到了紅磡食飯，選址是一直經過都無入過去幫襯的泰國菜，一於今日就試下啦！Lunch 均一價 $29 包熱飲(凍飲加$2)。湯粉麵仲平，$23咋！昨天才就起想食炒金邊粉，就叫泰式炒金邊粉啦！同事就叫了香茅豬扒飯。太肚餓了，相都無影就開餐了！我的炒金邊粉甜甜的，好好味呀！同事的香茅豬扒看來很香脆呢！不過她說煎得乾了一點。Anyway，好彩有d略帶檸檬味的「獻」汁，醒胃之餘又剛好平衡了煎朱扒的油膩感，同事話OK喎！至於飲品，我們只叫了最普通的熱檸茶和凍檸水。我的凍檸水不會太甜，清清地幾好味。至於同事的熱檸茶，她說茶底唔澀，檸檬又夠酸，OK喎！不過她又補充，喜歡飲濃茶的就會覺得茶唔夠濃了。環境方面，lunch 時間不會很逼人，又夠冷氣，電視又不會開到好大聲，幾好，好舒適。服務方面，侍應好有禮貌，又開埋門多謝我光臨。最出奇是一改我對印尼、泰國餐館的觀感，這兒的侍應居然手腳都幾快喎！總括來說，唔錯啦！我自己就幾欣賞喇！以後 lunch 又多一個選擇了！…查看更多

爆場呀！今次已經係第二次來這兒燒烤，不過今次我們選擇 boxing day 來，好爆呀，好彩有 book 檯啫！不過入場時 d 職員差 d 同前面班人鬧交咁滯，雖然職員態度麻麻，但都係那班人你一言我一語，confirm 唔到人數，惹人誤會啫！一如以往，食物款式唔係好多：雞、牛、豬、腸、魷魚仔、多春魚、獅子狗、魚蛋、龍蝦丸、牛丸、粟米、法包片、豆卜和金菇，飲品仲係大陸野添，不過味道都 OK 既。例如雞扒，味道調得適中，加了蜜糖燒變得很惹味！但花雕雞翼就一d都唔入味，用來燒野食更加怪怪地，食落好似在家中煮餸咁。另外，佢地除左普通芝士腸、紅腸和腸仔外，仲有一種黑椒腸，d friends 覺得好味呀，但我地兩公婆就覺得辣左 d，各人口味唔同啦！最小家係 d 牛扒好細塊，又碎濕濕，真係要高手先拮到來燒呀！素食方面，好彩都有粟米、法包片、豆卜和金菇，不過金菇係無錫紙架，想要就俾錢買啦！都幾奸！所以我地無食金菇。Anyway，最緊要玩得開心啫，現場四周圍 d 人都不時起哄，氣氛好熱鬧啊！…查看更多

今朝老公品舒服，一心想去食粥，老公叫了魚片粥$16，我就要了白粥$5和齋腸粉$6。上菜都幾快手，都算唔錯啦，不過 d 野食就麻麻地喇！老公話碗魚片粥好重味精喎！慘啦，佢仲唔舒服添，都唔知食完會點？結果，佢食左一半已經唔想食喇！至於我的白粥，水多左 d 囉，都唔算好差既。但齋腸粉太厚身喇，又一 d 都唔滑，真係比較差。唉，附近仲有另一間粥麵舖，早知食嗰間啦！:(…查看更多

今年聖誕，老公唔駛返夜，於是去情人節我們經常光顧的紅煙窗餐廳 book 檯食 buffet！一開餐就梗係攞加拿大鱈場蟹腳、美國生蠔同龍蝦仔先啦！雖然搶手，但都 refill 得好快喎！我 Encore 了生蠔呀，雖然唔算大隻，但都幾鮮味丫！至於龍蝦仔，老公就話得個鹹字喎！之後就係排長龍的壽司和刺身喇！不過款式唔算多。唔通食第一場少 d 款既？到湯喇，老公覺得個翅好好味，竟然 Encore 喎！我就覺得蘑菇湯好味 d 喇！但始終覺得無上次去一間法國餐廳的蘑菇湯咁香濃，不過都唔錯。其實仲有一個超好味的貝殼帶子意大利飯，不過太好食喇，掛住食居然無影相喎，真係失策呀！但今次的炸雲吞、咖哩牛腩和焗釀青口都非常出色！其實我和老公都想 encore 鬆化味美的炸雲吞和軟"林""林"的咖哩牛腩架，不過又想留肚試其他食物喎！老公拿來了煙三文魚和羊腿，厚切的煙三文魚都幾肥美，但羊腿就麻麻地喇，有 d "鞋"口。小食還有鴨胸和海鮮穌盒，鴨胸唔夠嫩，不過海鮮穌盒就唔錯喎！甜品時間！薑餅仔好好食呀，老公就特別欣賞軟心朱古力卷和泡芙喇！之後老公再拿來了意大利芝士雪糕，內有疑似手指餅碎，煙煙韌韌好好味呀！不過有 d 失望呀，都唔見廣告上推介的焗貝殼帶子天使麵、聖誕布甸白蘭地汁、意大利水牛芝士蕃茄同巴馬火腿蜜瓜既？！仲有呀，得羊腿無火雞既？雖然都好多野食，但都覺得佢地個廣告有欺騙成份囉！又話聖誕老人派禮物既？我唔介意佢淨係派俾小朋友，但至少都過來影張相丫，經過講句 "Merry Christmas"就走左去，咁我唯有請你過來合照啦！Anyway，總括來說，食物質素係唔錯既，我還是會再去。…查看更多

10月4日，行完 B & Q已經七時多，餓了，在五樓光顧了這家 Bentou 開飯。這家 Bentou 位處角落，當時只有一位食客，相當冷清，可能是因為 Bentou 以售賣飯團為主吧！不過稍有留意，Bentou 也有提供日式便當或拉麵餐，於是我們點了(3)號便當盛盒：鰻魚炒飯、鹽燒雞翼、寒天沙律、火腿粟米忌廉湯($35)，和豬軟骨拉麵餐($35)了。 上菜時，她們以膠盒和紙碗盛載，我個人就覺得不甚環保了，而且亦影響了賣相。再者，食物的味道亦偏淡，但另一個角度來說可謂是比較健康的。但「火腿粟米忌廉湯」例外，因為此湯的忌廉太糊了，且胡適粉味太重。不過，鰻魚炒飯就確實幾好味，都值得讚既！:)終於知道為何這麼少遊人光顧了！…查看更多

晚上我和老公及他的同事夫婦二人一同去尖東的松坂料理吃一頓放題聯誼一番。$209的放題不像自助餐般放在擺設好的食物檯前自己夾，原來是在 order 紙上剔選(見笑了，我未食過放題)。好多食物啊！數數先：三文魚刺身(我和老公的同事均摯愛三文魚，叫了兩 round 才滿足啊！)、軟殼蟹卷、北寄貝壽司、金菇牛肉卷(原來同事太太好鍾意食金菇喎)、海謄手卷、鰻魚手卷、海鮮薄餅、炒雜菜(無菜味，得個辣字，都唔知似乜)、蟹籽沙律、螺肉沙律、茄子及南瓜天婦羅、吞拿魚及赤貝刺身、鰻魚壽司、煎餃子、脆豆腐、冬菇天婦羅、雞軟骨串(唉~過了火，好乾韌)、炸蝦天婦羅(我唔食得，但見好大隻、好長、好彈性，同事的太太大讚好新鮮彈牙)、煎雞翼、燒雪魚骨、燒三文魚頭、燒春魚(點解咁細條既？)、甜蝦刺身和送的每人一隻北海道帆立貝，最後食埋香濃的紅豆雪糕，真係好飽、好飽….呀！其實仲有個牛肉火鍋架，不過最終都無送到黎，唔通隻牛在松坂飛緊過黎未到步？不過算啦，都飽喇，cancel 左佢。總括來說，刺身類好鮮好正，但熟食又鹹又過晒火，麻麻地:(，不過款式都真係幾多，都算 OK 既:)。…查看更多

今朝我們本來約好去重新開業的公和豆品食 lunch，點知一見門口那一群一群的人，我們已走夾唔頭！橫豎都係，佢又帶我去尖東試新野，就係南洋中心的松坂日本料理喇！店內有爐端燒，巧合地，今天也有一個客人吃，所以我們也有幸一看師傅燒肉的功架！好香呀~！唔食都聞下丫！這間松坂的分店聽說已有很多年歷史，食物的款式十分多，店員服務又周到，加上經濟的收費，相信都是它能於尖東區屹立的理由！是次我們要了兩個定食和一客特選小食：鰻魚炒飯定食($55)、豚肉生薑燒定食($50)和一客三文魚刺身($28)。先說說這客三文魚刺身，五大片肥美厚切的三文魚，雖沒有即劏的鮮甜，但總算有豐盈的口感，算係唔錯啦！說到鰻魚炒飯，飯粒炒得香口，軟硬適中，加埋相當多的鰻魚粒，真是令人食指大動的惹味之選！至於豚肉生薑燒，我同事都讚不絕口：薄切的豚肉燒起來火喉適中，微焦的不會過火，保持了嫩滑的肉質，真有黑豚肉的風味！加上那比較幼身的爽口芽菜(看來不是我們平日在街市買到的品種)和日式沙律，簡直是絕配！不可不提的是，甜品居然是滑溜的綠茶雪糕喎！其他日式料理多數都係俾雪米滋咋！埋單加埋一$146，位位$73，屬中價之選。同事約我下個月加人工時再去食過喎！好呀，一言為定！下次試埋拉麵餐先！…查看更多

08年8月31日。這道便是我的晚餐：馬拉箋金菇牛柳炒意粉。$32送雪糕，但反而餐飲要加$2。幸好我沒有加$2要餐飲，看其他食客那杯溝稀了的飲料，真慶幸自己沒有浪費這兩元！馬拉箋金菇牛柳炒意粉來了！很油、味道很淡，且味道不均勻，又有好多鑊撈(可能是焦了的馬拉箋)，港式不是這樣的嘛？！雪糕的味道沒有選擇，就是一般的芒果味而已，無特別，算是正常吧！環境方面，店舖地方好細，無辦法，但可唔可以將d檯櫈放得鬆動d呢，上菜和執檯都騷擾到其他客人。:(服務方面呢...招呼人客入黎和落單都幾快手，但上菜就好慢...可能因為即叫即炒啦！衛生方面就嘛嘛喇，人客走了係執了檯，但又唔抹檯，都幾唔開胃...下次？貪平咪幫襯佢囉！三十幾蚊食晚餐，想點吖？…查看更多

8月28日剛巧睇報紙，千両又有新野：九州直送「汁煮皮剝」和「縞鰺壽司」，而我又有 coupon，拿拿臨同老公去新太陽廣場分店食先！ 不過「縞鰺」係咩魚黎架呢？進店後，問店員始知，剝皮魚仍未運抵香港，今天無緣一試了！:(反而，我們叫了鹽燒原條池魚和縞鰺(即深海大池魚)！不過「縞鰺壽司($35 兩件)」的價錢可能只限 Time Square 新店呢！縞鰺壽司$40：果然爽甜彈牙！不過比其他 sushi 細舊咁多既？！極上壽司拼盆$115 (灸燒吞拿魚、吞拿魚、魚立魚、厚燒甜蛋、帶子、蝦、三文魚子、蔥吞拿魚)鹽燒原條池魚$90：燒魚個汁太酸了！軟殼蟹手卷$18：老公話幾好食三文魚皮手卷$18：魚皮和紫菜都脆，正！:) 青口$18：都唔好味既...有d食到碎殼... 這碟好差！八爪魚壽司$14：加d梅醬落八爪魚味道怪怪，而且好似唔係好新鮮，舊飯仲一夾就散(斷開左)添！梅子紫蘇卷$12：賣相：一般，高低不一；味道：紫蘇葉味太勁，但加了芝麻味道都幾夾；梅子醬太少，食唔出梅味！我覺得這道 sushi 的配方比例真的要改良一下！:(加埋一$357.5，用 $200 cash coupon 後只需 $157.5，如果無 coupon 就無咁抵食了！看其他食評話此店服務好差，今次出奇地很有禮貌喎，亦無漏order，不過人多時上菜就比較慢，但都唔係其他人講得咁差啫！可能已經炒左那班員工呢…我估咋，我之前無幫襯過這間分店！…查看更多