波爾圖

营业中

休息中

去澳門旅行當然要品嚐地道的葡國菜！因為星期日而且餐廳口碑不錯的關係，我們趁剛剛開店，時間尚早的時候到達，確保一定有位。果然在我們坐下不久後便滿座。這間波爾圖葡國餐廳我們上次已經到過，這裡有一道叫污糟雞的菜色我們試過後念念不忘，本想再試一次，但是今天竟然說沒貨，很失望，唯有點其他菜色試試。最後我們選擇了芝心馬介休球和焗乳豬飯。馬介休球炸得金黃，圓滾滾的，很吸引。切開馬介休球，芝士絲和馬介休清晰可見，絕無欺場。味道適中，不會過鹹，而且炸得一點兒都不覺油膩，很乾身。焗乳豬飯熱騰騰的，份量足夠2人食。用上葡式炒飯底，飯炒得很乾身，不過飯味與乳豬味不太融合像是兩個獨立的個體，缺少了乳豬的香味。乳豬烤得皮脆多汁，香味十足。咬下去時油脂豐盈，洋溢於口中，雖然罪惡感很重，但值得一試！

呢間野第一次食，已經令人回味無窮⋯我黎咁多次澳門呢間我覺得係最好味，價錢又非常合理既葡國菜。叫咗葡式乳豬焗飯，乳豬外皮非常脆口⋯配上既飯直程好味到食唔停口，飯既質感非常乾身⋯但陪埋香料真係十分好味。另點左葡式白酒煮蜆，雖然有少少咸左啲⋯⋯但係可以接受，可能加左檸檬汁感覺呢碟煮蜆比較清新D 。馬介休炒雜菜味道不咸亦不淡，食到馬介休既咸香⋯又一好味之選。此店絕對下次訪澳必定再黎之店之一。

和男友到澳門過七夕。午飯時間，他建議去氹仔舊城區地堡街食葡國菜，二人去了 >>>波爾圖<<< 。餐廳裝修帶點懷舊風，整體而言座位略嫌擠逼，幸宜坐在門口一角，空間稍多。二人胃口本已不大，加上男友感冒，更是削弱「食力」，故只點了一客沙律和飯。我們點的均為餐廳推介招牌菜。侍應先送上凱撒沙律伴煙鴨胸。鮮嫩蔬菜配以開胃沙律醬，惹味非常；加入煙肉碎，提升香氣，加倍可口。鴨胸肉雖然被切得很小，但仍食得到鴨肉香甜。整體評分很高，唯麵包粒略咸。稍等一會，葡國海鮮燴飯便上桌了。醬汁撲鼻而來的氣味竟帶點辣，但入口完全沒丁點辣味，吃得到的是帶著青草澀味的蕃茄。飯質較硬，很有嚼勁。蜆、青口非常鮮甜，不能錯過。奇怪地玻璃蝦比大蝦好味！大蝦肉質不太新鮮。雖然挑了蝦腸，看得出大廚心思，但食材不佳已壞了大事。檸檬清水免費供應，侍應添水挺快的，落單效率也不錯。整體而言，上述菜式屬「不妨一試」之列，期待再訪澳門尋找美食。

平靚正既葡國菜，雖然唔太正宗但係好好味，舖頭細細等位都等幾耐，不過煮法新穎，食物都夠新鮮，如果2個人去食套餐都唔差，食物冇因價就貨，佢地既米槺布丁仲好食過好多舖頭，唔太甜又幼滑

懶訓的小妹及朋友們，於11時才於喜來登酒店出發，展開第2天之旅。由於天氣太熱，我們分2架的士到官也街附近吃午餐。其實小妹經常來澳門，很多餐廳都試過，而我們沒有特別計劃去吃那間餐廳，於是在附近尋覓未嘗試過的試試。行呀行呀......最終來到波爾圖(這2日也沒吃過葡國菜^^")。進去時，可能因太早，店內只得我們。翻開餐牌，7人點5碟美食也夠吧!?首先當然來個葡式雜錦頭盤，說真的.....非常失望。頭盤內有橄欖(小妹不吃的)、炸薯、咖哩角、腸仔，全部也鹹得過份。若真的要選較好的，會是咖哩角，外層尚脆，但咖哩不夠。葡國海鮮燴飯濕濕地易入口，湯底夠濃，味道剛剛好不太鹹，但嫌海鮮就不夠多，但整體味道不錯。另馬介休炒飯，鹹的程度拍得上雜錦頭盤，但幸好有洋蔥及少量青椒中和，而炒飯不夠乾身。終於吃到一個不錯的麵粉焗葡國雞，咖哩不太辣，配合椰絲，更香更惹味。葡國雞肉質嫩，而旁邊的薯仔也煮得淋身。正當我們想分拆外層的麵飽時，只見一位朋友，切呀切也切不到，因麵飽太厚身，不過分拆後也容易入口，而且香脆，再沾上咖哩一併吃更可口。芝士馬介休薯蓉焗酥皮可是最好的美食，芝士非常多及濃郁，馬介休味道適中不不太鹹，配合「芝

血鴨：8/10，$70幾份量十足，但係略嫌唔夠熱，薯仔入晒味咁😋👍🏼 如果可以係配埋飯 咁就完美啦！芝士薯蓉焗馬介休酥皮：9/10，$90幾唔好睇少呢兩球野，其實係非常之大份，因為係薯蓉既關係，其實可以4-5個人分。咸魚既味道濃郁，配埋薯蓉，每一啖都好滿足。但係最後因為太飽既關係，個酥皮底我就冇食到啦，應該都唔差既。招牌葡式焗乳豬飯：8/10，$168呢個係我認為比較一般既，乳豬個皮都香口，唔錯，但係啲飯就太一般啦，炒飯底？但係就濕淋淋咁，份量依然係好大碟，適合多人分享🙆

又來到澳門短遊兩日一夜, 前一天已吃了"新好利"的豬扒包這天回香港之前, 在水蟹粥和葡國餐之間選擇, 因為想吃飽一點所以來到波爾圖~之前已做過功課, 發現這家價錢十分合理時間是中午12點左右, 人客不太多, 不用等真好環境尚算舒適, 黑板上"廚師推介"的中文字秀麗得令人賞心悅目~二人點了以下菜色:.- 焗軟殼蟹 只有半小隻, 但幾十蚊差不多啦~味道幾好的- 白酒蜆肉意粉 很濕, 有點近湯意粉, 有洋蔥及我不喜歡莞茜, 但我還是吃光了所以是好味的- 鑊仔牛柳w/蘑菇汁配白飯 (跟餐湯, 不過不失)友人吃的, 有兩舊極厚的牛柳, 十分驚喜, 牛味香濃, 不會un, 才$9x元- 干邑焗葡式腸 上了台才知是葡國臘腸...有點失預算因為太咸和濃味...要夾白飯吃其實很想試試那個咖哩包...很多人吃, 但我們一定吃不完, 還是算了最後277結帳, 整體而言是滿意而且覺得超值~

波爾圖在地堡街，店面好細，行過好容易錯過。這次是為了葡式乳豬釀飯而來的。店內葡式風情好重，掛上不少畫，好像置身葡國一樣：我們點了一個套餐，套餐只是 $42 元，超抵價！套餐有湯、沙律、主菜及飲品。湯是蕃茄湯，有點稀不夠蕃茄味，沙律用上通粉、菜、薯仔、紅腰豆，配上白沙律汁，好 fresh。套餐牛扒意粉，份量勁大，牛扒三大塊，薄身切起來方便，不會韌，牛味一般。意粉煮得也不錯，軟中帶硬。名物葡式乳豬釀飯出場，炒飯底，用上蕃茄及多種香料炒，飯炒後不會爛爛的，很好味。但燒乳豬則有點失望了，乳豬皮是不錯，焗得好香脆，但咬下去後發現太勁豬酥，有點倒胃的感覺。焗軟殼蟹，整個蟹加上芝士焗，好香。軟殼蟹可以連骨食，蟹肉不多但鮮味不足，可惜是太細隻。

由於事隔已經有一段日子. 確實的菜式名實在不太記得啦! 只有大約的菜式名意思是次由於學校放假跟朋友到澳門游3日2夜本身因為有現金劵的關係, 想試一下木偶餐廳的但因為迷了幾次路的關係便轉投這家餐廳因為2人行的關係 並沒有點太多先是(前菜) 忌廉湯這個真的要視乎個人口味對牛奶敏感/不喜歡的朋友應該會覺得不太好味!因為其味道比較(so)然後點了農夫包跟三文魚天使麵不得不讚一下個農夫包!相信大家都知道香港其實沒有很多地方有農夫包食這家的農夫包實在是香濃味美香濃的葡汁配上蕃茄薯仔薯仔本是絕配蕃茄酸酸甜甜的味道加埋真是令人胃口大開!三文魚天使麵就沒有什麼驚喜反正都是你所知道的那樣但材料跟味道相當足!2人行這餐真的食到撐著肚皮走還有剩打包多謝港紙200有找對於身為學生的友人跟在下這餐很滿意 也物超所值! 

見佢咁多好評, 醒個劣評佢嘆!呢次試下舊城區搵食, 都預左食西餐, 其他餐廳散嗌沒套餐, 價錢太兇狠了 路過波爾圖見到門面同內部裝修OK唔迫, 更加吸引的就是有一舊水左右的套餐, 入去啦~~一開波都已經有D火, 門口個套餐牌係黑板黎, 得兩樣野, 上面係"紐西蘭肉眼扒"$113, 下面係"鑊仔牛柳"$98, 而黑板上面痴住好大幅過膠相"牛柳拼大蝦$105", 咁我叫"牛柳拼大蝦", 竟然話唔係套餐, 咁我叫"紐西蘭肉眼扒", 又話而家套餐冇肉眼扒, 即係得番鑊仔牛柳, 算, 趕時間, 鑊仔牛柳....等野食期間, 留意到佢張檯都幾多如, 可以伸延多三吋, 把鬼... 先黎個餐湯, 洋蔥湯, 一如既往無味, 只有香草味, 因為落左少許香草... 呢味我真係未飲過有味的...主角鑊仔牛柳出場了! 說好了的鑊仔呢? 又再一次被搵笨, 算, 我又唔係食隻鑊....說來慚愧, 我咁為食, 竟然係唔識食牛同唔食生野, 牛扒血淋淋好鬼驚, 仲要林得黎咬唔開, 所以我以前都係叫Welldone, 近幾年進步左叫左八成熟, 即呢碟, 第一塊好準, 篤落去仲有"汁"狂標出黎, 裏面仲係粉紅色, 只有最中心

食次前有想過食小飛象，公雞等比較出名的，不過因為想試下新口味所以搵左呢間因超級熱，所以一坐下即叫了生果酒，價錢是海灣的一半，是便宜的，味道就。。。總覺得味道差一點點，都可以接受食物方面，絕對有驚喜，第一道是馬介休芝士酥皮盒，感覺似食批，份量足夠，我們兩個人每人一件，我食完都飽左5成了第二道是乳豬飯，肉是其次，飯倒是不錯，米剛剛好，不太軟，而且不油，感覺清爽因不太餓，所以只食了兩道，不過覺得下次可以再試下

I fell in love with Est. de Comida Portuguesa "Porto" a few years ago after having their Baked Bread Sink w/ Bacalhau Mash Potato & Cheese. Since then, I try to make a visit whenever I go to Macau, but have failed to do so the last few times, so this time, even though my friend and I arrived didn't arrive until 2130, we had to visit! Environment & Hygiene:Arriving so late meant there was no queue.  We walked straight in and there were just a few tables inside. There are pictures and chalkboards

見到網上食評唔差，又多人光顧，一試無妨。我地19:00入座，平日都FULL HOUSE 假日真的真的建議訂位其實，對呢個有D期望，只是這葡式乳豬釀飯乳豬偏肥，皮又不脆，釀飯沒什麼味道麵包焗葡國雞，包外脆內軟配上帶點椰香的汁，正而雞肉也是嫩嫩的厚厚的三文魚配上意大利飯，魚扒味道很好，只是飯有DD硬(這是套餐...好像是$120..有湯有飲品...有甜點)份量幾大，如果3個女仔去，建議先點2款食物!!!

一心想去澳門食餐似樣的葡國菜, 還少有地特意預先訂枱, 却換來個大失所望。未到7點去到已經滿座, 等咗20分鐘先有枱, 之前睇過食評, 心目中已經定咗食乜, 兩個人晚飯點咗以下5款:炸馬介休球完全食唔到有馬介休味, 根本就係炸薯仔球檸檬白酒炒蜆蜆唔夠肥, 味道只可算合格鹽燒沙甸魚唔覺得特別鮮味, 又燒得唔夠香葡式燒釀大蝦食唔到蝦的鮮味, 且燒得略為過咗火喉燒黑毛豬扒雖然無預期咁爽脆, 但已經算係各樣中最好味埋單500多, 但講真真係覺得唔值!

去到氹仔舊城區必定被鉅記及其他食肆所吸引而走進商業區，今次下車往另一方向走動發現了這間葡式菜館。門外有服務員在派發傳單而時間是晚上六時，心想內裏應該顧客不多。因未試過用餐所以決定一試。入內一看原來已有六到七枱客人，有二張枱是雙人的，其餘是四人，大部份枱上都放滿食物。牆上掛滿餐廳推介及漫畫，感覺舒適。枱全是雙人枱，方便靈活調動。有雙人及四人套餐，後者是五百多元，但包括不同種類食物:湯、魚、肉、菜、甜品及茶，應是不錯的選擇，但我們只有三人又不吃牛，所以是自行選擇。本想試馬介休炒椰菜，因想試馬介休球，所以點了炸馬介休及雜菌。炸馬介休球吃不到馬介休味，炒雜菌的葡國腸好味，和淡淡的菌類匹配。乳豬釀飯差不多是每枱必食，皮脆飯香，份量剛好。沙甸魚一流，賣相已知好味，食落更是比其他食肆新鮮，不乾。豬頸肉較硬及乾。菲洲雞汁少但惹味。好吃。因份量够所以沒試甜品。這一頓飯是一個驚喜！