影片
电话号码
+853 28823318
开饭介绍
价钱合理的葡国餐厅，其中，乳猪酿饭肯定是必试之食。
继续阅读
营业时间
今日营业
12:00 - 22:30
星期一至日
12:00 - 22:30
*星期五、六、日
不接受订位
以上资料只供参考，请与餐厅确认详情
相关文章
今天试了面包鸡和芝士蟹黄，面包鸡外酥里嫩，酱汁诱人；芝士蟹黄绵密鲜美，超级过瘾。但乳猪饭虽油脂香浓，有8块之多，却油腻腻口，且价格两百多，性价比不高。。。。。。
继续阅读
🇲🇴🍽️🐟性价比超高葡国菜✨晚市5:30开始，五点左右开始就会有人排队，第一轮入唔到嘅话就起码都要等多一个钟，呢间餐厅不设订位，想食嘅就早啲嚟排啦！🆗野菌海鲜忌廉汤 - $38睇落好多菇碎，野菌味香浓，不过冇一粒粒可以咬到嘅菇，同埋吾系几觉有海鲜，但味道ok。✅葡式烧马介休 -$188马介休鱼柳超大条，底下仲有原个薯仔垫底。葡式烧嘅煮法主要系用橄榄油煎，而马介休系盐腌嘅鳕鱼，厨师煎得好好，皮脆肉嫩，鱼肉咸香十足。✅特色焗鸭饭 -$83呢个特色焗鸭饭都好经济，饭粒有口感，三片鸭肉嘅味道都好香，煎得好好。饭里面亦都有其他肉类。✅地道非洲辣鸡 -$128呢个非洲鸡非常值得一试，系只好大嘅鸡髀，铺满咗大量嘅腌料，包括蒜蓉、椰丝、辣椒粉，好惹味，甜甜辣辣。而鸡肉亦都唔会好嚡，旁边仲有沙律菜同埋薯角。薯角炸得香脆，而沙律菜新鲜配咗黑醋汁。✅芝麻麻糬葡挞 -$18呢款特色葡挞系佢哋自家制，个酥皮都几松脆，切开会有流心嘅芝麻酱，里面仲有麻糬增加口感，几有特色，但系就会盖过咗葡挞嘅蛋香味。
继续阅读
呢间乳猪饭一直好出名，食饭时间成日都大排长龙，但都无阻我食乳猪嘅决心！食咗几次之后，推介比同事食，一行十个人庆生，事前胆粗粗问可唔可以要全只乳猪！老板仔话做比你！结果当晚捧出嚟真系全场瞩目😂连隔离枱都忍唔住过嚟问，可唔可以同只猪影张相打卡。除咗乳猪之外，样样𩠌都好有水准，我自己最钟意马介休球同埋蚬，系食完一啖又一啖嘅水准👍🏻另外佢哋嘅蛋糕原来都系自家制，因为同事生日，同佢哋提早订定蛋糕，有隐藏版芝麻巴斯克，唔系讲笑个芝麻系香浓到喺个口爆开，连唔食芝士嘅朋友都话芝麻够香！佢都食到！虽然唔想推介比大家，因为佢已经成日排长龙，但今次佢哋服务同食物都系水准之上，无办法唔留个好评🙏
继续阅读
闪游澳门，行左一阵又食，想食葡国菜，趁早未系好多人去波尔图，讲起来有10年以上冇去，餐厅刚好𫔰门即有5位，之后好快就满座，果然系人气店。餐厅面积中等，装潢有著葡国色彩，复古之感。餐牌，食物都好多选择。葡式乳猪酿饭，$238，招牌必食，乳猪中件厚身，口感外脆肉嫩，有少少肥膏味道更香口，有入口即化之感，美味!酿饭味道酸酸甜甜好醒胃。葡式烧八瓜鱼，$168，卖相不俗，八瓜鱼口感太韧，味道普通。薯丝炒马介休，$118，本物想食马介休球，但见到薯丝又好奇试下，薯丝脆口薯味浓，味道咸香但太油，普通。乳猪酿饭必食，服务态度几好同坐得舒适，有机再食。氹仔旧城区地堡街泉福新村第1期第4座嘉开阁地下
继续阅读
次次嚟澳门经过佢，都多数见到条龙，而呢条龙往往都会令我却步，而今次竟然无「龙」梗系要入去试吓。女友口味特别又麻烦，睇嚟睇去个餐牌，都系二人餐算。「西餐」头盘一定系汤，好鬼热，好浓嘅蘑菇同忌廉味。呢碟系另加嘅炸马介休球，食落第一感都系好鬼热，食之前查过马介休系鱼类嘅嘢，隐约听到隔离枱话系鬼佬咸鱼，咬落去又唔觉有咸鱼，或者系鱼嘅感觉，反而我真系学黑白厨房咁，合埋对眼去感受下佢～我感觉似食紧酒楼饮茶嘅「芋角」入面嘅芋蓉咁，但呢度啲幼滑好多，好味。跟著系芝士焗生蚝～面头层芝士恰到厚度，又估唔到下层有啲波菜，而生豪又好新鲜果只～好食。羊架～外面小小松脆外层，羊肉肉质真系好嫩同膻，呢种膻味要真系钟意食羊嘅至搅得掂，我女友就搅唔掂，我要啪三旧。海鲜意粉～辣辣哋有啲鲜味同味道特别。面头系木糠，下面层奶油好硬，唔系咁啱我口味，二啖收手。整体而言，虽然打正系传统葡国菜，但系好适合『唐人』口味 ，好欣赏佢哋每样菜都「好热」咁上枱，呢个香港嘅食肆真系要学习下。回头度：8/10. 真系好食
继续阅读
您可能会有兴趣的...