更多
2017-07-27
5465 浏览
听闻呢间餐厅质素好高!专程过黎试呢个半自助晚餐,都几难book!主菜即叫即做,我唔常食鹅肝,不过呢度嘅香煎法国鹅肝煎得外脆内软,下面用清甜嘅煎炖雪梨垫底,减低油腻嘅感觉,仲有好脆嘅蒜蓉包同黑醋酱汁,配合得天衣无缝!难得地食左两件!其他即叫即整主菜,葡国菜较有特色同好味!上排:烧马沙拿羊肉串(普通烧羊肉串)、香煎法国鹅肝(好味到要再点)、日式照烧鸡扒(相比无咩特别)下排:葡式焗海鲈鱼(鱼用番茄蓉煎,鱼肉嫩滑唔腥,垫底蔬果好鲜甜)、碳烧牛柳配红砵酒汁(牛肉非常淋同唔骚)葡式红豆烩猪手(必食,猪手又淋又多肉,配埋酸酸甜甜嘅汁,好开胃!)餐厅环境装伤都唔错,枱与枱之间都隔得远,唔会迫,人多既话订枱可以坐雀笼,呢间餐厅会控制客人数量,客人都系得十枱八枱,主菜系任叫order 即叫即做,自助区又多选择,食物新鲜质素高,客人少,唔使排队争食,侍应服务贴心有礼,每当我行开攞野食侍应会帮我摺番好餐巾做三角形放番系枱上面。自助区有咩食先澳洲塔斯曼尼亚生蚝,每人每次攞三只,厨师会慢慢扫走蚝壳,食落新鲜唔腥,不过唔够肥味偏淡,我食左半打。冷盘海鲜区,有长脚蟹,海虾,青口,沙律菜,藜麦,assorted寿司,刺
专程过黎试呢个半自助晚餐,都几难book!
主菜即叫即做,我唔常食鹅肝,不过呢度嘅香煎法国鹅肝煎得外脆内软,下面用清甜嘅煎炖雪梨垫底,减低油腻嘅感觉,仲有好脆嘅蒜蓉包同黑醋酱汁,配合得天衣无缝!难得地食左两件!
其他即叫即整主菜,葡国菜较有特色同好味!
上排:烧马沙拿羊肉串(普通烧羊肉串)、香煎法国鹅肝(好味到要再点)、日式照烧鸡扒(相比无咩特别)
下排:葡式焗海鲈鱼(鱼用番茄蓉煎,鱼肉嫩滑唔腥,垫底蔬果好鲜甜)、碳烧牛柳配红砵酒汁(牛肉非常淋同唔骚)
葡式红豆烩猪手(必食,猪手又淋又多肉,配埋酸酸甜甜嘅汁,好开胃!)
餐厅环境装伤都唔错,枱与枱之间都隔得远,唔会迫,人多既话订枱可以坐雀笼,呢间餐厅会控制客人数量,客人都系得十枱八枱,主菜系任叫order 即叫即做,自助区又多选择,食物新鲜质素高,客人少,唔使排队争食,侍应服务贴心有礼,每当我行开攞野食侍应会帮我摺番好餐巾做三角形放番系枱上面。
自助区有咩食先
澳洲塔斯曼尼亚生蚝,每人每次攞三只,厨师会慢慢扫走蚝壳,食落新鲜唔腥,不过唔够肥味偏淡,我食左半打。
冷盘海鲜区,有长脚蟹,海虾,青口,沙律菜,藜麦,assorted寿司,刺身,沙律杯,烟三文鱼,好多好好,我主打食其中几款,真系食唔晒讲唔晒。
长脚蟹有海水味,虽是雪藏货,但质素比较其他酒店buffet好,青口大只甜而冇渣,海虾够大只爽弹牙,烟三文鱼冇根唔咸。
熟食区有专人主理,即煮自选配料意粉/阔条面,配料可选虾,青口,牛肉,鱿鱼,汁有白汁或番茄汁,相 out foc左。
仲有烧牛肉同埋烧菠萝,牛肉我觉得熟左D,但菠萝就非常好食甜心菠萝,入口多汁似蜜糖,冇渣,食了两转。
惊喜菜,焗芝士龙虾/ 焗蚝。食食下中途,侍应突然送上焗芝士龙虾/ 焗蚝,原来呢晚每人都送一份,龙虾拆左肉再捞其他配料酿番入去,芝味浓郁,龙虾弹牙,焗蚝就普通D,不过我好欣赏餐厅有野送。
生果甜品区,是日生果新鲜,每粒都是正方形,唔似第D buffet切到一岩一忽,任似果汁,有橙汁,提子椰水,乳络椰汁,sangria,个人推介乳络椰汁,酸酸甜甜,饮完开胃又漏漏地,但好饮。雪糕佢冇写咩牌子,但一食就知系Dreyer's。
呢度蛋糕我比满分,蛋糕精致又细细件,贪心D可以试多几款,推介下面款朱古力蛋糕,唔多讲大家自己去试。
题外话/补充资料:
记住BOOK枱,walk in 唔知有冇位,收加一,如果有银河优越咭有九折,记得带。
(以上食记乃用户个人意见 , 并不代表OpenRice之观点。)
张贴