影片
更多
2013-11-20
9493 浏览
臨退房前，早上仲想玩吓酒店嘅設施，所以費事出外周圍搵食，早餐就晌酒店16/F嘅品味坊搞掂 。品味坊喺酒店嘅自家餐廳，專門提供半自助早餐俾住客享用，當然，午市、晚市同樣有供應，主打喺歐陸菜式。雖然喺提供早餐俾住客嘅餐廳，但地方無想像中咁大，約50個座位，但環境好雅致，以園林為設計藍本，除二人枱及四人枱，相信最搶眼喺餐廳中間嘅半開放雀籠，感覺有趣 。聽侍應講，之前餐廳喺供應全自助早餐，地方亦都大啲，不過最近全面翻新，早餐亦變為半自助形式，供應時間為7:00am – 10:00am，每位MOP138 + 10%。其實一個早餐又邊食得幾多嘢吖，個人而言，我就鍾意半自助多過全自助，因為有時真喺貴精不貴多 。服務亦都很細心，一開始已問我哋需唔需要咖啡，因為咖啡喺即磨咖啡，落單先會另外沖調，食到尾聲，亦主動走過嚟需唔需要加添咖啡，服務質素好一向都喺酒店餐廳嘅賣點 ！餐廳中央，放有兩張自助任攞嘅食物枱，一邊喺沙律吧、麵包、餅乾及芝士、冷盤凍肉、乳酪；而另一邊則有自助穀麥、牛奶、果汁、生果、凍麥皮。講真，單單食勻依兩枱嘢已夠你飽到去下晝。打個譬如，以麵包為例，德國黑麥包、農夫包、牛角包、丹麥酥、
雖然喺提供早餐俾住客嘅餐廳，但地方無想像中咁大，約50個座位，但環境好雅致，以園林為設計藍本，除二人枱及四人枱，相信最搶眼喺餐廳中間嘅半開放雀籠，感覺有趣 。聽侍應講，之前餐廳喺供應全自助早餐，地方亦都大啲，不過最近全面翻新，早餐亦變為半自助形式，供應時間為7:00am – 10:00am，每位MOP138 + 10%。其實一個早餐又邊食得幾多嘢吖，個人而言，我就鍾意半自助多過全自助，因為有時真喺貴精不貴多 。
服務亦都很細心，一開始已問我哋需唔需要咖啡，因為咖啡喺即磨咖啡，落單先會另外沖調，食到尾聲，亦主動走過嚟需唔需要加添咖啡，服務質素好一向都喺酒店餐廳嘅賣點 ！
餐廳中央，放有兩張自助任攞嘅食物枱，一邊喺沙律吧、麵包、餅乾及芝士、冷盤凍肉、乳酪；
而另一邊則有自助穀麥、牛奶、果汁、生果、凍麥皮。講真，單單食勻依兩枱嘢已夠你飽到去下晝。
打個譬如，以麵包為例，德國黑麥包、農夫包、牛角包、丹麥酥、鬆餅、數款歐陸小圓包 ，都算陣容鼎盛，搽牛油又得，配芝士又可以，所提供嘅4款芝士，由淡到濃，總有款啱你口味，甚至乎DIY夾啲凍肉腸都會唔錯 ！進餐期間除咗杯咖啡之外，仲斟咗杯金巴利汁，即喺紅莓汁（Cranberry），酸爽醒神。而另外如主菜般散叫嘅，分為西式及中式，每類都有多款選擇，不過，你又咪以為真喺好似一般半自助餐咁，「主菜」限叫一款，每款又限叫一次喎，其實此餐牌散叫菜式，喺可以多款組合，更可以重複再點 ，例如麥皮搭幾款點心，奄列配瑤柱白粥……。
老婆晌「主菜」上就要香菇雞粥配銀芽炒麵，前者幾多料，雞肉幾鮮，粥底算綿，不過唔多夠熱 ，食粥都喺滾燙少少好食啲；後者炒得夠乾身唔油 。
小弟就先要份班戟，嘩！仲嚟兩塊俾我咁多，簡單淋上蜜糖已好好食；另外搭焗蕃茄、煙肉、腸仔，個焗芝士蕃茄幾好食，牛仔肉腸也不俗 ，喺最怕俾啲鹹到無譜嘅雞肉腸啫，但啲煙肉唔喺好得，肥就唔肥，但好乾，兼且似喺一早整定，既唔熱，又有啲乾硬 。
睇我哋食吓食吓都食咗好多嘢，因為硬喺樣樣都想試，所以，收翻文章前嘅一句：「一個早餐又邊食得幾多嘢吖」，哈哈！
张贴
