Wagyu Ya (已結業)

係尖沙咀唔知食咩好 , 行下行下見到呢間新開嘅和牛店 😯😯 就入左黎試下 ~揀咗吧檯位置 , 可以望住急凍櫃入面滿佈油花嘅鹿兒島和牛 , 仲可以望下師傅切和牛 ~一坐低 , 店員奉上玄米綠茶 , 茶包非常足料 , 好好飲 , 大家記住飲多幾杯 ! 😝😝沙律好大份 😬 , 沙律汁係自家調配 , 酸酸地 , 除沙律菜之外, 仲有蕃茄乾 , 蘋果乾 , 好甜好味 👍 同埋炸蓮藕 !  A5 和牛湯烏冬和牛份量都幾多 , 浸完熱湯 , 啱啱好熟 ! 牛味濃 🤤 , 稻庭烏冬煙韌滑口 , 湯底充滿牛肉味 , 略嫌油份多咗少少 嚟到重點 !!! 😱 燒肉 😱 !!! 左上 : 厚切牛舌 - 燒牛舌係冇得輸嘅 !左下 : 牛小排中間 : 薄切牛舌 - 第一次試 , 口感特別 , 脆口得嚟又煙韌 ~右上 : 牛柳右下 : 牛肉眼 每款和牛都好高質 , 燒肉配上 3 款自家調製醬汁 , 左邊係燒汁 , 適合重口味人士 , 特別惹味 , 中間係酸汁 , 可以中和和牛嘅油膩感 , 食幾多都唔怕啦 ! 右邊係粉紅岩鹽 , 點少少就夠 , 淡淡鹽味帶出和牛嘅原汁原味 !! 我最鍾意呢個配撘 ! 🥰🥰 食店服務周