影片
更多
2007-10-06
7 浏览
萬歲有人請我地成班同事去洲際酒店最下層「港畔餐廳Hotel Intercontinental –Harbourside」食dinner buffet。第一round, 當然主攻左海鮮類, 凍盤- 開邊龍蝦、3款生蠔、青口、帶子、長foot蟹。跟住熱葷, 最後甜品。- 龍蝦除左我地第一round太早無咁人時可以輕易到手, 之後真係要排隊先有, 排得遲都無晒, 雖然size都有男人手掌咁大, 但內質比較”un”左少少, 要咬一段時間先入到喉嚨-_-“。- 魚生每件都厚厚的, 但只有5-6款, 記住三文魚、吞拿魚、蝦…。- 另同埋青口帶子foot蟹都ok, 帶子都幾鮮甜。- 沙律我就無特別留意, 麵包都有幾款, 又有捧捧包,因為興趣不大未能評論。- 芝士幾款不同種類, 但=.=我、miradna、ling姐同candy都頂唔順d臭味, 咬左一口就放棄了, 可能係大家口味唔慣姐。- 而湯我就見到有竹笙翅湯, 一盅盅熱辣辣咁放好晒, 材料都十足十, 大家對佢都感到幾滿意。- 熱葷…..我最鍾意咖哩, 真係正, 加埋印度薄餅, 薯蓉都得, 正~~~~~- 片皮鴨, 雖然薄薄一片, 刀法幾好, 但比
第一round, 當然主攻左海鮮類, 凍盤- 開邊龍蝦、3款生蠔、青口、帶子、長foot蟹。跟住熱葷, 最後甜品。
- 龍蝦除左我地第一round太早無咁人時可以輕易到手, 之後真係要排隊先有, 排得遲都無晒, 雖然size都有男人手掌咁大, 但內質比較”un”左少少, 要咬一段時間先入到喉嚨-_-“。
- 魚生每件都厚厚的, 但只有5-6款, 記住三文魚、吞拿魚、蝦…。
- 另同埋青口帶子foot蟹都ok, 帶子都幾鮮甜。
- 沙律我就無特別留意, 麵包都有幾款, 又有捧捧包,因為興趣不大未能評論。
- 芝士幾款不同種類, 但=.=我、miradna、ling姐同candy都頂唔順d臭味, 咬左一口就放棄了, 可能係大家口味唔慣姐。
- 而湯我就見到有竹笙翅湯, 一盅盅熱辣辣咁放好晒, 材料都十足十, 大家對佢都感到幾滿意。
- 熱葷…..我最鍾意咖哩, 真係正, 加埋印度薄餅, 薯蓉都得, 正~~~~~
- 片皮鴨, 雖然薄薄一片, 刀法幾好, 但比較油。
- 甜品, 種類款式都好多選擇, 同埋賣相都好靚, 另外重有細細杯甜筒杯, 有5-6款口味, 即場選一種味雪糕, 幾得意。到我時, 個師傅聽唔到我要甜筒, 手快快用左碗, 最後佢都無黑面, 好快手將成碗倒左, 幫我轉過新雪權甜筒。另有黑白朱古力生果噴泉, 生果都有5-6款, 不算太甜。
- 最後每人一杯drink, 我地要左lemon tea, 奶、lemon、糖漿都係另上, 拮lemon的籤@@, 非一般的竹牙籤, 而係改用外型高貴的透明膠籤, 哈哈。
我地的位置係貼住落地玻璃窗, 中途重可以睇到維港的激光薈演。個view、feel同services都值回票價, 食物就無view咁值錢lor。我地傾下影下相, 好多人都陸續10點度走人, 只餘下少半客人再繼續。
今次真係食view, 唔係食食物lor。
张贴