KABOOM

今次挑戰walk-in 呢間人氣爆棚既餐廳, 因為我地6點令都算早, 所以咁好彩俾我地坐到rooftop既bar枱位😍 呢度真係有種去左渡假既感覺, 最正係每日都有happy hour🤩KABOOM Sharing Platter🍱($218)拼盤用左藤籃去裝住, 入面有炸到好脆既雞翼, 爽口鮮甜既雞尾蝦, 啖啖肉又帶有燒烤味既雞肉串, 辣毛豆, 法式麵包🍞 咁多野入面最有驚喜係個蝦, 汁又好味, 肉質又爽👍🏽Tom Yum Gong Risotto🥘($258) 冬蔭公味好濃同有層次唔係淨係死辣, 配搭有啲粉既大蝦, 有啲韌既帶子, 炸軟殼蟹🦀 飯既味係好好, 但係啲海鮮就麻麻地🤨Canloocan🍹($58)用柚子汁, 蘋果汁, 接骨木花調製而成既一杯mocktail 味道酸酸甜甜好消暑🥰Jambi🥒($58)非常清新既一杯mocktail由檸檬汁, 蘋果汁, 青瓜味梳打水調製😚呢度既vibe真係好正, 如果想靜啲又怕熱既可以坐下層室內位置同樣有打卡點, 不過上層既氣氛真係好好同埋望住個維港景真係冇得輸😌