Cafe Paradise (已結業)

百無聊賴既週未，係太子附近行完街，又到時間醫下個肚仔。唔想求其食完就算，轉左幾個圈，見到間叫Paradise 唔知食完會唔會真係有上天堂既感覺呢！粉筆字餐牌，旋轉木馬擺設，幾個簡單的花瓶，好似歐洲小型餐廳值得一讚係店內服務員好熱情紹待點左3樣菜式，紅菜頭飯–賣相既顏色比常吸引，食落飯一粒粒，少少紅菜頭既甜味，幾開胃瑞士汁雞翼～一個唔錯既小食，唔好睇佢咁黑，其實瑞士汁好重，甜甜既味道加上廚師火喉拿準，雞翼唔會煮都太老。白汁煙三文魚天使面～天使面面質彈牙，加上煙三文魚咸味再配上白汁味道剛剛好，入口後有想再接食一口既感覺。