心思思美食店

营业中

休息中

食過中午飯後未夠喉，想來個飯後甜品，突然想起這間幾次都食唔成既夾餅雪糕，（之前食唔成既原因係排長龍唔想等，有次終於唔使等啦但原來係賣晒... ）今次終於食到啦！未食過之前都成日諗熱辣辣既夾餅同凍冰冰既雪糕放埋一齊咪好快融？又熱又凍點食啊？望住老板即做夾餅，等5分鐘後... 揀雪糕啦，碎朱古力薄荷雪糕唔該，大大舊雪糕'筆'落去夾餅，賣相非常豐富，用油紙包住拎住食，想當年感，一口咬落去，又熱又凍，即做既夾餅脆卜卜，加埋雪得特別硬既雪糕，好好味啊！一定會再去食，仲可以同Q仔玩下。