心思思美食店

营业中

休息中

見依間舖好多人食就打算試下，$27買咗小丸子，見住佢係急凍櫃拎現成急凍貨翻炸頓時失望咗。等咗幾分鐘就拎到小丸子，外皮偏硬，粉感較重，同一般嘅口感有啲落差，其中有一粒仲要裂開咗，入面嘅餡都炸到熟埋，味道偏鹹，面頭仲要冇紫菜碎，成個感覺完全同一般嘅章魚小丸子唔同雖然$27價錢唔貴，但質素可以更好，我見佢格仔餅都有自己調製嘅粉漿。希望店家可以考慮改進做法，提供更新鮮嘅選擇。畢竟客人幫襯，都係想食到用心製作嘅小食，見到係急凍嗰下真係sad咗

喺屯門行行吓街，突然之間口痕想掃街，諗起華都呢邊有好多小食檔！呢檔心思思美食店每次經過都有啲人流，決定試吓先～咖喱魚蛋(8粒)💰HK$1010蚊有8粒魚蛋係抵食嘅，可惜魚蛋個質感勁硬，而且一啲都唔入味，非常之失望～格仔餅💰HK$19本身真係對格仔餅冇乜期望，點知味道有驚喜！格仔餅即叫即整，外層口感有少少煙韌，再加埋砂糖啲奶同埋花生醬，超邪惡超正～

今日真係好熱，好想食雪糕，但又想食格仔餅，放工經過華都商場就試吓食心思思，食過的朋友都話抵食，旺角都食唔到，結果我買咗2味的雪糕格仔餅（薄荷朱古力+曲奇味）🧇等咗一陣就有得食，整得好快，兩隻雪糕都好好味，係格仔餅就比較硬和無咩味，size真係夠大，食完都覺得自己涼快啲，經過都可以再試吓的。

❥雪糕格仔餅（$30）格仔餅即叫即整🧇口感QQ彈彈好特別，仲有淡淡蛋香味。雪糕口味可以雙拼～曲奇同薄荷啊唔該🫶🏻店員姐姐超豪邁將一球球雪糕塞爆整個格仔餅🍦確定吾會蝕本嗎？🤣

嘢係好食 但係態度真係好差今日又去咗呢間買嘢食 叫煎釀三寶 咁啱我前面有個叔叔 又係叫煎釀三寶 佢哋嘅煎釀三寶係擺喺個雪櫃裏面 但係佢哋嗰個雪櫃前面 係有個櫃頂住嘅 所以佢每次都要推開嗰個櫃 先打開到嗰個雪櫃 咁我見到阿叔嗌 我就跟住嗌埋要煎釀三寶 費事佢又要再推開個櫃 再打開個雪櫃攞嘢跟住嗰個肥女人(佢只係吊高把聲嚟講嘢 但內容 行為 係冇乜禮貌) 好似好愕然咁 無乜禮貌地同我講:"要等喎!" 我:"我知, 唔該曬."之後我就睇下有冇其他嘢食買 此時 佢向我收錢 我話:"好, 等等." 佢就話:"有呀, 有煎釀三寶呀!" (......🥴我都無問佢有冇) 我話:"我知, 我睇下有冇其他嘢嗌埋."跟住我就揀冷麵 執好一兜 就攞去畀佢 佢竟然將我個冷麵分 5 次嚟整！ 整一兩下 就幫其他客人撈冷麵 再返嚟整一兩下 又再幫其他人撈冷麵 來來回回總共 5 次 我一路都係企喺側邊等佢 而亦都肯定佢係見到我係等緊佢開頭嗰一兩次我都覺得 佢應該係想等我嗰個煎釀三寶炸好先再整 但係後來我覺得佢應該係特登玩嘢 有乜理由係咁整一

呢間舖頭開咗好多年 多分店 嘢好食但係 有一個情況就係 華都嗰間嘅某位女店員 佢態度唔係特別好 亦都唔係特別差 有一次佢冇戴口罩 佢喺度一路食嘢 一路不斷係咁喺度講嘢 一邊仲想幫我整冷面🤯 然後 我真係唔好意思地 提一聲佢戴返口罩 佢竟然同我講:"我食緊嘢呀嘛!" 我同佢講:"但係你整緊我啲嘢食呀嘛!" 跟住另一位女店員行過嚟幫我整 佢點解可以咁大條道理同我講話佢食緊嘢😵但係當間舖頭如果有一位男士喺度 (嗰位男士我諗應該係老闆嚟) 嗰個女店員就好似食咗蛇~咁 特別好態度 吊~高曬把聲嚟講嘢 "好有禮貌" 有禮貌到作狀嘅地步 我真係忍唔住會原地打幾個冷震

成日冇食野等朋友食dinner既時間就去左買啲小食食叫小食都當然要幫襯黃店啦~心思思都係由我小學開到宜家係大西北90後既集體回憶知道佢係黃店之後更加要幫襯多啲！今日想食燒賣就叫左 標明係金龍燒賣正正子豉油唔太鹹 辣油有香味冇乜油耗味燒賣蒸到透曬軟糯10蚊6粒 價錢可接受~~

【#肥波街頭小食系列】🎈返屯門就梗係要係屯門搵下黃店食啦，華都其實都有幾多選擇💛🎈係肥成買緊EGGY嘅時候，我周圍行吓就見到佢，$20有7包嘅撈撈撈😆以前好鍾意去旺中/葵廣行街時買黎食架💛不過今日呢檔份量就比較少…$20好似一陣風咁就無左喇😂純粹過下口癮都可以嘅🆗📍心思思美食店📍屯門屯利街1號華都商場1樓63號舖

💛黃店📜”心思思美食店 (屯門)📍地址:屯門屯利街1號華都商場1樓63號舖🤍分店地區: 屯門📝評價💬📢 小食店周街都係 華都美食街💛💛 Q餅出曬名😍雪糕Q餅就係另一個美食😋😋餅皮整得岩岩好 好香蛋味都好滑👍🏻👍🏻 加埋大大球雪糕 仲有香蕉🍌💛💛融落去好正🤩🤩冰麵都抵食🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

係市中心同女朋友行街肚餓，但又未到食飯時間，就帶佢嚟華都食下小食，今次我地試左豬腸豬紅。豬腸豬紅 $25開頭諗住都係每樣幾粒咁，估唔到佢會裝滿曬成個碗豬腸口感爽口彈牙好滑，而且冇任何蘇味！食得出係好新鮮嘅～而豬紅就咬落實淨，唔會一咬就碎曬或者好冧身。另外佢會問你要唔要辣，分別有辣椒豉油同咖哩汁2款揀。製作時間方面都快唔洗等好耐，2-3分鐘就得。衛生方面都ok，佢啲牙籤係收係入面，唔洗驚個個都摸過咁。

可能無對比就無傷害，之前係澳門食過奶醬格仔餅非常好味，之後響心思思食格仔餅就比較出高下。主要係心思思哩次既格仔餅無蛋味，又唔甜又唔咸，口感“味同嚼蠟”，加上紫菜應該係無鹽既所以都係無味，得番肉鬆苦苦撐住啲咸味，但係無醬癡住啲餡（紫菜肉鬆），啲餡堆嗮落紙袋底部，體驗並不是很好。但係工作人員服務態度OK。價錢方面，澳門果次食既格仔餅同哩次心思思既格仔餅都係廿幾蚊。

通常未到食正餐既時候肚餓，便會走到華都廣場樓下的小食店光顧。從市中心走入華都廣場，落一層扶手電梯，行左邊方向不到十秒便到。售賣的款式也是一般小食店所見的，如撈面、燒賣、魚蛋腸粉。也有較多人吃的生炸雞脾、Q餅。今次來到，選擇了店主推介的秘制雜錦來試試，看看是否如店主那般值得推介。秘制雜錦原來有很多不同的材料在裡面，有些在吃的時候更是想象不到。有紅腸、魚蛋、牛丸、蕃薯、蟹柳，居然還有炸雞塊，即麥樂雞形狀，每一啖充滿BBQ醬汁，黑椒味道，彷似在燒烤場吃的感覺，很好味👍👍👍👍平日多數光顧Q餅，現在也多了一個選擇，秘制雜錦。

食小食我最鐘意就係燒賣！但魚肉燒賣都有分唔同種類，隻隻都唔同味～成日同朋友講我鐘意食皺皮燒賣，佢地都唔明我講咩！但最常見係好脹好圓個款，我就唔鐘意！今日經過心思思見到10/7粒燒賣，就諗住試試！一拎到手發現係我鐘意個種皺皮燒賣！！！！熱到出煙都忍唔住即食一粒加埋甜豉油同辣油好好味！其實我話唔要辣，但可能戴住口罩老闆娘聽唔清，不過我都食到～其實我最鐘意係燒賣點喼汁，超好食10/7粒真係好平，而且係我鐘意既燒賣！下次要問下老闆娘有無喼汁～而且老闆同老闆娘都好好人好好禮貌！！！

華都可以話係小食店匯集，間間都有兩道散手。不過食左咁多年，都係最鍾意食心思思。今次為大家介紹心思思兩道我最愛嘅小食！- 生炸雞髀每一隻都係即叫即炸，所以由落單到拎到手，大概要等10-15分鐘。不過呢十幾分鐘其好值得等！因為佢真係隻隻都新鮮生炸。隻雞髀到手熱辣辣，Size都頗大隻。咬落口，冒煙已經好基本，仲要好Juicy，唔小心會被流出黎嘅「雞汁」辣親口。- 雞蛋仔有好多口味選擇，不過我都係偏好原味。雞蛋仔蛋味足，重點係一底起出黎，咬落外脆內軟。不過真係唔建議拎走食，即拎即食先食到咁脆，一落食擺耐左就好易潮。順帶一提，老闆娘好好人，態度親切！大家想係華都想係華都食小食，不妨去試試！

店員做唔停手，好多學生同埋附近既街坊都黎捧場😃見倒食客主要買佢地既冷麵、Q餅、格仔餅、雞蛋仔，綿羊聽倒有個食客話Q餅好食，於是就決定要試一試佢😂----------Q餅 3款餡料$29其實望落Q餅個顏色唔算好靚，食落確實唔夠脆，尤其中間有餡果啲位置😓綿羊揀左芝士、煙鴨胸、咸牛肉，鹹香配埋Q餅少少既甜味，食落味道唔錯，所以諒解佢地好忙，唔夠時間煎脆啲塊Q餅😥