影片
喺屯门行行吓街，突然之间口痕想扫街，谂起华都呢边有好多小食档！呢档心思思美食店每次经过都有啲人流，决定试吓先～咖喱鱼蛋(8粒)💰HK$1010蚊有8粒鱼蛋系抵食嘅，可惜鱼蛋个质感劲硬，而且一啲都唔入味，非常之失望～格仔饼💰HK$19本身真系对格仔饼冇乜期望，点知味道有惊喜！格仔饼即叫即整，外层口感有少少烟韧，再加埋砂糖啲奶同埋花生酱，超邪恶超正～
继续阅读
今日真系好热，好想食雪糕，但又想食格仔饼，放工经过华都商场就试吓食心思思，食过的朋友都话抵食，旺角都食唔到，结果我买咗2味的雪糕格仔饼（薄荷朱古力+曲奇味）🧇等咗一阵就有得食，整得好快，两只雪糕都好好味，系格仔饼就比较硬和无咩味，size真系够大，食完都觉得自己凉快啲，经过都可以再试吓的。
继续阅读
❥雪糕格仔饼（$30）格仔饼即叫即整🧇口感QQ弹弹好特别，仲有淡淡蛋香味。雪糕口味可以双拼～曲奇同薄荷啊唔该🫶🏻店员姐姐超豪迈将一球球雪糕塞爆整个格仔饼🍦确定吾会蚀本吗？🤣
继续阅读
嘢系好食 但系态度真系好差今日又去咗呢间买嘢食 叫煎酿三宝 咁啱我前面有个叔叔 又系叫煎酿三宝 佢哋嘅煎酿三宝系摆喺个雪柜里面 但系佢哋𠮶个雪柜前面 系有个柜顶住嘅 所以佢每次都要推开𠮶个柜 先打开到𠮶个雪柜 咁我见到阿叔嗌 我就跟住嗌埋要煎酿三宝 费事佢又要再推开个柜 再打开个雪柜攞嘢跟住𠮶个肥女人(佢只系吊高把声嚟讲嘢 但内容 行为 系冇乜礼貌) 好似好愕然咁 无乜礼貌地同我讲:"要等㖞!" 我:"我知, 唔该晒."之后我就睇下有冇其他嘢食买 此时 佢向我收钱 我话:"好, 等等." 佢就话:"有呀, 有煎酿三宝呀!" (......🥴我都无问佢有冇) 我话:"我知, 我睇下有冇其他嘢嗌埋."跟住我就拣冷面 执好一兜 就攞去畀佢 佢竟然将我个冷面分 5 次嚟整！ 整一两下 就帮其他客人捞冷面 再返嚟整一两下 又再帮其他人捞冷面 来来回回总共 5 次 我一路都系企喺侧边等佢 而亦都肯定佢系见到我系等紧佢开头𠮶一两次我都觉得 佢应该系想等我𠮶个煎酿三宝炸好先再整 但系后来我觉得佢应该系特登玩嘢 有乜理由系咁整一两下 又帮其他人整啫 可能系我头先话:"我知, 我睇下有冇其他嘢嗌埋." 得罪咗佢......🙄今日有另一个嘅员工(呢位员工嘅态度就好好 好正常 唔会特登吊高把声嚟讲嘢 对话舒服 唔会好似𠮶个肥女人咁) 𠮶位员工就负责我嘅煎酿三宝 就问:"煎酿三宝要豉油甜酱?" 咁𠮶个肥女人都听到佢问嘅 我𠮶个煎酿三宝已经搞掂啦佢就将我𠮶个冷面放咗喺柜面 乜都未落 就企咗喺度 要我同佢讲:"要蒜要辣, 唔该." 佢先拎起嚟整 真系极度冇品跟住佢收钱嘅时候 我就咁将啲钱放咗喺柜面 就拧转头走 哨到佢啤住我忍咗佢咁多下 佢摆明玩嘢 系咁来来回回咁多次帮其他人整 要我喺度等佢 咁冇品嘅行为 就唔好要求人哋有品咁对返佢 已经忍咗佢好多下 我仲要唔该前 唔该后喺 Open Rice Google Map 同埋 连登 都见到有人话佢态度差 我好希望老板可以睇到呢啲评论 正视下呢个问题啰
继续阅读
成日冇食野等朋友食dinner既时间就去左买啲小食食叫小食都当然要帮衬黄店啦~心思思都系由我小学开到宜家系大西北90后既集体回忆知道佢系黄店之后更加要帮衬多啲！今日想食烧卖就叫左 标明系金龙烧卖正正子豉油唔太咸 辣油有香味冇乜油耗味烧卖蒸到透晒软糯10蚊6粒 价钱可接受~~
继续阅读
您可能会有兴趣的...