Jacomax

营业中

休息中

今年第二餐生日飯，幫襯咗 Pizzeria Jacomax 於銅鑼灣剛開嘅分店。一入門口，意大利籍老闆 Jacopo 滿面笑容咁同我哋打招呼，好鬼親切😆。兩個人食，唔食得多，只可以叫一個 pizza 加一款小食。Pizza 我哋毫無懸念揀咗小店名物藍芝士蘋果薄餅，由於怕太 heavy，所以小食就揀咗麥啤煮藍青口，另外而家每位送汽水，我哋怕甜，所以叫咗 lime soda。藍芝士蘋果薄餅果然名不虛傳，芝士又厚味道又濃，蘋果雖然薄薄一片片但充滿果香，兩種食材放埋一齊，芝士嘅鹹香同蘋果嘅清甜估唔到係 perfect match，好食到唔停得口🤤。麥啤煮藍青口又係一絕，青口份量多，而且非常新鮮，不但充滿海水鹹味，仲有陣陣啤酒香，堅好食😋。飲品雖然係送嘅，但係一啲都唔馬虎，大大杯，青檸都落咗成大半個，勁正。埋完單，出門口，望返入去，Jacopo 又鬼死咁親切地同我哋揮手，好可愛。姐終於忍唔住問：你識㗎？我答：唔識喎。嘢又好食，老闆又親切，我好肯定咁講：I'll be back 🤣🤣。