影片
更多
2025-02-20
675 浏览
收工約咗朋友， 唔想出街吹風，近近哋決定喺商場入邊食算。揾到間睇落幾chill嘅西餐 佢有set, 但因為選擇比較少，我哋最終都係散嗌松露野菌濃湯一上枱好香松露味，入口都好creamy，夠咸帶到菇菌嗰種香味出黎。至於巴馬臣黑松露薯條，粗幼適中，份量一定夠飽😂 松露醬都夠點嘅，反而芝士碎係靚，味就唔算出，呢個我覺得還好意大利風乾火腿夏威夷pizza幾特別，我最初係想食ham, 望緊第二個pizza, 但又驚自己唔食無花果, 1516咗好耐最尾都係揀返comfort zone。隻ham都幾好食， 有啲咸香味， 唯一係我覺得太難咬開， 一咬落去就要成啖食咗塊ham，無得分開成塊pizza都食到ham。食到最後開始飽， 我索性卷起成塊pizza用刀叉慢慢切， 邪教食法😂但效果其實幾好， 起碼塊ham分贓平均咗。菠蘿有驚喜， 超大塊而且唔係平時食嗰種cheap cheap罐頭，好甜好juicy，加埋啲火箭菜味道好有層次，中和咗ham嘅咸味又令到唔太鍾意食麪包嘅我覺得個批底無咁dry。 煙三文魚蘆筍刁草忌廉汁天使麵夠幼，我不嬲鍾意天使麵比意粉嗰啲更掛汁，個汁如果再多啲就好，蘆筍比較細條， 口感爭啲
佢有set, 但因為選擇比較少，我哋最終都係散嗌
松露野菌濃湯一上枱好香松露味，入口都好creamy，夠咸帶到菇菌嗰種香味出黎。
至於巴馬臣黑松露薯條，粗幼適中，份量一定夠飽😂 松露醬都夠點嘅，反而芝士碎係靚，味就唔算出，呢個我覺得還好
意大利風乾火腿夏威夷pizza幾特別，我最初係想食ham, 望緊第二個pizza, 但又驚自己唔食無花果, 1516咗好耐最尾都係揀返comfort zone。隻ham都幾好食， 有啲咸香味， 唯一係我覺得太難咬開， 一咬落去就要成啖食咗塊ham，無得分開成塊pizza都食到ham。
食到最後開始飽， 我索性卷起成塊pizza用刀叉慢慢切， 邪教食法😂但效果其實幾好， 起碼塊ham分贓平均咗。菠蘿有驚喜， 超大塊而且唔係平時食嗰種cheap cheap罐頭，好甜好juicy，加埋啲火箭菜味道好有層次，中和咗ham嘅咸味又令到唔太鍾意食麪包嘅我覺得個批底無咁dry。
煙三文魚蘆筍刁草忌廉汁天使麵夠幼，我不嬲鍾意天使麵比意粉嗰啲更掛汁，個汁如果再多啲就好，蘆筍比較細條， 口感爭啲，煙三文魚正常發揮，一貫嘅好味~
最後個海鹽特濃朱古力慕絲，朱古力味係夠濃，但海鹽味唔係好出，甜度都偏高，食多兩啖會覺得滯（都可能因為我哋叫太多已經食飽咗lol
张贴
