影片
更多
2018-05-08
155 浏览
Paradise Cafe好耐未試過同朋友出去搵好西食喇，今次我地一行三人走咗去位於太子嘅Paradise Cafe食好西。Paradise Cafe係一間位於界限街附近嘅Cafe，雖然面積唔算太大，但裝修帶啲少女風，唔同位置都擺放咗啲公仔同相架做裝飾，令到感覺冇咁侷促。Paradise Cafe提供嘅食物種類同出面嘅cafe餐廳差唔多，以Set Dinner為主。可惜我地太遲先黎到，被其他人極力推介嘅香脆豬手已經賣曬，我地於是叫咗肉眼扒、羊架同埋三文魚天使麵。肉眼扒我地叫咗5成熟，牛扒外面帶啲焦香，而入面帶少少粉紅，冇出現過熟嘅情況，食落啱啱好。隨碟嘅薯角亦都好香脆好好食，好食到想叫多碟淨薯角（肥死你）。三文魚天使麵嘅份量比預期中細，可能主食份量比較保守係café嘅特色。三文魚嘅鮮甜，滲透入咗醬汁入面，掛係天使麵度放入口，鮮甜得來又唔會太肥膩，好食。跟住來的就係羊架。雖然我自己本身就唔係點食羊肉嘅，唔識點評羊肉嘅好壞，但係我望見佢唔會太難切，而且我啲朋友都幾滿意，應該唔會差得去邊。順帶一提，羊架仲要有薯角做配菜，無限加分。跟餐嘅凍檸茶唔會太澀，酸酸甜甜解咁解走肉食嘅油脂，令到我地食咗
好耐未試過同朋友出去搵好西食喇，今次我地一行三人走咗去位於太子嘅Paradise Cafe食好西。
Paradise Cafe係一間位於界限街附近嘅Cafe，雖然面積唔算太大，但裝修帶啲少女風，唔同位置都擺放咗啲公仔同相架做裝飾，令到感覺冇咁侷促。
Paradise Cafe提供嘅食物種類同出面嘅cafe餐廳差唔多，以Set Dinner為主。可惜我地太遲先黎到，被其他人極力推介嘅香脆豬手已經賣曬，我地於是叫咗肉眼扒、羊架同埋三文魚天使麵。
肉眼扒我地叫咗5成熟，牛扒外面帶啲焦香，而入面帶少少粉紅，冇出現過熟嘅情況，食落啱啱好。隨碟嘅薯角亦都好香脆好好食，好食到想叫多碟淨薯角（肥死你）。
三文魚天使麵嘅份量比預期中細，可能主食份量比較保守係café嘅特色。三文魚嘅鮮甜，滲透入咗醬汁入面，掛係天使麵度放入口，鮮甜得來又唔會太肥膩，好食。
跟住來的就係羊架。雖然我自己本身就唔係點食羊肉嘅，唔識點評羊肉嘅好壞，但係我望見佢唔會太難切，而且我啲朋友都幾滿意，應該唔會差得去邊。順帶一提，羊架仲要有薯角做配菜，無限加分。
跟餐嘅凍檸茶唔會太澀，酸酸甜甜解咁解走肉食嘅油脂，令到我地食咗成晚都唔會太重負擔。糖水又分開上，非常細心，值得一讚。
總括而言每人比百鬆啲嘅價錢，就食到呢一餐又有扒又有意粉嘅晚餐，仲要環境又唔錯，Paradise Café 係值得推介 。
张贴
