鮨文 (已結業)

一路以來我都唔太喜歡喺香港食おまかせ，原因係我覺得香港食嘅魚生始終比日本唔夠新鮮，如果要喺香港食啲咁貴嘅壽司，不如平平哋買張機票去日本食更好。不過今次友人話要同我慶祝生日，所以帶左我黎試。一入到黎店舖，就有種好high class嘅感覺，店員招呼10分周到，而師傅亦都好細心咁逐碟逐碟菜介紹，用左咩方法處理同咩配料。喺香港食おまかせ嘅其中一個好處就係你可以知道自己食緊咩魚，因為喺日本食，往往都聽唔明啲師傅嘅日文，所以根本就唔知自己其實食緊啲咩魚。講番啲食物先，講真，鮨文的確令我好有驚喜，基本上每樣魚生都十分新鮮，而且賣相好精美，完全改變左我對香港食おまかせ嘅感覺。呢間おまかせ好用心，食物質素好就，真心大推！