月下酌 (已結業)

從來唔寫食評，估唔第一次畀咗呢間，仲要迫我寫劣評。簡單講，冇服務，遲出菜，出菜節奏全錯。訂位時亦冇通知客人是晚只做套餐冇散叫，入座時天花滴水，冷氣槽在頭頂大風到係會吹亂頭嗰種，要叫兩次先有人調較好。唔叫係唔會有人斟水同畀menu。餐廳無視限聚令，有12個人開party又唔帶口罩，有服務生亦唔帶口罩。整晚就在催起菜同避旁邊唔帶口罩開party啲人而惶恐中完成餐飯，已經冇心情考究好唔好食，因為真係一肚氣，話知佢就算好食到曉飛都係一定冇下次！