COCO

营业中

休息中

COCO係美麗華酒店嘅蛋糕店，亦都可以嚟坐吓飲下野，咖啡，茶，果汁等都有。先揀咗杯Matcha Mocha，即係Mocha加上抹茶，之前係某連鎖咖啡店試過呢種配搭覺得唔錯，但呢度嘅就唔係太啱口味，唔會太甜，但就覺得味道唔太好，正價仲要係$65一杯。嚟呢度當然要試埋佢出名嘅蛋糕啦，餐牌上有唔少選擇，但就要望番個餅櫃仲有咩揀，賣哂就要下次再嚟試。今次好彩signature嘅Or Noir仲未賣哂，一件好啱朱古力fans嘅蛋糕，由外至內，黑同白朱加都有。冇想像中咁甜，一個人食哂一件都唔會覺得好膩，好味！平日都有不斷有人嚟買蛋糕，有外賣有堂食，未到八點半收舖時間就已經差不多賣哂。