意家煮

营业中

休息中

自从几个月前知道开左呢间小小西餐店，放lunch时间1个月可能都有1-2次会黎呢度食。餐厅位置唔算好起眼，铺头空间唔大，只有两个人营运，都只有5张台，迟少少黎都可能满座，但系店小小环境舒适，冷气够劲，不过食物真系好食所以偶尔都会黎食。今次简左一直都想试既香煎牛舌配薯菜（＄65），跟餐会有西汤同饮品西汤好似系甘笋南瓜汤，入口感觉好舒服，调味适中。本身对牛舌既印象系好容易整到好硬，咬唔开，但系呢份唔会，而且系3块都几厚下既牛舌，用刀切好容易就切得开，入口都好嫩，我个人觉得单食牛舌调味已经够，但跟餐都可以简黑椒汁、洋葱汁同香草汁，点左会更惹味D。成份餐65蚊食物质素高，推荐一试，其他餐点食过都好好食，如果中意食手工汉堡扒既一定要试下汉堡包或者汉堡扒餐。