意家煮

高質原來就在附近，呢個舖位都轉左幾手，今次心血來潮試下，其實之後都睇過下食評話唔錯，但總係忘記過來試。星期三閒日，上午十一點半左右，店內空無一人，店員亦不太熱情，無所謂吧反正諗住隨便吃個午餐，餐單簡約，我選西冷配太陽蛋意粉紅燒肉，另一半要龍脷柳配煙肉意粉洋蔥汁，點餐後隨即送上西湯，西湯是南瓜湯，清清的南瓜味、不會太杰。廚房只有一位廚師一腳踢，不久我的餐送上有驚喜，擺盤精緻，用上很多配料，整個擺盤都有心思，相信廚師應該做過酒店吧？粉意有少量調味，上面有少量微型菜苗，食落清新可口。西冷旁邊放了蕃茄、生菜上有青瓜大蔥絲撈了沙律醬，作為前菜非常開胃。薄西冷不會太韌、亦吃不到筋位。燒汁味濃。龍脷柳炸得香脆，不會太油，煙肉炸到很脆。但這個意粉無調味。擺盤配料是一樣的。洋蔥汁美味。廚師既藝術品、平民既價錢牌。有心做既小店一定要大力支持！如果廚師再諗下整啲signature既招牌菜，應該會吸引更多人來幫襯。…查看更多

餐廳雖然只是間位於民居之中的小店，但其食品質素卻比不少大型食肆都要好🫡實在值得更多人認識😎———————————————————————牛脷有三大塊，每塊都非常厚切，份量十足😳表面煎得十分香口，內裡肉質卻依然保持軟嫩🥹再加上牛脷油脂充足，令牛味非常突出🐂豬扒同樣份量十足🐷調味適中，肉質鬆化，煎得十分出色👍🏻雞扒厚身🐔雞皮煎得十分香脆🥰肉質嫩滑，仍有肉汁，非常高質🍗每款扒類都配有的沙律同樣有驚喜😀沙律酸酸甜甜，當中的柚子肉令整體味道更為清新，中和了扒的油膩感😇———————————————————————每個西式扒餐還附有餐湯和餐飲，本人認為CP值極高，絕對值得支持🥳…查看更多

小小地方的西餐，果然今人胃口激增，雖然廚房少人煮東西，等了少許時間才上菜，出色的煎魚，牛舌，牛扒一般，有根位，但味道出色，餐前蜜糖包及洋葱湯好飲，總括小餐廳物超所值，可以再回頭食。…查看更多

火腿奄列配薯餅及是日沙律菜- 火腿奄列份量都幾足。薯餅係即叫即炸，外脆內軟好味。沙津配黑醋味道唔會好酸，怕酸的我都覺得幾好食。沙爹牛肉公仔麵配兩款餸- 除咗叫了個沙爹牛肉公仔麵外，兩款餸我地揀咗豬柳漢堡扒和炸帶子。其實出面已經好少有餐廳提供炸帶子，所以好有驚喜。炸帶子酥脆好好食。沙爹牛肉、豬柳漢堡扒都好食。食完一個咁豐富的早餐，即刻元氣滿滿！…查看更多

門口要你人齊先入得座，兩位既人遲過我地都可以照入去，唔會留一陣個位比我地，一味係咁要你等，係咁放啲兩位入去，不知所謂既安排，我本身好少黎河畔，小朋友好肚餓咁等，真係好差既體驗，一定blacklist呢間…查看更多

已經食過五次以上，早餐、午餐、晚餐全部都試過，真係一間好高質嘅西餐，令我不斷回頭。佢主要做街坊生意，就算搭車過嚟食，我都覺得非常值得👍今日假日來食lunch，是日餐湯係薯仔大蒜湯，主菜叫了手打和牛漢堡煙肉配飯、香煎豬扒太陽蛋配薯菜，兩樣都好好味，配菜仲有我鍾意嘅青瓜、日式柴魚片😋幾十蚊嘅價錢，有咁嘅質素，真係超值。我好少寫食評，希望佢生意興隆、長做長有，咁我可以繼續有得食😬…查看更多

食物質素：牛脷煎得好香，用小鐵板上菜，保持温度，值得一讚～ 而且一客有4件牛脷，CP值很高配菜的粟米有淡淡的牛油味道，和粟米的天然甜味很夾餐湯係南瓜湯，有濃濃香甜的南瓜味，加埋忌廉好香滑～這間店還有all day breakfast，之前也吃過但是忘了影相，最驚喜的是黑糖小麵包，有天然的甜味，而不是人造甜味，喜歡all day breakfast的要來試試服務質素：服務員只有1位，還要兼顧收銀及上菜，另外大廚也只有1位，要預算等一會，不過以cafe來講是合理的等候時間環境：小店的坐位有限，有時比較難揾位，建議早點或遲少少去…查看更多

第二次幫襯，依然保持水準。店內只有兩人運作，估計佢地應該夫妻拍檔，一人負責樓面，一人負責廚房。所以如果人多時，食物等候嘅時間會比較長，但本人覺得絕對值得因為食物真係非常有水準💯今次晚餐叫咗三文魚忌廉意粉🍝同肉眼扒🐮，每個餐都配有熱辣辣嘅黑糖麵包🥖同濃郁嘅南瓜湯🥣歎完前菜，隔咗一陣牛扒上枱嚕，佢嘅鐵板餐全部配有烤蔬菜🥕同粟米🌽，仲可以揀配薯條或白飯，我地今次就揀左配白飯🍚，肉眼食落唔會過熟或生，配上紅酒燒汁味道非常好👍🏻，老公食完都好滿足😋而我嘅意粉🍝賣相都非常吸睛，色彩繽紛，賣相加味道令人胃口大開，而份量我相信一個男士食都絕對夠飽😋最後仲會送上雪糕一球🍨，呢個就正常發揮總括然而，絕對無野可以挑剔✅，希望佢地可以一直保持水準，繼續努力，亦都希望可以有更多人認識到佢地嘅小店，有更多人嘅支持❤️…查看更多

自從幾個月前知道開左呢間小小西餐店，放lunch時間1個月可能都有1-2次會黎呢度食。餐廳位置唔算好起眼，鋪頭空間唔大，只有兩個人營運，都只有5張檯，遲少少黎都可能滿座，但係店小小環境舒適，冷氣夠勁，不過食物真係好食所以偶爾都會黎食。今次簡左一直都想試既香煎牛舌配薯菜（＄65），跟餐會有西湯同飲品西湯好似係甘筍南瓜湯，入口感覺好舒服，調味適中。本身對牛舌既印象係好容易整到好硬，咬唔開，但係呢份唔會，而且係3塊都幾厚下既牛舌，用刀切好容易就切得開，入口都好嫩，我個人覺得單食牛舌調味已經夠，但跟餐都可以簡黑椒汁、洋蔥汁同香草汁，點左會更惹味D。成份餐65蚊食物質素高，推薦一試，其他餐點食過都好好食，如果中意食手工漢堡扒既一定要試下漢堡包或者漢堡扒餐。…查看更多

知道附近呢間隱蔽小店轉左手，想試新口味所以今日過嚟試下。小店開8:00，即係一定唔係target上班族的早餐。見到有all day breakfast，西式扒早餐，亦有沙嗲牛同雪菜肉絲呢類港式早餐。我係傳統派，就試下雪菜米先！一般雪菜米應有味道，食得出係自家炒，而唔係落罐頭，但味道可以再突出d，例如有d店家會落重蒜，有d會落蝦米，老干媽等，令到雪菜浸湯會令湯底變得香濃～同埋肉絲可以切長啲幼啲，先可以同米粉一齊叉入口。比較欣賞隻太陽蛋，煎得岩岩好，灑上黑椒，黑椒好香，唔會攻鼻，有畫龍點睛效果。但就挑剔唔知為左裝飾定係點，加左木魚碎，木魚味濃，其實就霸道地充斥哂成碗米粉味道，完全喧賓奪主，可以唔使落。另外仲配咗蜜糖包，都算鬆軟，上枱嘅時候熱辣辣，但蜜糖嘅味道我略嫌有啲過甜，就算細細舊都覺得好漏，可以試吓其他配料。餐飲我跟咗熱齋啡，比起茶餐廳極酸嘅咖啡好，但都唔算特別，可以用半價優惠叫即磨咖啡，但我就冇叫到。而且見到店面剩係得一個店員，廚房得一個人，都會擔心午市時段會唔會做唔嚟？因為我個早餐一碗米粉，都要等10分鐘，或者佢嘅定位就係比慢活嘅人士？值得一讚嘅係店舖環境好舒服，播住柔和嘅音樂，所以都係一個令人放鬆嘅早餐！…查看更多

Lunchtime經過見到有間新餐廳決定一試都幾多人喎地方係比較淺窄～不過整體店鋪環境都舒服嘅睇黎店主好鍾意多啦a夢haha（仲有啲擺設冇影到時間好tight而且樓面連廚房得兩個店員好彩上菜都快我點嘅番茄雞肉意粉🍝份量都好足夠最驚喜嘅係意粉炒得好香整體配搭酸酸甜甜幾開胃好食推介！男朋友點嘅豬排配漢堡扒同薯菜（送香草汁）可以揀漢堡扒 / 蛋etc. 黎配排又幾豐富最出色嘅係薯條用左調味點綴零舍香脆肉我冇多食但聽食肉獸男朋友講都係正的不過香草汁就唔係太重味～我自己試左淡都唔係特別好香草汁:(下次要試下其他汁先haha好趕嘅lunchtime都係好滿足嘅一餐最出色係普通嘅意粉 / 薯條做得好有誠意會再encore…查看更多