港畔餐廳 (已結業)

因為網上有超抵優惠，所以買左二人午餐自助餐套餐$672, 相等於 $336/一位，超抵食，平時有信用卡優惠都要5佰蚊一個人，所以係超正 千載難逢。果然無令我失望，一如以往的好，都食過幾次了，但都擔心會因為這超抵價會無咁多正野食，果然一樣正。我都食左好多野，有多款沙律，麵包蟹，長脚蟹，青口，蝦，刺生，壽司，天婦羅，湯粉麵，pizza, 燒豬腿，蟹粥，中西式湯，熱薰好多款架，仲有雪糕筒，甜品好多，拿破崙，蝴蝶酥，豆腐花，朱古力噴泉，茫果糯米飯，好吸引架。另包一杯特飲+一杯餐茶，好抵囉，最後叫左coffee 餐飲，佢係成壺上架，足足有3 杯架所以一定要去試下~