影片
更多
2013-07-30
94 浏览
好少去大角咀，以為係老人舊區殘殘地再胡亂加啲豪宅嗰隻啦...點隻上次去做野時發現左啲驚喜完全唔熟路，發現最旺條街叫埃華街，超多食肆，但其實都不乏嗰啲四十幾蚊個餐嘅"超華麗茶記"(閃哂燈嗰隻)，非常悶蛋！心諗出街做嘢已經身水身汗，收左我四十幾蚊食個餐仲要當我係一粒俄羅斯方塊(一支公食嘢其實幾無奈)，決定揾間密度低啲嘅地方比自己食個好啲嘅lunch囉，行到去中滙街，竟然有間聲稱Hawaii的餐廳，從門外玻璃"裝"入去環境幾OK，五十幾蚊起錶冇加一，就膽粗粗試吓囉。十二點幾未夠一點入到去唔太多人(員工同客如是)，老實講我未去過夏威夷亦未食過夏威夷餐廳，但大熱天時比我幻想吓Hawaii都幾過癮，ok u win。當然啲位好濶落，坐得舒服，求仁得仁嘛，冇咩idea食咩，口淡淡就試吓你個夏威夷式咖喱雞，諗住伏極都有個譜，落左單冇耐就有湯飲，冇得揀，一味白湯，心諗你咪忌廉湯行嘢，点知飲左啖...ops！！！要映幅相寫食評先！竟然完全ok！原來是忌廉薯仔湯！點解我知道有薯仔是因為我真係飲到有啲起哂"沙"feeling嘅薯仔肉，聽落去好似"哥倫布"左咁，但我完全被驚喜ed，須要知道香港食肆都幾多老馮式行
完全唔熟路，發現最旺條街叫埃華街，超多食肆，但其實都不乏嗰啲四十幾蚊個餐嘅"超華麗茶記"(閃哂燈嗰隻)，非常悶蛋！心諗出街做嘢已經身水身汗，收左我四十幾蚊食個餐仲要當我係一粒俄羅斯方塊(一支公食嘢其實幾無奈)，決定揾間密度低啲嘅地方比自己食個好啲嘅lunch囉，行到去中滙街，竟然有間聲稱Hawaii的餐廳，從門外玻璃"裝"入去環境幾OK，五十幾蚊起錶冇加一，就膽粗粗試吓囉。
十二點幾未夠一點入到去唔太多人(員工同客如是)，老實講我未去過夏威夷亦未食過夏威夷餐廳，但大熱天時比我幻想吓Hawaii都幾過癮，ok u win。當然啲位好濶落，坐得舒服，求仁得仁嘛，冇咩idea食咩，口淡淡就試吓你個夏威夷式咖喱雞，諗住伏極都有個譜，落左單冇耐就有湯飲，冇得揀，一味白湯，心諗你咪忌廉湯行嘢，点知飲左啖...ops！！！要映幅相寫食評先！
竟然完全ok！原來是忌廉薯仔湯！點解我知道有薯仔是因為我真係飲到有啲起哂"沙"feeling嘅薯仔肉，聽落去好似"哥倫布"左咁，但我完全被驚喜ed，須要知道香港食肆都幾多老馮式行嘢，地產霸權當道，人人同你講Cost Utilization嘅時候...唔"嗟"咁遠，咁認真的忌廉薯仔湯，我是絕對收貨的。main course出場，我真係唔知夏威夷式咖喱正確係点，但雞好滑(唔好問我有冇雞味)，有一種玻璃蝦但雞version嘅感覺，good！咖喱好香，遞上枱時已聞到，隻蛋好靚仔，薯仔好似煎過又唔硬又唔太淋，仲有我最唔like的紅蘿白，但唔知点解我清哂碟，完全收貨，是好食的。
不過我不能不提杯飲品，完全"不是我杯茶"，因為本人是隻"沙漠中的大笨象"，兩啖飲完一支細可樂的，而這裡的凍飲非常"的色"，不過重點是味道...凍奶茶是fail的，比麥噹噹還差...但在炎炎夏日中的鬧市，能找到間食物好食又坐得舒服的食肆然而又唔太貴，ok我原諒你: )
P.S.裝到隔離枱叫左個有免治豬有蛋蛋有"通粉"的好似好ok，價錢仲平過我個咖喱，下次去開大角咀要試吓先
张贴
