翠亨邨 (新世界大廈)

营业中

休息中

晚上八時與老友去翠亨村晚飯談心，點了最愛的炒斑球及豬肺湯，點知兩樣都賣晒，唯有點頭抽白爐魚球，部長就推介一個咸豬骨大芥菜煲，另外我們再點了咕嚕肉。爐魚球比預計中好味，雖然唔想食太多炸物，但這個餸造得好好，外面的魚皮炸得脆脆的，爐魚肉則好嫩好 juicy ，咬了一口，還看到白雪雪的魚柳滲出晶瑩剔透的魚油油份，好吸引！咸豬骨大芥菜煲本身沒想過會叫的，因為對咸的豬骨放湯沒太大興趣，但既然部長推介，想叫的豬肺湯又賣清，唔想再諗就一於試下。部長也果然沒介紹錯，湯是喊喊地有豬肉味，想不到選取的芥菜非常嫩，好好食，好清甜，令人回味。咕嚕肉都幾好食，唔會炸到乾晒，亦唔會太多肥肉，也有水準。整體上都幾滿意，不過侍應有時太忙，啲餸菜擺左好耐先由侍應端到客人桌上，此點有待改善。