陳儀興玫瑰餐廳

营业中

休息中

今日一收工就去覓食，見到有牛雜雞煲就入左去😂因為我成日食雞煲，但加埋牛雜都係第一次見。Hot!魔鬼牛雜雞煲係288，呢到都有普通雞煲既，價錢就平一半左右。因為六點入座，得一兩枱客，之後碌續有人入黎，大家都係食雞煲喎😂證明冇揀錯。叫完雞煲佢會上醬油配料，因為之後會打邊爐，都叫一應俱全。個牛雜雞煲一上真係嘩一聲，好多牛雜呀同香料配料！最鍾意牛肚同腸，同濃郁既醬汁好夾。食到咁上下就加湯，有原味同芫茜湯揀。打邊爐我地叫左餃子/魚皮餃(雙拼)、黑豚肉同薯粉。雞煲加邊爐本身已經冇得輸，今次加埋牛雜又幾過癮幾夾！食完都係七點，快靚正！