麒藝館 (已結業)

朋友下個月結婚要比紅色炸彈我，已經年幾冇見所以要請佢食返餐好，慶祝佢就嚟做老襯。平時比較少食中菜所以今次我就揀咗呢間一直想來試嘅中菜。環境幾好坐得舒服，都幾適合約朋友傾計食飯。我點左招牌無花果叉燒，果然係好味。佛跳牆都幾足料，呢個天氣適合滋補下。佢哋好多餸菜都有花膠，鍾意食花膠嘅人真係要來試吓。另外佢哋嘅焗蟹蓋同花膠撈飯都好正。唯一比較失望係佢哋個蟹黃豆腐，嚟到嘅時候已經係lukewarm, 唔熱邊度好食㗎。而且蟹味都唔係好突出，$188食個豆腐我expect質素好啲囉。值得讚嘅係佢哋嘅服務幾好，下次會再同朋友嚟食嘅。