麒藝館 (已結業) 查看

這家號稱天下第一豬麒藝館，門口有燒爐，主打即燒乳豬，所以特意來試下。即燒天下第一豬 果然沒有令我失望，例牌有六件$348，食過至知，真係物有所值。點心四格： 蝦餃， 松露燒賣， 爆米蜆介鯪魚球， 牛肝菌和牛酥 點心做得頗為精緻，特別是鯪魚球外層脆米脆卜卜裏面軟糯，好味有創意。一蟹兩藝 皇室焗釀蟹蓋 陳醋嘢米沙律蟹件 這釀蟹蓋原來是炸軟殼蟹 拌沙律菜同吃 不是傳統用蟹肉釀蟹蓋，有點失望。金沙黃金蝦窩巴 黃金蝦一客四件，蝦球好大隻，沾了鹹蛋黃 非常惹味，配窩巴同吃，唐酒花膠蟹肉蛋白，賣相吸引，酒香撲鼻。除了食物令我相當滿意，服務招呼一流，環境舒適，異常好的用餐體驗。

4月21日開返晚市，老婆想食乳豬，咁就openrice搵下邊度好食啦！搵到e間就即刻係試下啦！泊車之後就直接搭𨋢上去，去到門口重見到有師傅係門口個玻璃位燒緊乳豬仔，心諗今次都無去錯地方啦！入到去揀茶，我地就選擇左烏龍茶，跟住就望下個餐牌啦，餐牌以中餐為主，有乳豬，海鮮，花膠同埋其他中式小炒等，咁我地就選擇左以下嘅菜式。即燒無花果天下第一豬，夠膽講自己係天下第一豬，就當然唔惹少啦！叫左一個例牌，有6件，2位夠食啦！食落去個皮就真係好脆，完全係新鮮燒出黎嘅感覺，豬肉好入味，唔咸，你跟本唔洗點醬汁就已經好夠味，師傅刀功非常好，完全無骨，啖啖肉，我地都覺得完全係對得住個名。跟住就係蜜絲咕嚕肉，師傅加入左無花果，咕嚕肉啖啖肉無骨，而且d粉上得剛剛好，唔會有個好厚粉嘅感覺，食落去味道咁酸甜，送飯一流，唯一差少少嘅就係d洋蔥放耐左，有少少變左味，整體黎講都好出色。另外一個主角出場啦，月羊肚菌白湯燴澳洲龍蝦，羊肚菌近年大熱，羊肚菌有機鍺含量較高，具有強健身體、預防感冒、增強人體免疫力的功效。甚得家庭愛戴，上湯加上羊肚菌味道特別，加上啖啖肉嘅新鮮龍蝦，食落非常有驚喜，比較起普通酒樓更加好味，而且都係果句

往年，農曆大年初一要飲茶嘆點心，最低限度要提前兩至三個星期訂枱；猶記得即使上年牛年年初一，雖然有疫情限聚令，市面氣氛仍算熱鬧。估唔到今年農曆年底前疫情復熾，禁止晚市堂食，午飯時段人流也大為減少。訂枱容易了，「麒藝館」甚至有主餐牌七折優惠！碰巧餐廳門口接待處的背壁用上桃紅色作主調，室內又有一大幅棗紅色牆身；只需要將玄關前的盆栽換成一大盤紫紅色的蝴蝶蘭，立即充滿新春氣氛。室內裝潢其中一邊設有包廂，大廳則以6人圓枱及四方形2至4人細枱為主；沒有舖上枱布，裝修風格走簡約輕便中餐路線，與主打花膠名貴菜式似乎格格不入。配合新春時節，以優惠價推出三款套餐，豐儉由人。午飯時段，還是喜歡吃幾款點心及揀幾個簡單小菜。爆米蜆介鯪魚球（$78）賣相有趣，將三粒迷你炸鯪魚球串在一起，一客兩串。鯪魚球表面沾滿炸至脆卜卜的白色爆米花，碟底再鋪上一層金黃色的爆米花，簡單得來有心思，提升這客小食的賣相。炸鯪魚球表層有脆卜卜的爆米花，咬下去則煙韌彈牙；鯪魚肉鮮甜，味道稍為偏鹹，如果多一點陳皮蓉增添香氣會更好味。醬皇鳳爪（$68）汆水唔夠徹底，有少少臊味；醬皇味道太淡，鳳爪唔夠惹味，亦唔夠軟腍。以此級數的粵菜館，鳳爪不合格

今日喺麒藝館同朋友一齊午餐，用餐過程服務周到，尤其Dennis嘅服務令人覺得舒適，在現今嘅飲食業中很難看見，值得讚賞。在與經理Stella傾談後發覺她的用心領導，引領到員工可以有此優質嘅服務！

Boxing Day 冇食西式嘢，特別啲來個中式精緻晚餐，餐廳走精緻中菜路線，環境同食物都不錯。😋西班牙焦香腩叉燒叉燒燒得好香，肉質鬆軟，略肥，油脂甘香。水晶花膠凍花膠凍入口即溶，每粒都食到有花膠在裏面，好滑，每粒都充滿了雞湯味。加啲黑醋啫你一齊食，又係另一種味道。椰子紅蘿蔔栗子煲豬展湯真材實料嘅湯，冇味精，味道濃厚。核酸惹菌炒蝦球鮑汁花膠撈飯好矜貴嘅炒飯，鋪滿晒花膠絲，加上鮑汁，炒飯粒粒分明，有蛋香，好味。

We have made a reservation and they give us a large room which surprised me cause it’s like a room serving for ten people loll, quite spacious though the food keep turning in the table Having Chrysanthemi Flos as night tea drink is a good choice and won’t be afraid of insomnia haa, for first few pot the taste is so sweet and so calming, good to have it with some oily dishes Classic BBQ Pork is indeed yummy with lovely sweet bbq sauce,  the texture is not soft as i think, cause i though it gonna

無即燒無花菓天下第一豬，當然是麒藝館的經典招牌菜，從餐廳門外的玻璃幕牆已見到師傳在爐火前燒化皮乳豬🔥 琥珀般亮澤的乳豬皮薄香脆，垂涎脂香，肉嫩甘香😍 食用時蘸上秘製無花菓醬，令佳餚味感倍增昇華，果香夠醒胃，吃每啖乳豬郁香豐腴，但卻絲毫不膩☺️花菓極品黑叉燒，一共八粒一口四方叉燒，以無花果醬來炮製，肉質嫩滑，不過肥肉較多😌 叉燒入口相當軟嫩，加上清甜的果香味中和肥膩感☺️ 搭配芥末醬令味道不感單調，配上魚子醬提升味道同口感👏🏼金沙黃金蝦窩巴🦐 ，蝦球爽脆鮮甜，鹹蛋黃完全掛在蝦球上，就是剛剛好，沒有多餘鹹蛋黃溢出，連窩巴都由黃金般的鹹蛋黃炒過，出品亦不馬虎☺️唐酒花膠蟹肉蛋白🦀，厚身既花膠配上一絲絲蟹肉，鮮味十足，底下的蒸蛋白綿滑，帶點酒味，味道一流😌🍽 🍽：無即燒無花菓天下第一豬（例牌）；花菓極品黑叉燒；金沙黃金蝦窩巴；唐酒花膠蟹肉蛋白👅好味指數：7.5/10；7.75/10；7.5/10；7.0/10💰消費：HK$348；HK$168；HK$288；HK$188📍 地址：麒藝館 (銅鑼灣)銅鑼灣勿地臣街1號時代廣場10樓1001A號舖

「天下第一豬」牌匾於正中，左右附以「瑞麒迎客千杯醉，豕藝奉友萬家嚐」對聯，師傅在一扇玻璃前埋首燒豬，餐廳門口最吸睛的莫過於這個位置！有商場優惠券在手，一早選定這餐廳，試試「天下第一豬」是否名副其實。餐廳內裏設計高雅、空間大，坐得舒適，但冷氣不足，有點侷；人也較多，有點嘈，美中不足！環境寧靜一點，能配合餐廳雅緻和高級的形象之外，客人也會覺得吃得舒服。先點了👇🏻☕️桂花烏龍 $20（每位計）⭐️⭐️⭐️⭐️⭐️清香，順喉，茶味濃淡有致，好喝😋😋！茶壼很漂亮，而且甚有分量，頗重。🥘即燒無花果天下第一豬 $348 （例牌）⭐️⭐️⭐️⭐️⭐️ 即燒上枱，夠熱👍🏻果然皮脆肉嫩，而且皮不厚；味道甘香、不油膩；但稍微鹹了一點，蘸附上的醬料，好好味！不愧為招牌菜😋😋😋😋！例牌size，一碟6件。碟大，更凸顯分量少；不過，我們兩個人吃，非常足夠，否則會覺得滯。🥘唐酒花膠蟹肉蛋白 $188 ⭐️⭐️⭐️有花膠、有蛋白，是養顏菜式，要吃多一點😁😁花膠分量算多，但味道較淡。蛋白嫩滑，吃到淡淡的酒味。🥗濃湯花膠腐竹浸時蔬 $188 ⭐️⭐️⭐️⭐️我們從當日提供的蔬菜中選了菜心👍🏻👍🏻湯底鮮甜，花膠算多，起碼望到不覺得「肉酸」。菜心都甜、又嫩又爽

今晚吃蟹宴，味道尚可，但上菜速度真係有好大嘅改善空間，坐喺我對面一對年紀比較大嘅「哥哥姐姐」，等上菜等到瞓著咗，點解上菜要咁耐呢？全餐飯得甜品係熱嘅，其餘都凍咗，有啲失色。

XO仔手持數張時代廣場嘅餐飲現金券，所以就豪氣地約同幾位長輩去幫襯商場內一家貴價啲嘅「麒藝館」。店子準六時開門，正門左方可見金漆字句寫出「天下第一豬」，明顯係招牌菜，咁梗係要試吓啦！於接待處安心量度體溫時，發現原來用指定匯豐卡找數可即享八五折，精明嘅消費者一算已計到此優惠分分鐘抵過用手上僅有嘅$200禮券，不過最實際都係等埋單時見機行事。用餐大堂嘅散座分隔得都幾開，空間感十分足。中菜廳樓底高高，雖並無花巧之裝潢，但勝在格調高雅。六人被安排入座內廳其中一張大枱，長輩都大讚闊落舒適。餐桌上擺有齊備嘅自用及公用餐具，衛生企理。茗茶每位$20，一頁靚茶選擇甚有貴氣。細看十多頁厚本餐牌時，留意到香檳、紅酒、白酒嘅開瓶費為$200/枝，高級餐廳黎講真係算好有良心喎。服務生友善客套，落單時除咗推介招牌菜之外，因深知部份菜式如「金沙黃金蝦窩巴」一客只有四件，更主動提出可安排廚房加夠六人份量，當真細心周到。即燒無花菓天下第一豬（$348/例）：招牌菜天下第一豬例牌共有六件，富光澤嘅燒豬皮香脆鬆化，皮下脂肪唔多，豬肉軟潤甜美，肉汁豐腴，相信當中嘅果香甜味正正源自餸名中嘅「無花菓」，天下第一豬果真名不虛傳！

這間餐廳食物質素、味道和環境整體都好好😍👍🏻燒汁日本帶子蒸京都豆腐 $298看似好普通的菜式，有菜芯伴碟，豆豉蔥花加上燒汁令帶子和豆腐都好入味，還有家的感覺，有水準👍🏻🍜🥚黑松露滑蛋日本帶子炒河 $268好多帶子好足料，滑蛋滿滿包著河粉，黑松露加蔥花裝飾，每條河粉都包著滑蛋，就算凍了都好味，犀利👍🏻🍵蟲草孢子螺頭燉花膠 $188味道正常，有一條花膠，一兩粒螺頭🐷無花菓極品黑叉燒 $168半肥瘦叉燒，燒得香口又彈牙，唔會好似平時食開太多蜜糖，好味😋🥬🍄板栗燒翡翠 $138蘆筍、菜心、栗子、菇片一齊炒係好味嘅🥬🍵甘粟竹笙羹 $68好耐冇飲粟米羹，除了粟米加埋竹笙多重口感😋🖼環境幽靜，服務員態度和藹

叫咗兩個蛋白杏仁露，兩個嘅份量唔一樣，其中一個小過半碗，同侍應講返，佢攞咗個碗之後溝水，碗野勁淡！ 平時都唔會差評，但是今次真是激到我阿媽十分之嬲，為咗我阿媽抱打不平決定人生弟一次寫差評，服務態度環境都一般，但係咁樣嘅做嘢方法真的是令人憤怒嗰隻天下第一豬係好食的也不能彈太多但係咁樣嘅檔次嘅餐廳不應該犯以上的錯誤

同太太幫襯過幾次，一直都覺得唔錯，雖然價錢略貴，但食物質素頗高。今次同太太再黎，實在令人失望。日山和牛酥這樣的賣相也端出來給客人，實在難以令人接受。另外，一直很喜歡他們的煎蘿蔔糕，每次都會食。今次同侍應點菜後蘿蔔糕很久都沒來，發現完來冇落單，重新落單之後個經理又話已經賣晒，過程中一句唔好意思都沒有。如果食物賣晒，應該要在落單時告知客人，這是很基本的。總括來說，食物水準明顯下降，服務水平尤其令人失望，餐廳這樣下去，很難留住客人，希望餐廳管理層重視。

這是我第一次寫評論，我都睇過其他人的意見，我先寫，因為都發現有其他食客覺得職員的服務不太好，咁証明都唔係我一個嘅意見係咁。門口的職員態度係好嘅，我同老公入店內後，有人問我哋飲咩茶，之後連茶及menu 拎咗嚟，我哋揀咗，舉手叫人落單，等左一兩分鐘後，門口的職員見到問我哋咩事，我哋講想落單，佢就用walkie幫我哋叫其他人，我見到個男經理應咗機，但佢係到執野咁我哋都等一陣。到佢執完枱，又走開咗；而我哋都舉手搵其他職員，但無一個見到咁；有個見到嘅，又可能係傳菜唔落單。但我哋食飯時間雖然係夜晚7點幾，但都有幾張枱係無人坐。而又有個男職員係我哋入座後都係眼望望好似望住整湯俾一兩枱人，但對眼係好唔專心周圍望，搞左好耐都未「筆」完湯。過咗幾分鐘，都係無人理。我哋又舉手，個男經理終於見到，但態度頗串，雙手舉起手上揸住嘅湯及用具，又聳聳肩，表示唔得閒理。我哋準備拎袋打算起身走，佢終於行過黎講好唔得閒。落單後，我哋洗碗嘅熱水當然無人有時間處理，我自己拎住兩個碗行去廚房倒水，途中個女經理見到竟然不聞不問。入到廚房倒埋水都無人理我，如入無人之境。我哋係明白佢地好忙（當然我見個男職員同女經理係扮忙，似將個波左腳

看到Dining City 宣傳，Restaurant Week 午市套餐只需$200, 以該餐廳的級數來説蠻划算。誰知一上桌，前菜的叉燒只有兩份指頭大小😵，主食也只是一隻甜酸汁的中蝦跟一塊薄的脆米餅（後來才知是招牌菜）。諷刺的是，經理在主食後主動走過來靜靜地放下散叫菜牌，明知客人吃不飽😡。我們只好硬著頭皮再追加一份四格點心，和兩件豚肉小籠包。最後跟餐來的甜品杏仁茶（加兩粒湯圓），可能比主食更果腹😵‍💫。最後兩人埋單，連雜費要$660，有點失預算，還只有半飽，以同級的午餐來説絕不便宜。其實如果成本上控制不到，我寧願見到他們做一個份量足一點，而價錢貴一點的套餐，現在令顧客真有被坑的感覺。看到有食評提到人均晚市消費$270，原來是用了優惠券，實在有點誤導。如果那裏似樣的點菜，晚市應該要$500-700 左右起跳（不包括鮑參翅肚）。看到午市有不少看來是old money 的顧客，多於上班族，大概也知道消費水平。結論：食物味道不俗，但以這個價位水平，有很多更好的選擇。