room 3

营业中

休息中

見到啲食評話呢間係高質居酒屋，約埋朋友仔一齊去試吓，冇下次。串燒係正常嘅。另外試咗四杯特色Cocktail，認真覺得冇乜特別，並無其他食評講到咁出色。尖沙咀大把餐廳俾佢更加優質性價比高。最大嘅問題係佢啲枱同凳嘅setting真係好迫好迫，你同隔籬枱基本上係黐埋一齊。然後啲侍應係新移民？喺間所謂高質嘅日本餐廳，每次落單同個侍應都係雞同鴨講，每次要重複兩次，佢仲要再行返轉頭同我覆一次單，不停打斷我哋朋友之間嘅談話聊天。最後埋單諗住問侍應拎杯水，最後侍應反映一定要開still water，除此之外冇其他水,就連暖水都唔可以供應。真係一頭霧水，現今香港，我已經有嗌到四杯酒飲，最後淨係想要杯水啫，都唔可以。